Jude 1:3 - BAIBEL (BSI)

³ Kimiyechekemiqo, niye tolukivi thaqhu pukaputsa puzu ningu ghenguno xakulupu aqu shiakeu ghili pesu nongu lau yelu akeulo, nongu vilo Alhou no ghuthu khavino kumtsu ghenguno akupulupu pawu timiqo tsupe puakeu hu nonguye tipau susho masakepi qhuiniju ani.

Sümi Tiqhelimi Bible

³ Kimiye chekemi shompamiqo, ni ye nongu lau ningu no xakulu küsaje akeu ghili yè nishiqhiyi akemu, ni ye nongu lau Alhou’w akimthe timiqo lau ghuthukhavi ghenguno aküpülü pichetsü keu vehu lo yè eno nongu pelo tipau kütsala penike hakite ani.

Sumi Naga CL (Re-edited) Bible (BSI)

³ Kimiye chekeqo, ninguw aqü xakulupu akeu vehu yenishi kütü akemu Alhou no aküpülü khikhi ghuthu khavino küpülümi kümtsü lau tsü keno, tiu süsho penike ni ye nongu ghutu ghi ye masave.

Jude 1:3 Mawu Ofanana

NEHEMIA 13:25

Ino timi tipaqo ighono sakiyiqhi, panongu shou angsu piqitsu penike pi, panongu heqhi eno panongu sa phivetsu. Tithiu ino panongu pelo khilemu panongu tianuli pelo inaghami sasu kulakupu shipemo nike Alhou jelono tushoqhi pe.

ISAIAH 45:17

Ikemu Israil ye AMPEU no xaluke, eno liwu tokuluye alhokupujulo ache nani; liwu timiqoye khilemu kujo mza vepemo nani.’ ”

ISAIAH 45:22

“Ilau xaideghilo eno xaluve pelo, ayeghiqhalo timi akeqo! Ilikhino Alhou ke, kutami kuhae.

JEREMIYA 9:3

Panonguye pulhapuju mikinike panoqo mili asuzu toi kutope acheni; Amikuchokumono kuchou zuqhu shi aghakhulo akumtoshi thuwu ani. AMPEU no pi, “Iwu timiqono alhoksa lakhi lono alhoksa lakhi papewu acheni, eno niye panoqo Lhou kepi ni ikhilu chemoe.”

Apostolmi 17:3

eno Khristo ye ime mayesavekeu eno akithi lono ithukeu hi kuchoyesu lono chixechileyi phukide kudayi piye. Paul no pi. “Hi Jisu khuu pesu ino nongu vilo pi ani keno paye Khristo ke.”

Apostolmi 18:28

Kughengu pano kutsalakile kepulo mutotoi shi puzu aqo-aho gholo kighekelo Judamiqo gheqhi, eno Jisu ye Khristo kepi kuchoyesu lono kichepiye ke.

Apostolmi 20:27

Kughengu Alhou kupughu kumtsu pesu nongu vilo pikulha nikeu lono suchilepe puamoe.

Apostolmi 28:28

Paul no highi pi, “Nonguno hi ithikepushi ani, tiye Alhou wu xakulupu tsakiviuye Judakumomi lau puwutsu ani. Panonguno initsu nani!”

Apostolmi 4:12

Xakulupuye palikhi vechewo ithulu nani, kughengu ayeghiqha kumtsulo ni-xakulupu aje hinguno kutau Alhou no timi tsupe puamoe.”

Apostolmi 6:7

Ike Alhou tsa alaushi vekuphawove. Jerusalem lo papeluvekemi kikihi kutomo alaushi ikowove, achinemi ghi kutomono hipau kupuluyeh ikhiluve.

Apostolmi 9:13

Ikemu Anania no khochile pi, “Ampeu, timi hipauno Jerusalem lo kishi owu timiqo ghimeqhi puani keno timi kutomo launo ino chiluvae.

Apostolmi 9:22

Ikemu Saul ye pa ghuthi kuxu alau shiuve, eno Jisu ye Mesiya ke pikeu kuchou tsa Damaska lo Judami kughuna-akeqo mlolo putsaqhitsu ikehu panonguye pa lamlavekepu shive.

1 Kor. 15:3

Kughengu ino kiu ithulukeno ighono akhotou kepi nongu lau ino ikhiphe pesu tsuke: ike kuchoyesu kiqi loye Khristo no ningu xine ghenguno thivetsu,

Galatiami 2:5

Ikemu ninguno atuqhudo kitilamu panongu phesumoe, tishianguno atsakiviulo kuchou akeu nongu ghenguno kutsukiyi puatsuniyeke.

Galatiami 3:28

Ikehu Judami ngo Judakumomi dolo mu aquaxemi ngo kuqhopheve kemi dolo kiptimi ngo totimi dolo pinamu kutuqukeu kuhae, Khristo gholo kimepe akeu lono nongu kumtsu lakhie.

Galatiami 6:11

Ilikhi i-uno akiye lothi kije shighi nongu lau yeakeu julo!

