JOYIL 3:2 - BAIBEL (BSI)

² Ino ashiayeh hekutsu puzu Jehoshafat Khilalo panoqo saghi nani. Tilehino panonguno iwu timiqo shou shipepuakeu jeli kumtsu ghe- ghuno ino panoqo shou kughathabe nani. Panonguno inaghami yeghilo Israilmi apanagha haleveke, eno iyeghi, Israil kijethavetsuke.

Sumi Naga CL (Re-edited) Bible (BSI)

² shiye kümtsü I no hekütsü sasü Jehoshaphat Khila lo ighi nani. Eno tilauno I no Iw timi eno I mheghi Israelmi züqhushi panoqo shou küghathabe nani, kughengu panongu no I timi pesü shiyeqo dolo hakiphive tsüno I yeghi kijetha luve,

JOYIL 3:2 Mawu Ofanana

YEKIKITHI AKINIU 20:26

Atsala abidiu lo panongu no Beraka Khila lo kumqolu eno AMPEU no shivetsu keu kumtsu ghenguno pa sheqhe ke. Tighenguno akhila tipau pesu “Beraka” kutsu ke.

ISAIAH 66:16

Ami ngo azuta kihi pesu ayeghiqhalo kuqupuaghive kemiqo ghimeqhi nani eno timi kutomo pithive nani.

ISAIAH 66:18

Ino panoqo kukumsu eno panoqo kumla ithi ani. Ashiayeh kumtsu gholo timiqo hekutsunike niye cheae! Kughono panongu kumqoluveni keno, ikukaye kiu shilu nani keno panonguno ithulu nani,

JEREMIYA 12:14

AMPEU no pi, “Niye Israil cheaxumi khunoqono ino iwu timi Israilmi tsukeu yeghi shipusave keno tipaqo shou kiuala pikepu ani. Timi lhoksa kughami hupaqoye ino pano ghakhu lono ikhisawuve nani asubo akuhu lono nhuve keshi nani, panoqo launo ino Juda hakholuve nani.

JEREMIYA 25:31

tipau sutsaye ayeghi shekha kutolo vekuvava nanike. AMPEU no ashiayehqo shou kughakepu lakhi ani. Pano timi kumtsu shou kughajunike saghi nani eno kusakughamiye pithive nani. AMPEU no piqhiveake.’ ”

JEREMIYA 49:1

Amunmi ghenguno AMPEU no pikeu tsa hike: “Israil lo kiptimiqo khile ani kya? Pano yeghi sushoni kemi lakhimu kuha kesha? Kishi kelauno khunoqono Milkom mllachekemi keno timi tipaqo pelo Gad shiayeh yeghi bocho luvepe puzu tilehi kughuna anipe kya?

JEREMIYA 50:17

AMPEU no pi, “Israil lo akemiye bheriqo abongushuno hakuqoqhi eno halevekeu toi keqoke. Atughushi, panonguye Asiriya kukauno leighike eno tipashelo Babilon kukau Nebukadnezar no panoqo saghi tsachhevetsuke.

EZEKEL 25:8

Akughushu MPEU no pike, “Muab no Juda ye ashiayeh kutami kumtsu toikepi pike ghenguno,

EZEKEL 34:6

Ikehu iwu bheriqoye qhemghai keu toghilo eno naghutolo itsusu wuve cheni. Panonguye ayeghiqha kumtsulo hapiye pighivae eno khunomu panoqo jumoe momu panoqo phuwu nike pukaputsamoe.

EZEKEL 35:10

“Ni AMPEU no nongu Lhou keghi nonguno pikeuno Juda ngo Israil shiayeh kinikujo eno pano ghakhu kinikujo nowu kepi eno nonguno luvenie pike.

