KUKAMI AKINIU 18:4 - BAIBEL (BSI)

⁴ Asu-atu kumllaqo hexapevetsu, athigho shosu puakeu tuqu tulavetsu eno Ashera lhouliu julho shisu puakeuqo kumtsu kubolevetsu. Muse no shitsukeu alazayi no shikeu pighi julho khikhi Nehustan ipi kuchekeno tipaughi kubo piniyivetsu. Tikutolo Israilmiye tipau gihukeu michipu shi-ghi piti kumnakeu shisu ighi.

Sumi Naga CL (Re-edited) Bible (BSI)

⁴ Pa no qhemghaike-aqo hephove tsü, atsükuchoqo tulave tsü, eno Asherah hepholeve tsü. Pa no alazayi pighi julho (tipau pesü Nehushtan ipiche) khipa lau Israelmi no tipa ghuloki kutolo akümllagho pesü tsüche keno, tighi atachu shi kuboleve tsü.

KUKAMI AKINIU 18:4 Mawu Ofanana

KUKAMI ATUGHIU 22:43

Pa zulo papu Asa toi paye AMPEU zulo kiuno achipi keno tipau mlatsu; ikemu Alhou phimokemi kumlla-a qoye shipusamono ache, ikehu timiqoye tamono aghakishi kumlla eno piti kumnakeu pesu tipaqo lono tsucheke.

KUKAMI AKINIU 10:26

eno achine tsukucho akeu pe ipeghino pitivetsu.

KUKAMI AKINIU 11:18

Tishino timiqono Baal chinekilo ilopuzu tipau hexapiniyive tsu; akumlla khache eno asu-atu julho kumtsu kubolevetsu eno Baal chineu Matan akumlla khache zulono heqhi pithive. Jehoiada no achinekilo aghukhemi pelono ngokheluvepe,

KUKAMI AKINIU 12:3

Tishimu asu-atu kumlla-a qoye shipusamono akehu timiqoye tamono a-a tipaqolo ighino piti kumna ache.

KUKAMI AKINIU 14:4

Paye asu-atu mllachekeu a-aqo hexavetsumoe ikehu timiqoye tamono a-a tipaqo lono aghakishi eno piti kumnakeu kumlla shiche.

KUKAMI AKINIU 15:35

Ikemu asu-atu kumlla a-a qoye shipsamono achekehu timiqoye ishokibe a-a tipaqo lono aghakishi eno piti kumnakeu tsuche. Jotham vechewo Achineki lo Ahuu Khagho mlasutsuluke.

KUKAMI AKINIU 15:4

Ikemu asu-atu mllachekeu a-a qoye shipusamono ache, ike timiqoye aghakishi eno piti kumnakeu tamomitheno mllache.

KUKAMI AKINIU 16:15

Tishino pano Uriya ahza tsu: “Iwu akumlla kiptia hipau lono inaqhe piti mllachekeu eno kijiliu tuxatini kumlla shipesu akukau eno timiqo ghenguno piti mllakeu eno tuxatini kumlla shitsulo eno timiqo ghenguno aji kumlla shilo. Tipau shou tughashi jih khikhi pesu aghakishi shive akeno lesulo. Ikemu alazayi no shikeu kumlla kiptia ye ighenguno qhitsulo, ino tipau lono chinini.”

KUKAMI AKINIU 18:22

Asiriyami kijemi no highi ishipi, “Ikeo nonguye AMPEU nongu Lhou shou pukhube aghiaye ivilo pilo? Kughengu AMPEU chineki ngo akiptiaqoye Hezekiya no shipsa hexakhavea, ipuzu pano Juda lo timiqo eno Jerusalem lo kuamiqo vilo Jerusalem lo akeu kumlla kiptialo likhino mlla lunanipi pithivae.

KUKAMI AKINIU 21:3

Papu Hezekiya no hexave tsukeqo asu-atu kumlla-a kumtsu itaghi pano shikithevetsu; Baal mllape nike akumlla kiptia mlatsu eno alhouliu Ashera julho shisupe qhitsu, puzuu Israil kukau Ahab no mlaketoi shithuve. Manasse ye ayepuqo mllauve.

KUKAMI AKINIU 23:14

Akukau Josia no atu tsukuchoqolo Ashera julho shisu puakeu eno khilehi timi saghino nhano qhopepuakeno tipau shou atu tsukucho susu puakeu kumtsu tulapiniyive eno kubo piniyivetsu.

