KUKAMI AKINIU 11:4 - BAIBEL (BSI)

⁴ Ikemu ampe akutsuniu loye achineu Jehoida no akukau khemiqo shou akijeu ngo akukaki ghukhemiqo kuwupe eno panongu vilo achinekilo ighipe puzu pano kiu mlaniye kughupe qhipuakeno tipaulo pulo kuqhalepi ashoqhi tsu. Pano akukau Ahazia nu Joas kusupe puakeu panongu piye

Sumi Naga CL (Re-edited) Bible (BSI)

⁴ Ikemu ampe akütsüniu lo achineu Jehoiada no ghüshimi ngo aghukhemi kijemi puwu no Ampeu kilo ighipe. Pa no tipaqo sasü puloshoqhi shino Ampeu ki lono tushoqhipe, eno pa no akükau nu panongu piye.

KUKAMI AKINIU 11:4 Mawu Ofanana

BOTHUBO 50:25

Tile Josef no Israil nuliqo pelo hishi ashoqhi shipe. “Alhou no nongu heju ighikelo, nonguye isukumo ghi hipa-a lono pewuniepi tushoqhilo.”

SAMUEL AKINIU 20:23

Joab no Israil lo ghushimi kumtsu shou zahtsuu shilu; Jehoida nu Benaia no David ghukhemi shou ampi shilu;

SAMUEL AKINIU 8:18

Benaia Jahoida nu no David ghukheu shiche; eno David nuliqono achinemi shiche.

KUKAMI ATUGHIU 14:27

Tipaqo thelilo mlasunike ghenguno akukau Rehoboam no alazayino azutoqo mlasulu eno khaghoqo khepenike ghenguno kijemiqo pichevetsu.

KUKAMI ATUGHIU 18:10

Akuxu MPEU, oLhou jelono ino tushoqhi pi anike akukauye aghakhu kumtsulo ophuju puhano ani. Aghakhulo ayehkipemi ighino noye pano luzalo kuhaepi pithi ighike ghulokilo Ahab no pa vilo mutsuqheyino pa phumlakesha pi ashoqhi tsuno inijue.

KUKAMI AKINIU 11:17

Achineu Jehoiada no akukau Joas eno timiqo pelono AMPEU lau puloshoqhi lakhi shipe, tiye panonguye AMPEU wu timi shinie pikeu shoqhi ke.

KUKAMI AKINIU 11:19

tishino pawu, kijemi, akukau ghukhemi eno akukaki ghukhemi ishino achineki lono khe sasu akukaki lo sawu eno timiqo kumtsu no ti papesu wu. Joas no aghukhemi khagho-a lono iloghi puzu akuka lakhulo ngoluve.

KUKAMI AKINIU 11:3

Ampe tsugho kutolo Jehosheba no anu achineki lo kusupe qhino tucho hejuche, tiye Athalia no kukaliu shi ake kutolo.

KUKAMI AKINIU 11:9

Akijeuno Jehoida no kishekulu mije tsukeu initsuno panongu wu timiqo palau saghitsu— khunoqono aghukhedo shimove niye anikeno eno khunoqono aghukhe dolo wuniye anikeno kumtsu sasu ighitsu.

KUKAMI AKINIU 12:7

Tighenguno pano Jehoiada eno achinemi kutami kuno iniju. “Nonguye kushiye Achineki shikithemono ngo aphi kya? Ishi nguno hilauye nonguno pisa ithulu chekeu pesu qhimoni ikemu hilau tsuni; tishi anguno Achineki shikithe kepu shi akeqo mlalu nani.”

KUKAMI AKINIU 23:3

Pano atsukucho phivilo puthugho eno AMPEU ghokulu shinike pa lau puloshoqhi shilu, pa yezah eno ahza kutsuqo pa mlo eno angulho kuchopu suno pewo nikeu eno kakulo kiu yepuaghi keno akupulo shoqhilo sukuqhaghi akumla lono mlapiye wonikeu shoqhi shilu. Timi kumtsuno puloshoqhi pimhe wonike ghenguno tushoqhilu.

YEKIKITHI ATUGHIU 9:13

Achinemi khunoqo pututa mqolo atou shilu keno kumtsu kuqha kelo 1,760. Panonguye Achinekilo akumlapu jeli kumtsulo shitsa shi mulae.

YEKIKITHI AKINIU 15:12

Panonguno puloshoqhi lakhi shi ke tipau ye panoqo mlo eno angulho kumtsu pesu AMPEU, pano puasu Lhou mllani keu shi panonguno pulosulu ke.

YEKIKITHI AKINIU 29:10

“Itehiye AMPEU, Israil Lhou sasu puloshoqhi lakhi shinikeu ino xathaluvae, tishi anguno paye nilau aloghu ide kithe pemonike.

NEHEMIA 10:29

ni sakiphemiqo gholo tushoqhi ani, nino Alhou no pa qeu Muse vechewo tsukeu Yezah kiqi lono xuni, nino AMPEU niLhou no ahza tsukeu kumtsu aghokulu shini eno ninguno pano shilo pikeu eno ayezah kumtsu shini, ninguno hipau hephove aye angsu lakhi apeni.

NEHEMIA 5:12

Sakiphemino khochile, “Nono pike toi nino tishinie. Nino anhemghaqo tsuchilevenie eno apiqo lutsumoni ke pukaputsanie.” Ino achinemi kusu eno sakiphemi pelo panongu gizu lono panonguno piqhivekeu shikupu penike tushoqhive pe.

NEHEMIA 9:38

Hipaqo kumtsu ghenguno Israilmino mutsumishei keu puloshoqhi hi yehpe qhilu ani, eno niwu sakiphemi, Levimi eno achinemino jemchi chishipuku ani.

Apostolmi 5:24

Kughou panonguno hi chilukeno, achineki khemi shou akijeu ngo achinetomiye apostolmi kishiveakela pi qheghuyive.

Apostolmi 5:26

Ikelo akijeuno pawu timiqo sasu wu puzu apostolmi saighive. Tishimu panongu shou aku-agha vesumoe, kughengu timiqono atu pesu panongu veqhi pithivenosa kehu.

JOSHUA 24:25

Tighenguno Joshua no timiqo sasu tipa tsala lono ashoqhi lakhi shiveno tile Shekhem lo pano ayezahqo papelu penike panongu tsuve.

SAMUEL ATUGHIU 18:3

Jonathan no ighono David kimiyekutu keu lono pa sasu alhokuthu ashou shinikeu shi tushoqhive.

SAMUEL ATUGHIU 23:18

Tishino pamaye lakhino lakhi sasu akusapau kuchou shi anikeushi AMPEU zulono tushoqhikileve. David ye Hores lo ngove eno Jonathan no akilo idewove.