John 4:23 - BAIBEL (BSI)

²³ Ikemu kucho kuchoshi mlla kemino Alhou Ghungu eno kuchou lono Apu mlla nikepu ghuloki wochea eno tiye itehike. Kughengu Apuye hitoi kemiqono pa mlla penike phu cheni.

Sümi Tiqhelimi Bible

²³ Tishiaghimu ado lakhi cheni eno tiye ighivae, tiye kuchou no mülá chekemiqo no Aghungu eno kuchou lono Apù mülá nani, kughengu panongu ye Apù no phu chekeu kümlamíqo ke.

Sumi Naga CL (Re-edited) Bible (BSI)

²³ Ikemu kuchou kümllami no aghungu eno kuchou lono Apu mllani keu tüqhüdo cheni, eno ti ye itehi ke, kughengu Apu ye hitoi Pa mllani kemi phucheni.

John 4:23 Mawu Ofanana

YEKIKITHI ATUGHIU 29:17

Ino ithi noye timi kumtsu mlo ithi piliju ani eno puloniqhiyikemi wu ikhilu chenie. Amikucho lono eno puloniqhiyi keu lono hi kumtsu ino otsu anie eno owu timiqono kishi alokivi shi akumllagho pesu ighino otsu anikeno ino ithulu anie.

LESHELE 147:11

ikemu khunono pa gihu cheni keno tipano shou pa zukuvu ani, tiye pawu iqemokeu kikimiye pukhukemi shou ani.

LESHELE 17:1

O AMPEU, achipiu xathatsu penishi keu tsa initsulo, kuphu penike ino ighamuku akeu iniju tsulo! Mikimokeu kichi lono ino inikhukeu inijutsulo.

LESHELE 32:2

Timi khunono kuquvemu AMPEU no kihikula tsumoni keno tipano lokivipue. khuno lolo pishikiqhi kuha keno tipano lokivipue.

LESHELE 51:6

Noye akikhi eno kuchou avehupushi anike, tighenguno olokutsu pesu imlo tuqhou shika piye tsulo.

AHOLE 15:8

Kughou timi kivimino inikhuni keno AMPEU mloqi cheni ikemu kixikilamino aghashipe pa mlla nike sughikeu mithi cheni.

ALE KIMCHI 2:14

Noye atu nhepholo itshuchekeu miqhedu toike. Ipelo ogi julu pelo eno olekiphe iniju pelo.

ISAIAH 10:20

Aghuloki wocheni, Israilmi khunoqo puxupe aghini keno tipaqoye pano kutsakhaveni cheghikeu shiayeh shou pukhube mlave kepu shi nani. Panonguye kuchouno AMPEU Israilmi Lhou akimtheu lau pulubekeu qhilu nani.

ISAIAH 29:13

AMPEU no pike, “Timi hipaqono akichiloye ikupunu imlla cheni ikemu panongu tsaqoye akiqi kuhae eno panongu mloye khile anikela mthake. Panoqo chineyeh ye timino shikeu yeh eno pe kishe chekeu yeh panonguno mlokite shipusu akeu kethono kiumu kuhae.

ISAIAH 43:21

Isala ghenguno panonguye ino lhophe puakeqo timike, panonguno isheqhe shipili nani!’

ISAIAH 58:2

Panonguye ghulo atsutsu imlla cheni, panonguye ilaghi ithinikeu eno iyezah papelu nikeu khekulhoshi acheni kepi piacheni. Panonguno pikeuno ipelo kuchou yezah pesu panoqo tsupeni shi eno panonguye imllani keulo aloqi cheni kepi acheni.”

JEREMIYA 3:10

Hipaqo kumtsu shive kethiuno, Israil tsunipu amikucho kumou Juda ye amlo kuchopuno kumono xaide ilau ideighike yeh shike. Ni, AMPEU no piqhi ani.”

JEREMIYA 4:2

nonguye ije pesu tushoqhi nikeu achipike. Tishiaye ashiayeh kumtsuno panoqo kumghatsu penike ivilo iniju nani eno panonguno isheqhe nani.”

