KUKAMI AKINIU 2:2 - BAIBEL (BSI)

² wucheke lono Elija no Elisha vilo pi, “Hilehi ngo aghilo; kughengu AMPEU no ivilo Bethel lo wulepi ahza itsu ani.” Ikemu Elisha no khochile, “Ino xukuau AMPEU, khuu ino huthu cheni keno paje lono pi anike niye khilemu ophemoe.” Tileno pama kumtsa Bethel lo wunikeu shive.

Sumi Naga CL (Re-edited) Bible (BSI)

² Elijah no Elisha vilo pi, “Hile ngo aghilo, kughengu Ampeu no Bethel kutolo I puwu anie.” Ikemu Elisha no khochile, “Ampeu xüani, eno no ampi xüani, ni ye khilemu o phemoe.” Ikehu pama kümtsa Bethel lo iqive.

KUKAMI AKINIU 2:2 Mawu Ofanana

BOTHUBO 28:19

Tipa-a pesu pano Bethel Tipau kiqiye kutsu. Azuuye tipa phu pesu Luz ipi cheke.

KUKAMI ATUGHIU 12:28

Tishi kumsuve kethiu, pano shuna no amshiti julho kini mla eno pawu timiqo vilo ishi pi, “Nongu ghenguno Jerusalem lo wuno mlla nikeuye alaghi shuloe. Israilmiqo, hino nongu lhouke, hino Ijip lono nongu saipeghiluke!”

KUKAMI ATUGHIU 12:29

Tipighi shuna mishitsu lakhino Bethel lo qhi eno lakhino Dan lo qhitsu.

KUKAMI ATUGHIU 12:33

Aqhi akutacheulo atsala chighi punguni lo pano kughuphetsu keu, pa ghi Bethel lo wuno amshitsu pano mlakeu akumllagho tsu, Israilmi pelo pinyi chepe niye pano huthu phetsukeuke.

KUKAMI AKINIU 2:23

Elisha ye Jerikho qhiveno Bethel lo wuche eno tile taun lono itimi khamino ipeghino pa junuqhi, “Boghesho, hileno mtazu chevelo,” ipi panonguno ighamuku pi.

KUKAMI AKINIU 2:4

Tileno Elija no Elisha vilo pi, “Itehi hilehi ngo aghilo, kughengu AMPEU no Jerikho lo wulepi ahza itsu ani.” Ikemu Elisha no khochile, “Ino xukuau AMPEU, khuu ino huthu chenikeno paje lono pi anike, niye khilemu ophemoe.” Ikehu itaghi pama kumtsa Jerikho lo wuve.

KUKAMI AKINIU 2:6

Tileno Elija no Elisha vilo “Itehi hilehi ngo aghilo; AMPEU no ivilo Jordan lo wulopi ahza tsuani.” Ikemu Elisha no khochile, “Ino xukuau AMPEU, khuu ino huthu cheni keno paje lono pi ani, niye khilemu ophemoe.” Tighenguno pama kumtsa cheve,

KUKAMI AKINIU 4:30

Atopuuno Elisha vilo pi, “Xukuau MPEU ino huthuchekeu oje lono eno ozu lono pi anike niye ophemoe!” Ike pano ithughino li sasu woe.

JEREMIYA 4:2

nonguye ije pesu tushoqhi nikeu achipike. Tishiaye ashiayeh kumtsuno panoqo kumghatsu penike ivilo iniju nani eno panonguno isheqhe nani.”

1 John 2:19

Timi hipaqoye kuchouno niqonihomi kumoe ikehu ningu launo wuvae. Panonguye niqonihomi keaye panonguye nigholo ngo aghini cheke. Ikemu panonguye wuvae, tipau kiqiye panonguye niqomi kumo kepi mutsuqheyi ithive peniyeke.

SAMUEL ATUGHIU 1:26

Hanna no pa vilo pi, “Akijeu, ikipimi qhitsulo. Noye ikumsulu aphima? Ino hilehi puthughono AMPEU lau inikhu ake lono nono ithulu keu totimi huke.

SAMUEL ATUGHIU 17:55

David no Goliat sasu aghu shiniye wuchekeu Saul no ithulu puzu pano pawu ghushimi shou akijeu shi akeu Abner vilo hishi iniju, “Abner, David ye khu nu kya?” Abner no khochile, “Akijeu, niye kumu mthae.”

SAMUEL ATUGHIU 25:26

Oghumi lau amkhu lunikeu eno heqhinikeu lono oshokhalu keuye AMPEU noke. Ino xukuau AMPEU jelono tushoqhi anike oghumi eno oghime nishi akeqo kumtsu lau Nabal ghime ketoi shilo.