KUKAMI AKINIU 20:3 - BAIBEL (BSI)

³ “AMPEU, ikumsululo, niye aghokulu eno kikhikighi shi oqe ohuthu che eno niye alhokuthu nono ivilo kiu shilepi keno tipau mlatsuche.” Tishi pighi paye ighono kukuno tshutshushi qauve.

Sumi Naga CL (Re-edited) Bible (BSI)

³ “O Ampeu, kimiyeno I no kishi O zülo pükhükulu shi amlo tsüqhiyi cheche, eno achipiu shiche keno kümsülu tsülo.” Tishi pive no Hezekiah no kukuno qauve.

KUKAMI AKINIU 20:3 Mawu Ofanana

BOTHUBO 17:1

Abram no ampe lhotoku toku shi akelo, AMPEU no pa lau ipeghino pa vilo pi, “Niye Tuchomujokulu Lhoue,

BOTHUBO 5:22

Tipathiu Enok ye Alhou sasu kuposhughi ampe 300 xue eno ati anuli kutami kutomo lhoe

BOTHUBO 5:24

Enok ye Alhou sasu kuposhughi xuche kehu, pa juthumlave, kughengu Alhou no pa sawuveke.

BOTHUBO 8:1

Alhou no ashukakilo Noha ngo tughashi tikishi eno lhoxu kumtsu kumsu chilelue. Pano ayeghi shou amlhu mulhuwu pe eno azuno isuilo kithe thuve.

KUKAMI ATUGHIU 11:4

pano muchomi shiwuve keuloye pa pelono inami lhou mlauvepeke. Paye pa Lhou AMPEU lau papu David toimoveno amikucho shimoveke.

KUKAMI ATUGHIU 15:14

Asa ye alhou kumthami kumlla-a kumtsu shipusa khamlave namu paye pa kuxu thaqhulo AMPEU lau aghokulu shie.

KUKAMI ATUGHIU 2:4

Tsalatsa nono pa gholu aye AMPEU no tushoqhi puakeu toi ivilo ilaghaqono panongu mlo kumtsu suno pa zah kutsu kutokupui pelu ake tivilo Israil shou ayeh pelu nani ipi puakeu shikupulu nani ipi.

KUKAMI ATUGHIU 3:6

Solomon no khochile, “Nono ipu David oqeu lau kimiyekeu kije piye, paye osasu akivishi aghokulu shi eno amikucho qholono xuche. Nono tamo mitheno pa kimiye keu michipu kije kiqi lono anu lakhi pa tsue, tiye ishi pa zuqhushi ayehpe akeuke.

KUKAMI ATUGHIU 8:23

hitoi inikhu, “Israil Lhou AMPEU, tsutsu qholo eno yeghi shou khumu otoikeu Lhou kuhae! Nono owu timiqono amlo kuchopu ikhiphe pesu aghokulu shi ake thaqhulo owu timiqo sasu puloshoqhi shino okikimiye panongu lau pephe piye.

KUKAMI ATUGHIU 8:61

Ikemu nongu mlo kumtsu AMPEU Alhou tsulo, pa yezah kiqi lono xulo eno pa zahkutsu ishi tsalalo luaketoi aghokulu shiwolo.”

KUKAMI ATUGHIU 9:4

Tsala nono opu David no shike toi amikucho lono ihuthu eno kutupo kuqha aye eno nono iyezahqo gholu eno thwokha ino ahza tsukeu kumtsu pelu aye,

KUKAMI AKINIU 20:2

Hezekiya no pagi akupuwu kudau ju suno inikhuthu:

KUKAMI AKINIU 20:4

Isaya ye akukau qhiveno wuve, ikemu pano akukakilo kughaki mta holo veche wucheke lono AMPEU no pa vilo

YEKIKITHI AKINIU 16:9

AMPEU ye khunoqono pa lau amlolo aghokulu shi acheni keno tipaqo shikumtoni ke paye ayeghiqha kumtsu thebei jukuto acheni ke. Noye aghuzu nikha shivae eno tighenguno itehi nguno hilauye noye pulhapuju lo aghu shi ananike.”

NEHEMIA 13:14

Ino Ochineki eno tipaulo mlla kepu ghenguno hipaqo kumtsu shikeu ghenguno ikumsulu tsulo, O iLhou.

NEHEMIA 13:22

Ino Levimi vilo pano likhi pano shikimtheveno wupuzu khaghoqo kheluvelo pi ahza tsuke tiye Sabat akimtheshi pinyi peniyeke. O Alhou highenguno ghi ikumsulu tsulo eno okikimiye kije ghenguno ipukhape qhitsulo.

NEHEMIA 13:31

akumllagho pitikepu shi ado achipi lono asu sughipe nike eno timiqo pelo panonguno athi amsu-u lukeu eno axathi xolu tughiu akumllagho shi sughi penike ino kishekulushi kutovetsu. Hipaqo kumtsu kumsulu tsulo, O Alhou eno tipaqo ghenguno ikivipu shitsulo.