EZEKEL 22:30

Timi khualano putukha keu shilu nani kemokela ino phujuke, eno khualano putukha keu khileno ileve keno tipaulo puthugholu puzu ino iloghu kighide lono tipau kutsaveniye shiakelo, ayeghi shokhalu nimalayeke, ikemu niye milakhimu phumlake.

John 1:17

Alhou no Muse vechewo Ayezah tsuke, ikemu kimiye kini eno amikuchouye Jisu Khristo vechewo ighi.

John 12:23

Jisu no panoqo vilo pi, “Itehiye Timi Nu jekipipu shinikeu tuqhudo ighivae.

John 16:2

Panonguno Sinagog lono nongu hapheve nani. Aghuloki hu cheni kughou timi khunono nongu pithiluni keno paye ti shilukeuno Alhou huthulu ani kepi kumsu nani.

John 16:32

Nongu kumtsu pututa shelo pututa kilo apanagha halesuveno ilikhi qhivenikeu tuqhudo hu cheni eno hi cheae. Ikemu niye ilikhi ani chemoe kughengu Apuh no igholo ani.

John 4:21

Jisu no li vilo pi, “O totimi, ipululo, naghuto hipaulo na Jerusalem lonamu Apuh mllamo kepu ghuloki ighi nani.

John 5:25

Kuchouno ino nongu vilo pini, aghuloki hu cheni, kithimino Alhou Nu sutsa chilu nikeu ghuloki hu cheni, eno aghuloki hu ighiva, eno pa sutsa chilukemi qoye xulu nani.

John 5:28

Hipau pikeulo akichiqhi kevilo; kughengu akumokilo kithimi kumtsuno pa sutsa chilu nikeu ghuloki cheni,

Rommi 1:9

Kughengu ino pi akeuye Alhou no thopiu ke, ino inguagha pesu paNu tsakiviu pikulhatsu acheni, ike ino akighini shikelo tamono nongu kumsulu acheni.

Rommi 8:15

Kughengu Alhou no Aghungu nongu tsukeu huye nongu pelo aquaxemi lakhi shivepe eno nongu pelo msakitheve peniyeke kumoe, ikemu Aghungu no nongu pesu Alhou no saputhuluve keu nuliqo shitsu, eno Aghungu kuka lono ninguno “Apuo! Ipuo!” ipi igha cheni.

Rommi 8:26

Tipaphi lono Aghungu no ninguno tomo-chhimokeulo ningu kuphu cheni, kughengu ninguye kishi inikhukepu keno ninguno mthae, ikemu Aghungu ampino atsa shephemlakeu kusu ghugha lono ningu she-pe-ghi Alhou vilo qhuyiniju acheni.

Galatiami 4:6

Nonguye anuliqo shiveapi piye nikehu Alhou no pa Nu Ghungu ningu mlolo tsu, pano ishi igha cheni, “Apuo, iPuh.”

Ephesiami 6:18

Ado aghuloki kumtsulo Aghungu no sapiyekeu lono Alhou vilo qhuiniju ghi pulhapuju inikhu chelo. Tipau kimji lono tsukhuyi shialo eno khilemu kughucho kevilo; Alhou wu timiqo ghenguno khuini tsualo.

FILIPIAMI 3:3

Kughengu kuchouno ninguye aphighu yiko ghakemiqoke, kughengu ninguye Aghungu Kimthe lono Alhou mlla cheni, Khristo Jisu lono nikijivilo acheni eno timi lhoaye pesu shikulu pukhupe achemoe.

JOSHUA 24:14

Joshua no pikibe ghi pi, “Tishiaye itehiye AMPEU sumsa eno kuchouno pa qelo. Nopu asunoqono Mesopotamia eno Ijip lo mllachekeu lhouqo hu phevelo eno AMPEU likhi qelo.

1 Peter 2:9

Ikemu nonguye kishekiphe lagha, Akukau chinemi, akimthe shiayeh, Alhou timike, tiye akuzu lono pawu akichiqhipu kuvu kudau nongu kulukeu Alhou kumzapu kumlaqo pesu asheshupe niyeke.

SAMUEL ATUGHIU 12:24

Nongu mlo kuchopu pesu AMPEU gholulo eno akivishi pa qelo. Pano nongu ghenguno thime kije mlavetsu keu kumsululo.