EZEKEL 36:1

AMPEU no pike, “Thinikuau timio, Israil lo naghutoqo putsalo eno panoqo vilo atsape khipau,

EZEKEL 36:5

“Ni, Akughushu MPEU no iloghu kighide lono acheaxulo ashiayehqo shou piani eno akhotoshi Edom shou piani. Alovi ilhe eno phimo gihumo puzu panonguno iyeghi khathaluve eno tipaulo aluza pighi auveke.

EZEKEL 38:22

Ino kusukini ngo ghiqhikile keu pesu pa ghimeqhi nani. Pa eno pawu aghushimi eno ashiayeh kumzapu pa kudau shi akemiqo shou tsuqhu tsughukeu ngo apughu eno tipa gholo ami ngo amichu lepukutsu nani.

EZEKEL 39:11

AMPEU no pike, “Kughono hipaqo kumtsu shikupuveni keno, ino Israil lo, Amiti Zughi kipelau Kicheghuzumi Khila ipikeulo akumo qhokepu-a lakhi Gog tsu nani. ‘Gog Ghushimi Khila’ ipi kuvetsu nani.

JOYIL 3:12

“Ashiayehqoye kutokupuilu masake eno Jehoshafat Khilalo ighilo. Tilehino, ni AMPEU no iqano acheaxulo ashiayehqo kumtsu shou kughatha nani.

JOYIL 3:14

Jehoshafat Khilalo aqokitikhi kumzapushi anike. Tilehino AMPEU tsala itheno ighinani.

AMUS 1:11

AMPEU no pi, “Edom lo kuamiye anguno anguno axine shi acheni eno tipau ghenguno niye mutsuqheino panoqo ghimeqhi nani. Panonguno panoqo thikuzumi Israilmi ashi hakeshi haqhike eno kitilamu panoqo shou kupukeu kuhake. Panongu mulo kighideye ashekha kuha eno khilemu tipau hauve pemoe.

MICAH 4:12

Ikemu ashiayeh hipaqoye AMPEU no kiu kumsupu akeno mthake. Athi qoleluniaye aniqalo aghipe kipiqhe peighi ke paphi lono panoqo ghimeqhini aye panongu hekutsu kumqo kepi panonguye vethamlake.

ZEFANIA 3:8

AMPEU no pi, “Ino ithupuzu ashiayehqo ngukunikeu tsala kutolo khe-aghilo. Niye ashiayehqo ngo akukaqhaqo hekutsu nike xathaluvae, eno panoqo shou iloghu agho-shi pipekeu ithipe nani. Ayeghiqha kumtsu iloghu mikuyiquno pitileve nani.”

Piyeküsü 11:18

Alhou yeh kumthamino aloghu-ide, kughengu ologhu ighive kehu, eno kithimi shou xathabe kepudo shivae. Tungkupmi oqemi owu timi, omllachekemiqo, kijemi momu kitilamiqo ajume tsunikeu tuqhudo ighi ani. Khunoqono ayeghi shipusa cheni keno tipaqo shipusa nikeu tuqhudoke!”

Piyeküsü 16:14

Tipaqoye tughamino amchipu jeli shiluakeu ghahwuqoke, eno hipano kuthuno ayeghiqha kumtsulo kukami akeqo lau wuve, tiye Alhou Akumtou tsala kijelo aghushi nike panoqo hekutsu kumqoniyeke.

Piyeküsü 16:16

Tileno aghahwuqono kukami hekutsu sawo Ibrimi tsauno Armagedon ipi chekeualo kumqoe.

Piyeküsü 16:6

Panonguno Alhou wu timiqo ji eno tungkupmi ji pelecheke, ikehu nono panoqo pelo ahji yepeniye tsu anike. Panonguno ithulu kuzupu shiakeu panonguno ithulu anie!”

Piyeküsü 20:8

pano ayeghi cheku bidilo ashiayeh akeqo, ti Gog ngo Magog pishiqhinike wuve nani. Satan no aghu shiniaye panoqo kumtsu kumqo sasu ighi nani.