JOSHUA 24:11 - BAIBEL (BSI)

¹¹ Nonguno Jordan kathawo Jerikho toluve, Jerikhomino nongu sasu aghu shie, Amarimi no shikeu toi, Hatimi, Girgashimi, Havimi, Jebusimi no nongu sasu aghu shike. Ikemu ino panongu kumtsu shou nongu pelo tolupeke.

Sumi Naga CL (Re-edited) Bible (BSI)

¹¹ Tishino nongu no Jordan kathasü Jericho lo ighi, eno Jericho lo sakiphemi no nongu sasü aghüshi, tihutoi Amorimi, Perizimi, Canaanmi, Hittimi, Girgashimi, Hivimi eno Jebusimi ghi nongu sasü aghüshi. Ikemu I no panongu kümtsü nongu u lo süvetsü.

JOSHUA 24:11 Mawu Ofanana

BOTHUBO 15:19

eno timi hipaqo yeghi kumtsu: Qenimi, Qenizimi, Qadmonimi,

LESHELE 105:44

Pano kutami yeghi pesu panoqo tsuke eno panongu pelo tipaqo ki-alu luvepeke.

LESHELE 114:3

Akuhu Zughi no ti ithulu puzu kohave, Jordan no qowu akeu tave.

LESHELE 114:5

Azughi, kiu shive puzu noye pove kya? eno Jordan, noye kushiye qowumove kya?

IPEKULU 13:5

AMPEU no nopuasuqo vilo tsaquino tushoqhive ake, pano Kananmi, Hatimi, Amarimi eno Jebusimi yeghi nongu tsunikeu shivae. Kughou pano aghuma eno kinikulu yeghi tipaulo nongu sasu ighinikeno nonguye ampe atsutsu aqhi atughiulo hipau pinye ikhilu masake.

IPEKULU 23:23

Iwu kungumino nongu zuu wupuzu nongu sasu Amarimi, Hatimi, Perizimi, Kananmi, Havimi eno Jebusimi yeghilo ilo nani eno ino panoqo kutsaleve nani.

IPEKULU 23:28

Ino noghumi pelo izuvulai keulo suve nani; eno nonguno azuu haighikelo ino Havimi, Kananmi eno Hatimi halepheve tsu nani.

IPEKULU 23:31

Ino noyeghi lughi pelo Aqaba Zukichikha lono Eufrati Ghoki kutolo eno Azughi kije lono Asayeqha kutolo pekhowolu penani. Ino nongu pelo tipa yeghilo kughuna akemi shou akuka alupe nani eno nonguno azuu haighi keulo panoqo hapheluve nani.

IPEKULU 3:17

Ijip lo ayikushushi panoqo peitha akeu lono saipeghini keu ino xathavae, eno kinikulu aghuma yeghilo panoqo sawu nani, tiye Kananmi, Hatimi, Amarimi, Perizimi, Havimi eno Jebusimino achekeu yeghike.

IPEKULU 3:8

eno niye Ijipmi launo panoqo xaphelunike iqighivae eno panoqo sasu Ijip lono aghakhu aqha kivilo saipeghini cheni, tiye kinikulu eno aghuma kua yeghike, Kananmi, Hatimi, Amarimi, Perizimi, Havimi eno Jebusimi no kughuna achenike.

IPEKULU 33:2

Ino kungumi lakhi puwu no nongu la kiche piyepe nani. Ino Kananmi,Amarimi, Hatimi, Perizimi, Havimi eno Jebusimi haphevetsu nani.

Apostolmi 13:19

Kanan yeghiqhalo ashiayeh tsuni pano puhavetsu eno pawu timiqo pelo tipaqo yeghi ampe 450 ghenguno panongu mheghi shilupeke. “Tishi kethiu Samuel tungkupu ghuloki kutolo Alhou no kughakuthami pawu timiqo gholo qhitsue.

Apostolmi 7:45

Tipashelo nisunoqono panoqo papuh launo tipau phi-ki pekishe sughi puzu, kughou Alhou no panoqo zulono ashiayeh kutamiqo haphevetsuno panongu pelo ngolu penikeu yeghilo, Joshua gholono tipau phiki pesu iloghi. David kutolo tishi ache.

ZAKINIU 7:1

“Nonguno ngoluniye akeu ghakhulo AMPEU nongu Lhou no nongu saighi nanike eno pano tipa yeghi lono ashiayeh kutomo hapuwuvetsu nanike. Nonguno azuu haighi kelo pano ashiayeh tsuni nongu nguno akichiu eno akuka kuami haphevetsu nanike: Hatimi, Girgashimi, Amarimi, Kananmi, Perizimi, Havimi eno Jebusimi.

JOSHUA 3:10

Joshua no pi, “Nonguno chewukelo pano Kananmi, Hatimi, Havimi, Perizimi eno Jebusimi qo haphevetsuni putsae.

JOSHUA 4:1

Shiyeh kumtsuno Jordan katha luke thiu AMPEU no Joshua vilo pi.

JOSHUA 4:19

Timiqo aqhi atughiulo atsala achighinino Jordan lono ipeghi eno Jerikho lughi kipelau Gilgal lo aghazu shive.

JOSHUA 4:23

Panongu vilo pilo AMPEU Alhou no ninguno kathalumoke dolo Jordan ghoki qhai shive tsue, puzuu nighenguno Akuhu Zughi qhai shivetsuke toi.

JOSHUA 9:2

Panongu kumtsu kuqhano Joshua ngo Israilmi sasu kumjo nike kutove.