KUKAMI AKINIU 2:13 - BAIBEL (BSI)

¹³ Tishiveno pano Elija wu chijeboboi keu phikuzu khikhi pa shou ikiqi ikughi keno tipau ikhiluveno idewo Jordan khilalo puthughove.

Sumi Naga CL (Re-edited) Bible (BSI)

¹³ Eno Elijah philono ikiqighi keu hebephi ikhiluve no idewo Jordan khila lo puthugho.

KUKAMI AKINIU 2:13 Mawu Ofanana

KUKAMI ATUGHIU 19:19

Tighenguno Elija ye tipa a lono cheve eno ighikelo Shafat nu Elisha ye amshitsu aloji lakhi sasu ngo aghikeu ithulu; pa zulo atuna chighikhaqhi ngoa eno paye atuna chighi akiniu sasu alu hokide aghi. Tileno Elija no pa phikuzu xapesu Elisha shou bevetsu.

KUKAMI ATUGHIU 9:26

Akukau Solomon no Edom yeghilo akeu Akuhu Zughi mukulo Elat phivilo akeu Eziongeber lo zukilu mlape qhilu.

KUKAMI AKINIU 2:12

Elisha no ti ithuluno ighamuku Elija ku, “Ipu, Ipu! Israilmi saphukicheu akughushuu! Noye chevea kesha!” Tishino paye khilemu akiniu Elija ithulumove. Ighono amlo ghime lono Elisha no pawu chijeboboi keu phikuzu hu suxula kini shive.

KUKAMI AKINIU 2:14

Pano ti Elija wu chijeboboi keu phikuzu pesu azulo hesu eno ishipi, “Elija Lhou AMPEU khile ani kya?” Tishino itaghi pano akiniu azulo hesu ikelaye azu kikije kini shive eno paye chesu ikuluve.

KUKAMI AKINIU 2:8

Tileno Elija no pa phi chijeboboi keu phikuzu xaqhive eno kuqhuchheveno azulo hesu; ikelauye azuno kikije kini shive eno Elisha pamaye aghoki hukukuu qhaikeu yeghilo ipeluve.

IBRIMI 11:37

Atu pesu panongu veqhike, panongu xaphokini shiveke, panongu ghiqhi pithike; panonguye bheriyiko aneyiko pepusu iqhoiqike, aquaghake, shikighime qhike eno peitha pusake,

SAMUEL ATUGHIU 28:14

“Kiutoikeu ithulu anikya?” pi pano iniju. “Muchomi lakhi ipeghi ani eno paye chijeboboi keu phikuzu pepu ani,” pi lino khochile. Tileno Saul no tiye Samuel ghungu ipeghi anipi ithiveno sukumsa michi ayeghilo itsaqi piye.