KUKAMI AKINIU 23:3 - BAIBEL (BSI)

³ Pano atsukucho phivilo puthugho eno AMPEU ghokulu shinike pa lau puloshoqhi shilu, pa yezah eno ahza kutsuqo pa mlo eno angulho kuchopu suno pewo nikeu eno kakulo kiu yepuaghi keno akupulo shoqhilo sukuqhaghi akumla lono mlapiye wonikeu shoqhi shilu. Timi kumtsuno puloshoqhi pimhe wonike ghenguno tushoqhilu.

Sumi Naga CL (Re-edited) Bible (BSI)

³ Akükau no atsükucho phivilo puthugho no pa mlo kuchopu eno pa ngulho kuchopu süno Ampeu pape, Pa zakütsü, pimheye, eno xaküthaza gholu nike Ampeu zülo puloshoqhi shi, eno puloshoqhi kaku lo yepüakeu tsaqo pekupu nike piqhie. Timi kümtsü no puloshoqhi tipau lo pulo küqhave.

KUKAMI AKINIU 23:3 Mawu Ofanana

KUKAMI AKINIU 11:14

Tile lino achineki kulaghilo atsukucho phivilo akitheu akukau ye akhuayeh kiqi lono puthugho ngo akeu ithulu. pa suho mxapesu kijemiqo, afuko kuighamiqo eno timiqo kumtsuno alokivishi igha eno afuko igha ae. Ikeuloye Athalia ye amlo ghime launo li phi suxu eno ighamuku pi, “Pishikiqhie, pishikiqhie!”

KUKAMI AKINIU 11:17

Achineu Jehoiada no akukau Joas eno timiqo pelono AMPEU lau puloshoqhi lakhi shipe, tiye panonguye AMPEU wu timi shinie pikeu shoqhi ke.

YEKIKITHI AKINIU 15:15

Juda lo akemi kumtsu alokivi shive kughengu panonguno amlo kuchopu supuzu puloshoqhi hipau shi luke. Panonguye AMPEU mllani keulo azukuvu shike eno pano panoqo ikhilu eno aqha kumtsulo alokughuno panoqo tsue.

YEKIKITHI AKINIU 23:13

Tilau akukau akitheu no achineki kulaghilo kukami ghenguno atsukucho ajo shi akeu phivilo ghushimi kijemi ngo afuko kuighami no suhope aghikeu lino ithulu. Timi kumtsu alokivi shi ighamuku no afukolo fusu aghi eno achinekilo alekiphemino pano leboqo pesu tipau ikhilu akeulo saphe aghi. Athalia no avekusa launo li phi mini suxuve eno ishi igha, “Pishikiqhi! Pishikiqhi!”

YEKIKITHI AKINIU 23:16

Achineu Jehoiada no Akukau Joas ngo timiqo pelo pa gholo sukuqhano panonguye AMPEU wu timiqo shinikeu puloshoqhi lakhi shi.

YEKIKITHI AKINIU 29:10

“Itehiye AMPEU, Israil Lhou sasu puloshoqhi lakhi shinikeu ino xathaluvae, tishi anguno paye nilau aloghu ide kithe pemonike.

EZRA 10:3

Tighenguno ninguno ni Lhou zulo tushoqhi ghi pi ani, nino ni nipu anuli pheveni, nino nono pikeu eno niLhou yehza sumsa kichemiqono pikeu kukutsu papenie. Alhou yezahlo shilo pikeu ninguno shinie.

NEHEMIA 10:1

Atughiu shi jemchi shikeuye Hakalia nu ahng Nehemia eno pa shelo Zedekiya no jemchi shilu. Hipaqo ghi jemchi shiluke:

NEHEMIA 5:13

Tithiu ino apokha yi kuqhopheno sukinighi pi, “Hitoi khuno nongu shoqhi qhimoveni keno Alhou no ishi nongu no pighi akeu kumtsu pewuveno kiumu qhipe nongu tsumove nanie.” Tilehi ngo akemi kumtsuno pi, “Amen!” eno AMPEU akishe tsu. Sakiphemino panongu shoqhi peluke.

