JOYIL 2:2 - BAIBEL (BSI)

² Tiye zumoyikeu eno zuchiyikeu tsala lakhike, khumuyikeu eno kimhi kughu tsalake. Tulhaqu no ghushimi loji kije toi hakutsutsu cheni, akuzuno naghuto nhakhaluve keu toike. Khilemu hikithipu toikeu shi ighijumphike, khilemu itaghi tikithipu shimo nani.

Sumi Naga CL (Re-edited) Bible (BSI)

² aküzü eno züchiyi keu tsala, akimhi eno aküzü kutho tsala! Akumtomi kütsasa no aküzü kutho toi naghutoqo nhakhape ani, titoi keu ye khilemu shiju mphi, itaghi panoqo thiumu tiqheli kupuju lo khilemu ithulumo nani.

JOYIL 2:2 Mawu Ofanana

LESHELE 10:6

Pa likhi pa vilo ishi picheni, “Niye khilemu ikiqimo nani; tiqhelino tiqheli kutolo niye shilu kusa sholumo nani.”

LESHELE 97:2

Khungkusu ngo zumoikeuno pa suhope ani; pano amikucho eno achipiu xakutha pesu ayehpe ani.

IPEKULU 10:14

Tipaqono amqo amqono chokive ighi puzu ayeghi kumtsulo ngoluve. Tulhaqu muqo titoi keu khilehimu ithumla aphike momu itaghi ithuluni chemoke.

IPEKULU 10:6

Tipaqono oki, owu kijemi ki eno owu timiqo ki chhive nani. Tipaqoye nopuasuqono ayeghilo akelo khilemu ithulu puamo keu shi akusa akusau shinanike.’ ” Tishi puzu akukau launo idesu cheve.

IPEKULU 20:21

Ikemu timiqono putosuu puthugho pesu auve eno Muse likhino Alhou no khile akeno khungkusu zuchiyikeu-alo punukhoi wuke.

ISAIAH 5:30

Kughono tipa tsala ighini keno, panonguno azughi ghugha toi Israilmi shou igha ikughi nani. Ayeghi hipau shou jupukulo! zumoikeu eno pitipuzaqhikeu julo! Tipaulo phokughuikeu khungkusuno akuvu kuzupholuve nani.

ISAIAH 8:22

eno ayeghilo anhethi pilepe junani, ikemu kiumu ithumla puzu shiluksa ngo akuzu eno aghime zuchiyikeu ithulu nani; eno panonguye akumsapu akuzulo tuhasuve nani. Panoqoye shiluksa hipau launo pokulupu laghi kuhave nani.

JEREMIYA 13:16

Pano akuzu sughi miphi lono eno nonguno naghutolo kupuxa pukulu miphi lono; Nonguno akuvu laju akeu pano pesu akuzu kutho shivetsu miphi lono nongu Lhou AMPEU gihulo.

JEREMIYA 13:6

Ado hami thiuno AMPEU no ivilo Eufrati lo ide chile wupuzu chhekhaphiqo luwulo pike.

AKUMLO 1:12

Vechewu cheghi kemi kumtsu vilo lino pi, “Ikudau jupuwulo, khumu ino suakeu toi supuamoe, tiye AMPEU no pa loghu lono ishou sughi keu kusuke.”

EZEKEL 32:7

Kughou ino okutsani keno ino khungkusu nhaluve eno ayepuqo kuzuphove nani. Tsukinheye khungkusu thiu itshuluve nani eno aqhino akuvu tsumove nani.

EZEKEL 34:12

Bherikheuno paw bheri hami hapiye pighivekeqo phujuwu puzu saghi kithe keshi ino iw bheriqo phuwu nani. Ti akuzu eno kutsapinyive keu tsalalo a-a khipaqolo panoqo hapiye pighive keno tilauno ino panoqo sachile saghi nani.

EZEKEL 38:9

Pa eno pawu aghushimiqo eno pa gholo ashiayeh kutami kutomo akeqono pasapagha toi leighi nani eno khungkusu lakhi toi ayeghi nhaluve nani.”

