KUKAMI AKINIU 21:3 - BAIBEL (BSI)

³ Papu Hezekiya no hexave tsukeqo asu-atu kumlla-a kumtsu itaghi pano shikithevetsu; Baal mllape nike akumlla kiptia mlatsu eno alhouliu Ashera julho shisupe qhitsu, puzuu Israil kukau Ahab no mlaketoi shithuve. Manasse ye ayepuqo mllauve.

Sumi Naga CL (Re-edited) Bible (BSI)

³ Kughengu papu Hezekiah no qhemghaike-a kütsave tsükeqo pa no shiqhe kitheve, pa no Baal kümlla-aqo mla, Israel kükau Ahab no mlake toi Asherah julho mlae, eno atsütsü lo aqhi ayepu kümtsü mlla ke.

KUKAMI AKINIU 21:3 Mawu Ofanana

KUKAMI ATUGHIU 18:21

Elija no timiqo lau iqhoghino pi, “Nongu mlo xakutha shinike ghenguno ado khitohi luani kya? Tsala AMPEU no Alhou aye, pa mllalo; eno Baal no Alhou shi aghiaye, pa mllauvelo!” Ikemu timiqoye atsa lothi lakhimu piqhimove.

KUKAMI ATUGHIU 18:26

Panonguno amshitsu panongu lau sughikeu ikhiluno kutothuve eno puchomughu kutolo Baal vilo inikhu. Panonguno ighamuku, “Baal ni khochile tsulo!” akiptia homxa ilhe ae. Ikemu kiumu khokichile ighimove.

KUKAMI AKINIU 13:6

Ikemu panonguye akukau Jeroboam no panongu sasu axine lo ilovekeu xine hu phevemlano tamomithe kuqu auve; eno alhou liu Ashera julho hu Samaria lo acheuve.

KUKAMI AKINIU 17:16

Panonguno AMPEU panongu Lhou yehza kumtsu hephoveno ayino amshitsu julho ghi shisupe qhi, ayepuqo mlla eno Baal lhou mllaukhave.

KUKAMI AKINIU 18:22

Asiriyami kijemi no highi ishipi, “Ikeo nonguye AMPEU nongu Lhou shou pukhube aghiaye ivilo pilo? Kughengu AMPEU chineki ngo akiptiaqoye Hezekiya no shipsa hexakhavea, ipuzu pano Juda lo timiqo eno Jerusalem lo kuamiqo vilo Jerusalem lo akeu kumlla kiptialo likhino mlla lunanipi pithivae.

KUKAMI AKINIU 18:4

Asu-atu kumllaqo hexapevetsu, athigho shosu puakeu tuqu tulavetsu eno Ashera lhouliu julho shisu puakeuqo kumtsu kubolevetsu. Muse no shitsukeu alazayi no shikeu pighi julho khikhi Nehustan ipi kuchekeno tipaughi kubo piniyivetsu. Tikutolo Israilmiye tipau gihukeu michipu shi-ghi piti kumnakeu shisu ighi.

KUKAMI AKINIU 8:18

Pa nipuye Ahab nongake eno Ahab kibolomi toi pa ghi Israil kukami xine laghilo papeuve. Paye AMPEU zulo axine shive,

KUKAMI AKINIU 8:27

Ahazia ye akukau Ahab bolomi kulakupu shikeu lono pa ghi Ahab kibolomi toi AMPEU zulo axine shive.

YEKIKITHI AKINIU 32:12

Pa ampi no AMPEU wu achinea ngo akiptia kutsaleve ke eno tithiu ye Juda ngo Jerusalem lo akemiqo vilo akiptia lakhilo likhi no tsungqui ta piti eno mllani keu pike.

YEKIKITHI AKINIU 34:3

Josiya no akukau shilu keu ampe akutacheu lo, paye ighono lhothemi kughunu shi aphi lono pasu Akukau David Lhou mlla cheuve. Ampe bidi thiu pano asu-atu kumlla aqo kutsale thuve - Ashera lhouliu julho ngo asu-atu julho kutau kumtsu.

JOB 31:26

Tsukinhe no vuqai yepuvu aghikeu momu aqhino qhivutsuniyi itha cheghi keu ithulu puzu

ISAIAH 65:11

“Ikemu nongu iqhiveno Zion ikimthe toqhi gihumoveno anguksa lhou Gad ngo Meni mlla chekemiqoye pakutakeu anani.

JEREMIYA 7:30

“Juda lo akemiqono alhoksapu lakhi shipuani. Panonguno panoqo su-atu julho khikhi ino jumithi cheni keno tipau pesu ichinekilo qhike eno tipau kitiqeveke.

MICAH 6:16

Hipaqo shi nanike kughengu akukau Omri ngo pa nu akukau Ahab pamano ghushoghili lhoksa shikeu nonguno papeke. Nonguye pamano mijepe puatsukeu pekishe pechephi ikehu nonguye shipsa keulo ino sawo suve nani eno timi kumtsuno nongu jukunatha nani. Aqha kumtsulo timino aphi kumqhupu shi nongu peitha nani.”

ZAKINIU 16:21

“Nonguno AMPEU Alhou ghenguno akiptia lakhi mla kelo tipau phivilo asuno Ashera lhouliu shikeu qhikevilo.

ZAKINIU 17:2

Kumsujukelo taun lakhilo kiptimi momu totimi khamino AMPEU shou axine shive eno pawu puloshoqhi kubovekeu nonguno chilu aye,

ZAKINIU 17:3

ti kutau lhou mlla eno qeuve momu tsukinhe ngo aqhi momu ayepuqo mlla eno qeuvekeuke eno AMPEU no ahza tsukeu hebide anike.

ZAKINIU 20:18

Panoqo pithivelo, tishianguno panonguno nongu pelo AMPEU shou axine shipemo nike tiye panoqono pano lhouqo mllakeulo kuchhube kutsula jeli shikeu nongu shikapiyelu nosake.

ZAKINIU 4:19

Atsutsu lo kiu ithulu ani keno tsukinhe aqhi momu ayepuqo mlla eno qenikeulo msuluve pekevilo. AMPEU nongu Lhou no timi kutami pelo tipaqo mlla penike tsuve ake.