KUKAMI AKINIU 12:4 - BAIBEL (BSI)

⁴ Joas no achinemi kukutsu no achinekilo aghakishi ghenguno pisa tsuchekeu eno pututa pulou kiqi lono akumllagho tsukeu kumtsu hekutsulopi ahza tsu.

Sumi Naga CL (Re-edited) Bible (BSI)

⁴ Joash no achinemi vilo pi, “Akimthe pisa Ampeu kilo süghi chekeqo, ti ye timi kikihi ghenguno qhakeu, lüthü no ashoqhi shino tsükeu, eno pütüta mlo lo hakite keu lono Ampeu kilo süghi keu kümtsü hekütsüni,

KUKAMI AKINIU 12:4 Mawu Ofanana

KUKAMI ATUGHIU 3:2

Akumllaki AMPEU ghenguno shimono achekehu timiqoye apanaghano akumllagho pesu a-a kututa lono tsuche.

KUKAMI ATUGHIU 3:3

Solomon ye AMPEU kimiyeche eno papu David no mije tsukeu papeche, ikemu pa ghi tughashi kutomo heqhino a-a kini kuthu lono akumllagho tsuche.

KUKAMI ATUGHIU 7:1

Solomon no ampe chighikuthu lono akukaki shiqhilu.

KUKAMI AKINIU 12:18

Tileno akukau Joas no pa zuu kukami Jehosafat, Jehoram eno Ahazia ishi akumllagho AMPEU tsu ighikeu gholo pawu akuka kilo akuakini kumtsu pekutsu kuqhano agho akukau Hazael tsuve, tishikeu lono pano pawu ghushimi sasu Jerusalem lemoveno idewove.

KUKAMI AKINIU 12:5

Achinemi lakhi khino pano khile mla anikeno tipau alo pisa qhasughi penikeu amakho betsu eno pisa sughikeu huye achineki shikithe kepu vehu lo peithalupe nikeu shitsu.

KUKAMI AKINIU 14:4

Paye asu-atu mllachekeu a-aqo hexavetsumoe ikehu timiqoye tamono a-a tipaqo lono aghakishi eno piti kumnakeu kumlla shiche.

KUKAMI AKINIU 15:4

Ikemu asu-atu mllachekeu a-a qoye shipusamono ache, ike timiqoye aghakishi eno piti kumnakeu tamomitheno mllache.

KUKAMI AKINIU 16:4

Asu-atu kumlla-a atolo, asubo kicheqholo, hipaqo kumtsulo Ahaz no aghakishi eno piti kumnakeu gho tsue.

KUKAMI AKINIU 17:11

eno akumlla-a kumtsulo piti kumnakeu shi, tiye AMPEU no timi khunoqo pano yeghi lono hapheve keno tipaqo khuayeh papeuve. Panongu kumla lhoksaqo ghenguno AMPEU loghu kighideve tsu

KUKAMI AKINIU 22:4

“Achinetou Hilkiya lau wupuzu achinemino Achineki kulaghi lono timiqo vilo qhakutsulukeu pisa khijehi keno ithisughilo.

YEKIKITHI ATUGHIU 18:11

Akukau David no tipaqo akumlla alo peitha nike ghenguno shikimtheve, hipaqo nguno alau pano ashiayeh kutau lewu kelono hakho sughi keu shuna, tsandi - Edom, Muab, Ammun, Filistiya eno Amalek lono sughikeqo shikimtheve.

YEKIKITHI ATUGHIU 29:17

Ino ithi noye timi kumtsu mlo ithi piliju ani eno puloniqhiyikemi wu ikhilu chenie. Amikucho lono eno puloniqhiyi keu lono hi kumtsu ino otsu anie eno owu timiqono kishi alokivi shi akumllagho pesu ighino otsu anikeno ino ithulu anie.

YEKIKITHI AKINIU 15:18

Papu Abija no Alhou lau ikhiphetsuve keu nhemgha jeli kumtsu pano Achineki lo qhike eno tipa gholo pa ampi no shuna ngo tsandiyino shikeu nhemghaqo ikhiphetsu keu ghi suwo qhike.

YEKIKITHI AKINIU 31:12

eno puhapighiyive pemo nike ghenguno agho ngo chighi saje lakhi kumtsu tilehi qhi. Panonguno Konania ipikeu Levimi lakhi pelo tipau shou ampi shipe eno pa thikuzuu Shimei no pa kukuphuu shipe.

YEKIKITHI AKINIU 35:2

Pano achinemi pelo Achineki lo panoqo kumlapu shipenike kutotsu eno tipaqo kithikiyi shipenike amlo shikumtotsu.

EZRA 1:6

Panoqo sukumxalo achekemi khunoqo Persia yeghilo achekeno tipaqono, tsandiyi khu-ajukhu, shunayi, tinhemgha, akhokupu lhoxuqo eno amekusho nhemgha eno achineki ghenguno akumllagho pesu tsupuwu.

EZRA 2:69

Pututano tsulukepu qhemi tsu kelo shunano kilogram 500 eno tsandiyino kilogram 2800 eno achinetomi phinhemgha 100 pekutsulu.

EZRA 7:16

Nonguye tinguno alaughi Babilon ghakhu lono qhakutsulu keu tsandiyi eno shuna ngo Israilmi eno panongu chinemiqono Jerusalem lo panongu Lhou Achine ki ghenguno akumllagho sutsukeu kumtsu pesu wulo.

IPEKULU 35:22

Kiptimi ghi totimi ghi khunono tishini shi keno ayipu jeli, akinilo kighi chekeu, anguthi, achi nichekeu eno akughupu chi ajeli sughi no AMPEU lau tipaqo ikhiphetsuve.

IPEKULU 35:29

Israilmi kiptimi totimi khunoqono AMPEU no Muse vilo shilo pi ahza tsukeu kumla ghenguno tsunishi kumsulu keno AMPEU lau panoqono puloniqhiyi keu kumllagho pesu tsuke.

IPEKULU 35:5

AMPEU lau akumllagho lakhi shilo. Khunoqono tishinishi anikeno paye akumllagho hipaqo sughi pelo shunayi, tsandiyi momu alazayi,

IPEKULU 36:3

Aphiki kimthe shinikeu ghenguno Israilmi no akumllagho khipaqo sughikeno tipaqo kumtsu panonguno pa launo peluve. Ikemu ina atsu-tsu Israilmino Muse lau pano kumllagho tamono pesu ighi cheuve.

ACHINE 27:31

Timi lakhino tipau gholo lakhi mu qhuchile nishi aghi aye, paye aqhalo peithachekeu me tsumasake eno tipau shou tipaume kikije pungulo lakhino vebetsu masake.

Luke 21:4

Kughengu kutamiye pututano kupukuno shi akeu lono qhasu tsue, ikemu liye li kumlho lono pukhubepe akeu kumtsu tsuveke.”