NEHEMIA 5:19

Ino ovilo khu anike, O Alhou, timi hipaqo ghenguno kiu mlatsu keno ti kumsulu tsulo.

JOB 1:1

Khaghi Uz ghakhulo Job ipikeu ache. Paye Alhou sumsa kemi eno tichetighemi kumo ikemu akumzumi eno lhoksakugha lono tsughuve chekemi.

JOB 1:8

Tileno AMPEU no Satan vilo pi, “Noye iqeu Job jukutoju akema? Kughengu pa toi kemi amikucho, achipiu kuxu xukemi eno axine theqikulumi lakhimu ayeghilo kuhae.”

JOB 16:20

Ikusamino ithaighae, Alhou lau inhezu pijie.

JOB 4:6

Nono Alhou gihu chekeu huno ousu kumo keshea? Okuxulo tiche tighe kuhakeu huno owu lajupu kumo kesha?

LESHELE 102:9

Niye asho chu akeshi ayevu chuani, eno inhezuno ino yeakeu zu kite ghi sho ani.

LESHELE 119:26

Ino mlave keu kumtsu pipheveke eno nono ikhochileke; olaghi ishikapiyelo.

LESHELE 119:49

Ni oqeu lau ashoqhi shikeu kumsululo, tipauno lajupu itsuke.

LESHELE 145:18

Khunono amlo mutsumishei pa ku ighini keno tipano punukhoi ani.

LESHELE 25:7

Ilhothelo xineqo ngo ino kuquve keu xine kumsumave tsulo, ow iqemokeu kikimiye kiqi lono ikumsululo, O AMPEU!

LESHELE 26:1

Isaphutsulo, O AMPEU, kughengu niye akuxu kumzu lalo cheni, niye ithamono AMPEU pukhu acheni.

LESHELE 26:3

Owu iqemokeu kikimiye igizulo acheni, opukhukululo ino checheni.

LESHELE 32:2

Timi khunono kuquvemu AMPEU no kihikula tsumoni keno tipano lokivipue. khuno lolo pishikiqhi kuha keno tipano lokivipue.

LESHELE 39:13

Ilikhi qhivelo, tishianguno ino cheve mphi lono eno kuhave mphi lono amlo qilunike.

LESHELE 6:6

Amlo ghime lono niye shishe qeyivae; kijili atsu-tsu izu-a lono anhezu piji acheni, Ikuqakumlo nhezuno ikutsukumkhu putsuvae.

LESHELE 6:7

Amloksa lono inhethi ghi chuchu miyivae; ighumino ipuqa kelauno inhethiye ingughuyivae.

LESHELE 89:47

Ikuxuye kiutoi ikhonhei keno kumsujutsulo; nono ningu kumtsu thivenikeu shi lhoqhike!

LESHELE 89:50

Ni oqeu kishi piputha acheni keno kumsuma kevilo, Ayekumthamino ni ghushokeu khitotohi kutuu ani kya?

ISAIAH 38:14

Isutsaye yezuyive eno qeyive, eno niye amiqhi toi isughughuive. Inhethino kungugha kudau jukeno akulho shive. AMPEU, shiluksa hipau lono ixaphetsulo.

ISAIAH 63:11

Ikemu tile panonguno wovekeu tsala kumsuchilelu eno panonguno ishi iniju, “AMPEU ye khile ani kya? Pano azughi lono pawu timi sakiphemiqo xalukeu hu? AMPEU ye khile ani kya? Pano pa Ghungu pesu Muse tsukeu hu?

JEREMIYA 4:2

nonguye ije pesu tushoqhi nikeu achipike. Tishiaye ashiayeh kumtsuno panoqo kumghatsu penike ivilo iniju nani eno panonguno isheqhe nani.”

AMUS 5:4

AMPEU no Israil lo akemi vilo pi, “Ilau ighilo eno nonguye xulu nani ke.

Luke 1:6

Pama kini kujo Alhou zulo amikuchoshi xu ache eno Ampeu no ahza eno ayeh tsukeu aghokulu shi peche.

John 1:47

Nathana-el no pa lau cheghikeu Jisu no ithulu puzu, pano Nathana- el ghili ishipi, “Israilmi kuchou lakhi hichenike julo. Pa lolo pishikiqhi kuhae.”

2 Kor. 1:12

Ningu kijivilo chekeuye hike; nilolo kivikusa lokumsuno ashepe nitsu akeuno ayeghi hipaulo nikuxuye Alhou launo ighikeu kimthe eno musumulai xuchekeu ayeghilo suqekighithi lono kumoe ikemu Alhou wu kupukini pesu xucheke, eno tiye akhotono nongu lau tishi kutshupe xucheke.

IBRIMI 5:7

Jisu no ayeghilo xuachekelo aghugha kuloghi eno anhezu piji puzu pa kighini pesu akithi lono pa xakulupu shiakeu, Alhou vilo inikhu cheke eno pano Alhou sukumsa akeu ghenguno pa kighini ikhilutsue.