KUKAMI AKINIU 2:12 - BAIBEL (BSI)

¹² Elisha no ti ithuluno ighamuku Elija ku, “Ipu, Ipu! Israilmi saphukicheu akughushuu! Noye chevea kesha!” Tishino paye khilemu akiniu Elija ithulumove. Ighono amlo ghime lono Elisha no pawu chijeboboi keu phikuzu hu suxula kini shive.

Sumi Naga CL (Re-edited) Bible (BSI)

¹² Elisha no ti ithulu no ighamku, “I pu, I pu! Israel khurkulu eno paw khurshimi.” Pa ye Elijah ithulu move. Tishino pa no pa phiküzü süxüla kini shive.

KUKAMI AKINIU 2:12 Mawu Ofanana

BOTHUBO 37:34

Jakob no pa mlo ghime launo pa phimini suxu piniyive eno aphi tsubuyi keu pesu papo hekuxapu, eno ado kushuwa panu Josef ghenguno mlo-qa ache.

BOTHUBO 5:24

Enok ye Alhou sasu kuposhughi xuche kehu, pa juthumlave, kughengu Alhou no pa sawuveke.

KUKAMI AKINIU 13:14

Tungkupuu Elisha ye ighono akithi kusu suve, pano thiveniye akelono Israil kukau Jehoas no pa xuju ighi. “Ipuo, Ipuo!” ipi igha pano qathu. “Noye Israilmi sakuphuu atou shicheke!”

KUKAMI AKINIU 2:13

Tishiveno pano Elija wu chijeboboi keu phikuzu khikhi pa shou ikiqi ikughi keno tipau ikhiluveno idewo Jordan khilalo puthughove.

KUKAMI AKINIU 5:13

Pa qeuno pa vilo ighino pi, “Akijeu, tsala tungkupuuno kiwala kushokutsupu ovilo shilo pi aghikepu aye nono shimomu take. Ikemu pano ovilo okutoshino wupuzu qhuvelo eno viluvelopi anike ghenguno tishiju kepue.

KUKAMI AKINIU 6:21

Kughou Israil kukauno Siriyami ithulukeno, pano Elisha vilo iniju, “Ipelono panongu heqhivepemo kesha, akijeu? Ino panongu heqhiveosha?”

JOB 22:30

Pano kuqumokemi xaphe cheni; O-u kimthe vechewono oxaphelu nani.”

AHOLE 11:11

Kughono amikuchomino aphughi lakhi shou kukumgha be tsuni keno tipau phughiye kije shiwuve cheni, ikemu kixikilami tsapino aphughi lakhi shou shikupsa sughi cheni.

AHOLE 30:4

Khuno atsutsulo kighithi ithikhaluve akya? khuno pa-u pesu amlhu tsuqulu akya? momu aphi tachu lono azu gholu akya? momu tsutsu yeghibo shope puani kya? paye khuu kela noye ithi ani kesha? eno panuye khuu kya?

YETSAPIU 7:19

Alokutsuno timi lakhi pelo ayehkipemi chighino aphughi lakhi ghenguno mlalu akeu nguno akiviu shi mlalupe cheni.

ISAIAH 37:15

AMPEU zulo yekili qhipuzu ishi inikhu,

ISAIAH 37:21

Tileno Isaya no Hezekiya lau asutsa lakhi ishi pi wupe, AMPEU, Israil Lhou no ishi piani: Asiriya kukau Senakerib ye kishi shiani keno tipaulo nono inikhukeu ghenguno,

ISAIAH 37:4

Asiriya kukatouno pawu kijemi atou puwu puzu akuxupu Lhou thaigha anike. AMPEU oLhou pelo hi thaigha akeu chilu puzu tipau piqhi akemiqo ghime penike, tighenguno ni timi akuxu puxupe puaghikeqo ghenguno Alhou lau inikhutsulo.”

Mark 16:19

Ike Ampeu Jisu no panoqo putsatave kethiu, paye kungugha lo sakuve, eno Alhou-u ajeu iqave.

Luke 2:15

Kungumino panongu launo ixa susu kungughalo wuve kethiu bherikhemi lakhino lakhi vilo pi, “Ampeu no pithi puakeu hu ningu Bethlehem lo wuno kiu shivea pi ani kela juni.”

Luke 24:51

Pano panongu kumghatsu aphi lono, paye panongu launo kututa shive eno kungughalo sakuve.

John 3:13

Kungugha lono milakhi iqighikeu, Timi Nu thono khunomu kungughalo iku mphie.”

Apostolmi 1:9

Pano hi pive puzu panonguno pa ju apulaghi kungughalo pa sasu ikuve eno panoqo nhekithe lono khungkusu amqo lakhino pa kuzupholuve.

Apostolmi 27:24

ishi pi, ‘Musakevilo, Paul Noye Rom kukau Kaisar zulo puthugho masae, eno julo, ogholo ashukakilo chekeqo kumtsu Alhou no pesu otsu ani.’

Apostolmi 8:2

Amlo tsuqhiyi chekemino Stifan kumo qhovetsu eno pa ghenguno shishe ighamuku mloqae.

2 Kor. 5:2

Eno kungughalo nikungoki akeulo avenishi kelauno itehi ninguye amlo ghuju ghugha shi acheni;

2 Kor. 5:4

Ningu phimpi phikilo ake thaqhu loye kutakihi kelauno amlo ghuju shi acheni. Ike ninguye ayeghilo phimpi pheve nishike ghenguno kumoe ikemu ninguye kungughalo phimpi pepunishiye ke, tishianguno thiveni kuau huye akuxupuno munove peniye ke.

Ephesiami 4:8

Tighenguno ishi pike, “Kughou pano kunguu iku keno akughumi kutomo pa gholo sawuke, Pano kumsagho timiqo tsue.”

Piyeküsü 11:12

Tileno atsutsu kudauno asutsa kuloghi lakhi pama vilo ishi pikeu pamano chilu, “Hilau ikughivelo.” Pama ghumino juakelauye pamaye khungkusu lono kungughalo ikuve.

XAKUTHAMI 17:10

Mika no pi, “Isasu ngovelo. Imje kutsuu eno achineu shilo, tishiaye ino ampe lo tsandiyi muno chighi gholo aphimini eno achuqupu ishi otsunie.”