KUKAMI AKINIU 23:4

Tishino Josia no achinetou Hilkiya ngo pa kukuphumi achinemiqo, achinekilo akulaghilo aghukhepe akeqo kuno Baal mllachekeu nhemghaqo, Ashera lhouliu eno ayepu mllachekeu nhemgha kumtsu Achineki lono ikhiphevelo pi ahza tsu. Akukauno thime tipaqo kumtsu aphughi khalacheu Kidron Khila lono ami su pitivetsu eno pitivekeu yevuye pesu Bethel lo suwuve.

YEKIKITHI AKINIU 19:3

Ikemu tishi puaghi namu ololo akivi hami anike. Timiqono mlla chekeu nono Ashera lhouliu jukimihi kumtsu ikhivetsu ke eno noye Alhou pulou papenike pukaputsa ke.”

YEKIKITHI AKINIU 31:1

Aghulhu pinyi tave kethiu, Israilmi kumtsu Juda lo aphughi akeqolo wu eno atu tsukucho hethawo, Ashera lhouliu lau ikhiphetsu puakeu julhoqo hephowo eno ayeh kumtha chine kumlla ngo akiptiaqo kutsalewo ke. Panonguno Juda lo aqha kumtsu lo ngo Benjamin, Efraim eno Manase ghakhuqo lo ghi tipatho shiwoke; tithiuno panonguno pututa phulo wove.

YEKIKITHI AKINIU 33:3

Papu Hezekiya no asu-atu chine kumlla-a kutsaleve keqo pano shikitheve tsu. Pano Baal mlla kepushi akiptiaqo mlatsu, Ashera lhou liu julho shipe qhi eno ayepuqo mllake.

LESHELE 78:58

Panonguno Alhou mthakeu kumlla ghola lono pa xukighide tsu, eno panonguno ajulho shisukeu huno pa loghu kighidevetsu.

IPEKULU 23:24

Pano lhouqo lau itsaqi mlla kevilo eno panoqo chine khu-aye hakevilo. Pano lhouqo kutsalevelo eno panoqo wu achine tuqu khetsukucho kuboleve tsulo.

IPEKULU 34:13

Tishinike zuqhulo panoqo wu akiptia tuleqhive tsulo, panoqo wu chini chekeu tsukucho tulave tsulo eno panoqo lhouliu Ashera michipuqo heqhive tsulo.

ISAIAH 36:7

Asiriyami kijemi atouno highi pi, “Moaye nonguye AMPEU nongu Lhou pukhube ani kepi ivilo pinani kesha? AMPEU wu chinichekeu-a ngo akipti khacheqo tulavekeu huye Hezekiya no ke kumo kesha? Paye Judia ngo Jerusalem lo akemiqo vilo akipti khache lakhilo likhino mllalo pike kumo kesha?

ACHINE 26:30

Atoghilo nonguno mlla chekeu a kumtsu ino kutsaleve nani, nowu tsungqui-ta kiptia tuleqhivetsu nani, eno ajulho iluqi akeu shou nongu kithi kumo vepuku nani. Imlo khukhushive kelauno

ZAKINIU 5:5

Ino tipa ghulokilo nongu eno AMPEU dolo puthughono pano kiu pikeno nongu vilo pike kughengu nonguye ami musaveke eno naghutolo ikumoveke. “AMPEU no pike,

ZAKINIU 7:5

Ike tighenguno panoqo kumlla kiptia xalevetsulo, panono chinichekeu tuqu khetsukucho kubolevetsulo, panoqo lhou-liu Ashera julho ghekuchove tsulo.

XAKUTHAMI 6:25

AMPEU no tipaji Gideon vilo pi, “Opu wu amshitsu eno kutau ampe tsuni mshitsu ikhilulo opuno Baal mllachekeu kumlla kiptia kubolevetsulo eno tipau phivilo Ashera lhou julho ghi michetha pevetsulo.

XAKUTHAMI 6:28

Kughou taun lo kuamino thanau ithughino jukelo Baal mllachekeu kiptia eno Ashera julho shisupuakeu michetha peve aghikeu ithulu eno amshitsu akiniu khikhi mllaniye kutope qhipuakeno tighi piti kumllave aghikeu ithulu.