DANIEL 12:1

Kungumi lakhi aphi kumtsha uakeu no pi, “Aghuloki lakhilo, Mikhel kungumi akijeu khuu owu timiqo khe acheni keno pano ipeghi nani. Tileno ighono aghime lhoksa ayeghi lhotughu lono ishi kutolo ithumula aphikeu shi nani. Aghuloki tipau ighi kelo, no shiayeh dolo khunoqo je Alhou wu kakulo yepuaghini keno xaluve nani.

DANIEL 9:12

Nilau eno nikusau lau kiu shiniepi keno tipau shive cheni. Nono Jerusalem aghime tsukeuhu hipa yeghiqhalo aphughi lakhimu titoi ithulu mphi.

JOYIL 1:6

Tulhaqu loji muqono niyeghi levetsue; panonguye akumto kutsasake eno kihikhamlake; Panoqo huye abongushu hutoi tsughaminheyike.

JOYIL 2:25

Tulhaqu lojino nongu xabo chuvetsukeu mipeqolo nonguno khije amheqive keno ino nongu tsuchilenike. Iwu ghushimi, kighilheu, tsakuthau, shikupusau huye ino nongu shou puwuke.

JOYIL 2:31

AMPEU tsala akuighupu tsala kije ighinike zulo, tsukinheno zumoive nani, aqhino aji toi huchuive nani.

JOYIL 2:5

Tipaqono naghuto kutsuqalo ikawukelo, khurkulu toi tipaqoye ququshi kughake; Amilo atsuni kithi piti kelo toi tipaqoye zumzumyike. Tipaqoye ghushimi muqo kuloghino aghu launiye kujopesu akeu toike.

JOYIL 3:4

“Tur, Sidon eno Filistiya tokujolo akeqo, nonguye ishou kiu shinike pukaputsa ani kya? Nonguye kiuala ghenguno ilochile nike pukaputsa ani kesha? Nonguno tishi aghiaye ino paikhavino nongu lochile nani!

AMUS 4:13

Naghutoqo eno amlhu lhokeuye Alhou likhinoke. Pano timi pelo pa kukumsu ithipe cheni; pano puchou pesu putho shivepe cheni. Paye ayeghi kuchuqu shou nepuku cheni, pa jeye hike: AMPEU, Aqokitikhi Lhou ke!

ZEFANIA 1:7

AMPEU tsalaye kupunuvae; tighenguno pa zulo inaqhoi shivelo! AMPEU ye aghashi mllakeu lakhi toi pawu timiqo ghiqhi nike kutope ani.

ZEKHARIA 14:6

Kughono tipa tsala ighini keno, tileye mukomughai keu momu avutsa kuhave nani,

MATTHEW 24:21

Kughengu ayeghiqha huthuke lono ishi kutolo hitoi shimphikeu eno khilemu hitoikeu shinichemo keu ghime kitikhi tileno shini chenie.

Mark 13:19

Kughengu tipaqo tsalalo akijikusapu chekeu huye Alhou no inahuu ayeghi lhoke lono ishi kutolo tikithipu shimphi, momu hikithipu itaghi shimo nani.

ZAKINIU 32:7

“Wovekeu, khaghi ghuloki kumsujulo; kiu shive keno nongu vilo pitsu lopi apunoqo vilo inijulo, kitemi vilo kha-ghi ghili pitsu penike inijulo.

IBRIMI 12:18

Nonguye Israilmino Sinai tolo ighi puzu ami iqukeu, akuzu, khumkhuleyi keu eno pasapagha bulukeu hutoikeulo ighimoe.

Jude 1:13

Panonguye azufukukucho kighideno muqho ipeghi ketoi panongu kukujopu pephe cheni. Panonguye itsu itsukiche yepuqo toike, panoqo ghenguno Alhou no akuzu kutholo alhokupuju ghenguno a-a kutope qhipuani.

Piyeküsü 9:2

Ayepu no aqoh-kutho kunha lhaphe keloye ami-phoki kuloghi lakhi toikeu lono amichhi ikughi; eno aqo-kutho lono ikughike michhino tsukinhe ngo amlhu kuzuphope zumoyive.