KUKAMI AKINIU 16:3 - BAIBEL (BSI)

³ ipuzu Israil lo kukamiqo kumla laghi papeuve. Paye panu ghi kugha pesu akipti kumllagho shipesu asu-atu tsuve. Israilmino iloghike ghulokilo AMPEU no haphevekemi timiqono aghuthi kusupu shichekeu toi mllae.

Sumi Naga CL (Re-edited) Bible (BSI)

³ eno Israel kükami laghi pape. Pa no pa nu ghi heqhipe akipti kümllagho shive, ti ye Ampeu no Israelmi zülono hapheve keqo shiaye no aphikümqhüpu khuaye peche keu kiqi lono shike.

KUKAMI AKINIU 16:3 Mawu Ofanana

KUKAMI ATUGHIU 14:24

Tinguno alhoksauno hi asu-atu kumlla-a kumtsulo kusalhalimi eno shupumino chhitoi ngowoto. Juda lo timiqoye kujokepu jeli kumtsu mla, AMPEU no tishi mlachekeqo pano yeghi lono Israilmino iloghinike zulono halevekeqo toi.

KUKAMI AKINIU 17:16

Panonguno AMPEU panongu Lhou yehza kumtsu hephoveno ayino amshitsu julho ghi shisupe qhi, ayepuqo mlla eno Baal lhou mllaukhave.

KUKAMI AKINIU 17:17

Panonguno panongu ti anuliqo kughapesu aghakishi kumlla shipesu asu-atu lhou tsu; panonguno saqhi-sali shi, tumukeu muthu keu shiwu eno AMPEU zulo kiuno akukuqu kuchou keno tiulono panongu kuxu tsuuve, tishikeuno AMPEU mlo shikighide tsue.

KUKAMI AKINIU 17:19

Ikemu Juda lo kuami timiqo ghi AMPEU panongu Lhou yehza gholumoe; ipuzu panonguye Israilmi no peluvekeu khuayehqo haluve.

KUKAMI AKINIU 17:8

eno AMPEU no pawu timiqono azu iqesusu ighikithishi haphevetsukeqo timi khuayehqo papeu khave eno Israil kukamiqono kilethi sutsukeu khuayeh ikhiluve.

KUKAMI AKINIU 21:11

“Akukau Manasse ye Kananmi xine nguno kuthokuzuu xine shivae; eno pawu asu-atu pesu Judami sasu axinelo sailove.

KUKAMI AKINIU 21:2

Paye AMPEU zulo axine shivekeuye Israilmino ighimphilo achekeqo shiyeh kutami kumla lhoksa papeuve.

KUKAMI AKINIU 21:6

Panu ghi kughapesu akipti kumlla shipesu tsuve. Paye asaqhi, kuduu, muthukeu, asheazu ghili kipimi eno tumumiqo puluuve. paye Alhou zulo ighono axine shiuve eno AMPEU mlo alau shikighidevetsu.

KUKAMI AKINIU 21:9

Ikemu Juda lo timiqono AMPEU gholumoe eno Manasse no panongu sasu puzuu AMPEU no paw timiqono ighimphilo acheghikeqo xine nguno kuthokuzuu xinelo sailove.

KUKAMI AKINIU 23:10

Akukau Josia no Hinnom qalo Tofet mllache keu-a ghi hexavetsu, tishino khuu pelomu anu momu anga pesu ighino Molek lhou lau akiptia kumllagho tsupe nikeu shimove.

KUKAMI AKINIU 8:18

Pa nipuye Ahab nongake eno Ahab kibolomi toi pa ghi Israil kukami xine laghilo papeuve. Paye AMPEU zulo axine shive,

YEKIKITHI AKINIU 33:2

AMPEU no pawu timiqo no azuu hawo ighikelo ashiayeh khunoqomi aghakhu lono hapheve keno timi tipaqono aphikumqhupu ghusho ghili shiche keu pape keu lono Manase ye AMPEU shou axine shive.

YEKIKITHI AKINIU 33:6

Pano panuqo pesu akipti kumllagho shi Hinom Khila lo agha shi heqhike. Pano saqhisali ngo kuduu pepimhe, auye kujumi pichekemi eno tumumi sasu kusholu che. Pano AMPEU shou ighono axine shike eno pa loghu shikighide ke.

LESHELE 106:35

Panonguye tipaqo sasu kulakupu shikile eno ayekumthami kuxu ghola pewuve.

ISAIAH 57:5

Nonguno nongu chine suboqo qholono ashi aji kutuqhakeu lono apiti kighishe lhouqo mlla cheni. Nonguno aghokitiqa phivilo atuki akeulo nongu tianuli pesu aghakishi heqhipe mlla chenike.

JEREMIYA 32:35

Panonguno Hinom Khila lo Baal lau eno panongu tianuliqo Molek lhou lau heqhi mllanike akipti-aqo mlape qhike. Niye hipau shipenike ahza tsupuamoe eno panonguye hikithipu shipuzu Juda lo timiqo pelo axine shipe nanike pikeu ikukumsulo pinamu iloghi moke.”

EZEKEL 16:21

noye itianuliqo heqhi pesu agha shikeu gho shi-ghi asu-atu julho mllave kya?

EZEKEL 16:47

Noye panoqo nepa papeni keulo eno panoqono kuchhube kutsula kumla shikeu papeni keulo aghakiqi shi acheni kema? Noye ado kitila dolono nonguno mula ithakeu kumtsulo panongu nguno alhoksau shi mula itha anike.”

EZEKEL 20:26

Ino panoqo pelo pano kumllagho pesu panoqo kitiqevepe eno ino panoqo pelo anu anoghiuqo heqhi mllapeke. Hiye panoqo ghimeqhiniye ke eno niye AMPEU kepi panongu piyeniyeke.

EZEKEL 20:31

Ishi tsala kutolo nonguye puzuu akumllagho atho pesu mlla cheni eno amilo nongu tianuli heqhipe puzuu tho asu-atu julho mllakeu lono nongu kitiqeve anike. Tishive keghi nongu Israilmiye ipulouye kiu keno inijuniye ighi cheni kesha! Kuchouno, ni Akughushu MPEU ye xuakeu Lhou ke, niye nongu pelo ivilo kiumu khu pemo nanike.

ACHINE 18:21

Molek lhou mllakeulo peitha peniye nongu tianuli khilemu tsupuwu kevilo, kughengu tiye shiputhakeu AMPEU Alhou je shou sughive nanike.

ACHINE 20:2

Israilmi vilo pipenike pi, “Nongu gholo momu inaghami nongu gholo xu akemi khuuno pa tianuli pesu Molek julho mllakeulo peitha peniye tsuni keno aqoaho kumtsu ghano atu pesu pa veqhivelo.

MICAH 6:7

Ino bheri qhethonhe kutolo sughi momu aghokizu kuqo toi oliv teli sughi aye AMPEU ye aloqi nani kesha? Ixineqo ghenguno niye inu anoghiu pesu pa mlla kepu kesha?

ZAKINIU 12:31

Panonguno pano lhouqo mllake ghola lono AMPEU nongu Lhou mlla kevilo, kughengu panoqo lhou mlla keulo panonguye AMPEU no aphimuqhu kepu jeli shi chenike. Panonguye pano tianuli ghi heqhi pesu akiptia lono aghashi piti chenike.

ZAKINIU 18:10

Nongu tianuli pesu akiptia lono piti agha shikevilo; nowu timiqo pelo hipaqo pepimhe pekevilo—saqhisali shikeu, muthu wukeu, zuluve kepu gha