Ephesiami 1:1

Alhou pulou vechewo Jisu Khristo wu apostolmi shiluvekeu Paul no Efesia lo Alhou timi, Khristo Jisu gholo pukhubekulu shi akeqo lau ye ani.

ZAKINIU 21:9

AMPEU no kiu shilopi keno tipau shikeu lono heqhivekeu makho nongu xapipe monanike.

ZAKINIU 9:10

Tileno AMPEU no atu pha kuma itsuke, tiye nonguno naghuto phivilo kumqo ake tsalalo pano ami lono kiu nongu vilo pikeno tipaqo pauno yepuku puake.

FILIPIAMI 1:1

Khristo Jisu qemi Paul ngo Timothi pamano Filipia lo Alhou wu timiqo ngo akukuholo pastormi eno dikonmiqo lau yehani.

FILIPIAMI 1:27

Akhotono nongu kuxu gholalo Khristo tsakiviu ghenguno kiu akuzupu keno tipau shilo, tishianguno ino ighino nongu sasu kusholuna kushomla namu, nonguye amlo lakhi shipe puthugho akeu, eno atsakiviu kupulu ghenguno akukumsu lakhi shino pukaputsa akeu ipelo chilupelo.

Kolosiami 1:2

Kolosia lo Khristo lono Alhou timi eno puluqhiyi chekemi athikuzumiqo lau ye ani.

1 Thes. 2:2

Nonguno ithianike, Filipia lo nishikighime eno nishikukujo ghi peitha keghi ningu Lhou no amlo kuloghi ningu tsukeu lono, tilau ghi shishe ningu hakha aepinamu nongu vilo atsakiviu pikulhaluke.

1 Tim. 1:18

Anu Timothio, ino hipau zah pesu otsu ani ike khaghino tungkupumino omiji puzu atsape shikeu kiqi lono, ike atsape tipaqono oshikumtope puzu,

1 Tim. 6:12

Akupulu ghushi akivishi shilo, eno lhokta kuxu phekevino tsuqululo. Thopimi kutomo kua lono nono piphe keu vechewo Alhou no okulu keulo tsaqui mutululo.

2 Tim. 1:13

Nono ilauno chilupua keu kuchou tsa ghola hu papechelo, eno Khristo Jisu gholo akupulu eno kikimiye akeulo xuachelo.

Titus 1:4

Tito lau yeani, ningu kupulu aqu shiakeu lono noye inu kuchoke: Apu Alhou ngo niXakuluu Khristo Jisu launo kupukini ngo alokughunopu owu shilupeni.

IBRIMI 13:22

Athikuzumiqo, ino shikumtokile keu tsa hipau tsuakeu tsaqui initsulopi ino nongu qhuiniju ani, kughengu niye ikhonhei shighi nongu lau yepuwu anike.

IBRIMI 6:9

Ikemu nino hikithipu pianamu kimiyechekeqo, nongu sheloye xakulupu gholo nongu kukumghapu akiviu anike.

1 Peter 5:12

Pukhubekulu athikuzuu ipi ino kihichekeu Sila kukuphu lono yesu hipau ikhonhei shi nongu lau ino yepuwulu ani. Ino nongu shikumto eno hakiteghi pitsuanike hino Alhou kukumgha kuchou ke. Hipaulo mutotoi puthugho chelo.

2 Peter 1:1

Jisu Khristo qeu eno apostol Simon Pitor launo niLhou eno niXakuluu Jisu Khristo mikucho vechewo nigholo akupulu aqhemishi ithuluvekemi lau yelu ani.

2 Peter 2:21

Timi hipaqo pelo amikucho laghi ithiveno akimthe zahkutsu panoqo tsukeu launo panonguno idewoveaye panongu ghenguno amikucho laghi ithipemo keu pavi nicheke.

Jude 1:1

Jisu Khristo qeu eno Jems thikuzuu Juda Alhou no kuluvekemi khunoqono Apu Alhou kikimiyelo acheni eno Jisu Khristo ghenguno susho pesu akemiqo lau yelu ani.

Jude 1:17

Ikemu nonguye hi kumsuchilelulo, kimiyechekemiqo, ni Mpeu Jisu Khristo wu apostolmino azunatha ghi nongu vilo pivae.

Jude 1:20

Ikemu ino kimiyechekeqo, nonguye nongu kupulu shishe akimtheu shou nongu kuxu xupukulo; Aghungu Kimthe lono inikhulo;

Piyeküsü 12:11

Ni thikuzumi qono Bheriti jih pesu eno panonguno kuchou shepetsa pesu pa shou toluvae; kughengu nithikuzumiqoye thivekepu shike kutolo panongu kuxu tsuvenishike.

Piyeküsü 2:10

Aghime sholuniye akeulo noye musa kevilo. Julo, tughamino nongu pejuniye nongu gholo khamiye akughukilo suve nani, eno atsala chighi kutolo nongu shikighime nani. Akithi kutolo aghokulu shilo eno akuxupu pesu osaxu ino otsunani.