John 8:6 - BAIBEL (BSI)

⁶ Panonguno pa vilo hipatsa pikeuye pa ghukeju puzu akipimi pa shou betsuniyeke. Ikemu Jisu no pishiqho pesu pa-u loti pesu ayeghilo yepukua.

Sümi Tiqhelimi Bible

⁶ Panongu ye Jisü ngukuni keu boqha aní keu ghenguno alichhe shi ghi Jisü vilo hi iniju ke. Ikemu Jisü no itsaqi no pa u loti pesü ayeghi lo yè thuve.

Sumi Naga CL (Re-edited) Bible (BSI)

⁶ Panongu no pa vilo hipa tsa pikeu ye pa peju no akipimi pa shou beniye ke. Jisü no pishiqhope pa uloti pesü ayeghi lo yepuku.

John 8:6 Mawu Ofanana

BOTHUBO 49:9

Juda ye abongushu lhothe lakhie, nono tshupe qhieno ide iqhoghiveke, inu abongushu toi nono aghu chhowuno ihozue, eno khuno pa haputhuluni kya?

LESHELE 39:1

Ino pi, “Ino kiu kiu shinamu kutokupui nicheni eno imili pesu axine shini chemoe; Timi lhoksami zulo niye kiumu pini chemoe.”

AHOLE 26:17

Okumlapu saje kumoamu muto akeulo chhosukeuye wupuzu alaghilo cheghi keu atsu shomhilo tsuqutsu aketoike.

YETSAPIU 3:7

suxu kepu do eno pukho kepu do, inaqhoive kepu do eno putsakile kepu do.

JEREMIYA 17:13

AMPEU, noye Israil wu lajupuke; Oqhivekemi kumtsu kujo mzavepe nani. Ayeghi mukhulo aje yepuku puakeu toi panonguye hauve nani, kughengu panonguno no, AMPEU, akuxu zupuki qhiveke.”

DANIEL 5:5

Akuluqo lono akuvu ipeghi keu huno shishe vuqai yepe akeu alo, zuleno timi-u lakhi ipeghino akukau kilo atu tozulo yethuve. Akukauno tile yepuku akeu ithulu.

AMUS 5:10

No-timiqono amikucho xakutha shimokeu eno kughakutha alo kuchou tsa pimoke ghenguno timi khuuno nongu sakiyini keno tipau jumithi cheni.

AMUS 5:13

Tighenguno alokutsumiye alhoksa ghuloki tikithipuloye inaqhoi ngoauve cheni!

AKIKIHI 14:22

timi hipaqo lakhimu ayeghi hupaulo ilokulupushi xu alumo nani. Panonguye ino sa akeu saghu saghui keu kuvu ithuluvae eno Ijip lo ngo asayeqhalo ino akichiqhipu kumla shikeu ithuluvae ikemu panonguno anguno anguno iwu kutuukulu ghukejuke eno ihebide auveke.

MATTHEW 10:16

“Julo! Ino nongu pelo bherino atine gholo ilolu aketoi puwu ani. Nonguye apighi toi tsukhuyi shimasae eno amqhi toi ivunheyi masae.

MATTHEW 15:23

Ikemu Jisu no atsa lothi lakhimu li putsamoe. Pa khopemino ighi puzu pa qhuiniju ghi pi, “Li puwuvelo| Liye ningu papesu igha chenie.”

MATTHEW 16:1

Farisimi ngo Sadukimi khami Jisu lau ighi eno pa pejuniye panonguno pa vilo kungugha lono amchipu lakhi piqipiyelo pi khu.

MATTHEW 19:3

Farisimino pa lau ighino pa ghukeju ghi ishi iniju, “Ningu yezahlo timi lakhiye kiu kiu ghengu lono shi aghipimu pa nipu phevelukepu anima?”

MATTHEW 22:18

Ikemu Jisu no panoqono muqumgha shi akeu vetha luveno ishipi, “Nongu kuhakughaqo! Nonguye kushiye ikitimeveniye pukaputsa ani kya?”

MATTHEW 22:35

Tipaqo gholo lakhiye Ayezah kukutsumike, pano Jisu kitimeniye ishi iniju,

MATTHEW 26:63

Ikemu Jisu no inaqhoi auve. Achinetouno itaghi pa vilo pi, “Xuakeu Lhou je lono ino ovilo tushoqhi ghi iniju anike, noye Alhou Nu Mesiya kemo kela ningu vilo pitsulo!”

Mark 10:2

Farisimi khami pa lau ighi eno pa miqeju ghi iniju, “Timi lakhiye pa nipu jumu venikeu ningu yezahlo achipikema?”

Mark 12:15

Ikemu panonguno kuhakugha shi akeu Jisu no ithia kehu hipau panoqo khochile, “Nonguye kushiye ighukeju ani kya? Tsandiyi lakhi ilau sughilo eno ipelo tipau jupelo.”

Mark 3:2

Timi khamino Jisu ye Sabat tsalalo timi hu shipivi nani kemo kela tsaquyi Jisu juae, tishianguno pa pimi tsuniyeke.

Mark 8:11

Farisimi khami ighieno Jisu sasu kutsalathu. Panonguno Jisu kitimeve niye pa vilo atsutsu kudauno amchipu lakhi piyelopi khu.

Luke 10:25

Tileno Ayezah kukutsumi lakhino puthugho ithughi eno pa ghujughi pi, “Kutsuchekeu, niye lhokta kuxu ithulu nike ghenguno kiu shimasa kya?”

Luke 11:16

Kutamino Jisu ghuju ghi pa launo amchipu lakhi atsutsu lono piqi piye lopi khu.

John 8:2

Thanau inaqhe itheno paye achinekilo ideghi. Timi aqokitikhino pa suhope kumqo ighive, ike pano iqave puzu panoqo kutsu ae.

1 Kor. 10:9

Panongu khami toi ninguye Ampeu ghukeju kepu kumoe, apighino panongu mighiqhive kehu.