NEHEMIA 9:38

Hipaqo kumtsu ghenguno Israilmino mutsumishei keu puloshoqhi hi yehpe qhilu ani, eno niwu sakiphemi, Levimi eno achinemino jemchi chishipuku ani.

IPEKULU 24:3

Muse no timiqo lau ighi puzu AMPEU no ahza tsukeu eno shilo pikeu tsa kumtsu pesu pike ike timi kumtsuno ishi khochile, “AMPEU no pikeu kumtsu ninguno shinike.”

YETSAPIU 8:2

Akukauno pikeu shilo eno Alhou vilo lhelheshi tushoqhi kevilo.

JEREMIYA 34:15

Atsala kinia kuthua shiaphike nonguno nomlo kilive eno ipulou shike. Nongu kumtsuno nokusami Israilmi pheve nikeu pulokileve eno achineki khile imlla cheni keno tilehino nonguno igizu lono puloshoqhi shike.

JEREMIYA 34:8

Akukau Zedekiya ngo Jerusalem lo akemiqono pano timi Ibrimi aquaxemi kiptimi na totimi namu phepuwuve nikeu shi pulokilekeu lakhi shive,

JEREMIYA 4:2

nonguye ije pesu tushoqhi nikeu achipike. Tishiaye ashiayeh kumtsuno panoqo kumghatsu penike ivilo iniju nani eno panonguno isheqhe nani.”

JEREMIYA 50:5

Panonguno Zion kudau wukeu la iyighiju puzu tikudau wu nani. Panonguno isasu lhokta puloshoqhi shi nani eno khilemu tipau kubovemo nani.”

ZAKINIU 10:12

“Israilmiqo, itehiye AMPEU Alhou ye nongu launo kiu khuani keno inilo: AMPEU mllalo eno pano ahza tsukeu kumtsu shilo. Pa qhuivulo eno nongu mlo kuchopu eno angulho kumtsu pesu pa qelo

ZAKINIU 11:13

“Tighenguno ishi tsalalo ino ahza nongu tsuakeu pelulo; AMPEU nongu Lhou qhuivulo eno nongu mlo kuchopuno pa qelo.

ZAKINIU 13:4

AMPEU pape chelo,pa sumsalo, pa gholulo eno pano ahza tsukeu pelulo; pa mllalo eno pa lau amikucho shilo.

ZAKINIU 29:1

Muab yeghilo akelo AMPEU no Muse vilo ahza tsupuzu Israilmi sasu puloshoqhi tsa kiqi hipaqo shipenikeu shie; hipaqo kumtsu AMPEU no panoqo sasu Sinai Toghi lono puloshoqhi shikeu gholo kuphatsu keu ke.

ZAKINIU 4:45

Tiye panonguno Ijip lono ighive kethiunoke eno Jordan kipelau Bethpeor taun ghungulo akhilalo akelono pano ayezah hipaqo panongu tsuke. Hiye Amarimi kukau Sihon, Heshbon taunlo ayehpechekeu luzaqha loke. Muse ngo Israilmino Ijip lono ipeghi kelono Sihon leluveke.

ZAKINIU 6:1

“Ayezah hipaqo kumtsu AMPEU Alhou no nongu shikapiye penike ahza itsuke. Nonguno ilono ngoluniye akeu ghakhulo tipaqo pelulo.

ZAKINIU 6:5

Omlo kuchopu,ongulho kuchopu, eno okumto kuchopu pesu AMPEU nongu Lhou qhuivulo.

ZAKINIU 8:19

AMPEU nongu Lhou khilemu pheve kevilo momu kutau lhouqo mlla eno qenike tsughusu wukevilo. Nonguno tishi aye ino ishi tsala lono nongu vilo piputove anike nonguye mutsuqhei kutsaleve nanike.

IBRIMI 12:24

Nongu Puloshoqhi Akitheu kimekutsuu Jisu lau eno Abel jih nguno kupuqhiyi pipuakeu kuzutepuku keu jih lau ighi ani.

IBRIMI 13:20

Itehiye alokughunopu Lhou, khuno niMpeu Jisu akithi lono xuputhuvekeno, pa ji pesu lhokta kutolo puloshoqhi mekhatsukeu bheriqo wu Akheu Akijeu;