John 15:5 - BAIBEL (BSI)

⁵ Niye atsayiboke eno nonguye alokaqoke. Khunono igholo ani eno ino khuno gholo ani keno, tipanono axathi shishe pithi cheni, kughengu isumo keloye nonguye kiumu shimlae.

Sümi Tiqhelimi Bible

⁵ “Ni ye atsaibo eno nongu ye alokaqo ke. Nongu no I gholo kimepe aye eno I no nongu gholo aye, nongu ye axathi kutomo pithí nani; I sümo kelo nongu ye kiumu shimlae.

Sumi Naga CL (Re-edited) Bible (BSI)

⁵ Ni ye atsaibo; eno nongu no alokaqo ke. Khunono I lau ani eno I no khuno lau ani keno, pa no axathi kutomo pithi cheni, kughengu I sümo keloye nongu ye kiumu shimlae.

John 15:5 Mawu Ofanana

AHOLE 11:30

Amikuchono akuxupu tsucheni ikemu hekiqhi bukiqhi no tipau ikhisuwuve cheni.

HOSIYA 4:8

Iwu timiqono axine shikeu lono nonguno kinimi shiluve ani ikehu nonguye panoqo pelo alau alau axine shipenishi cheni.

MATTHEW 13:21

Ikemu pano lolo akuhu thonheyi quilomo eno panonguye ngopushulu chemoe, kughou asutsa ghengu huno shilukusa eno akijipusakeu ighini keno panonguye pai pheve chenie.

John 12:24

Kuchouno ino nongu vilo pini, athi lothi lakhiye ayeghilo ikiqi ilono thive moke thaqhuloye tilikhi patho acheni; ikemu tipauno thive aye alothi kutomo pithilu cheni.

John 15:16

Nonguno ikisheluke kumoe, ikemu ino nongu kishelu eno nongu hekutsulu eno wupuzu tamono axathi kutomo pithipeni yeke. Tishianguno nonguno ije lono Apuh vilo kiu kiumu khu aye pano nongu tsu nani.

John 5:19

Jisu no panoqo khochile: “Kuchouno ino nongu vilo pini, Anu ye pa kutoshiye kiumu shimlae,papuhno shiaghikeu pano kiu ithulu nikeno ti likhi pano shi cheni. Apuh no kiukiu shini keno Anu ghi tishi cheni.

John 9:33

Timi hipauye Alhou launo ighimo napiaye paye kiumu shimlani cheke.”

Apostolmi 4:12

Xakulupuye palikhi vechewo ithulu nani, kughengu ayeghiqha kumtsulo ni-xakulupu aje hinguno kutau Alhou no timi tsupe puamoe.”

Rommi 12:5

Titoi, ningu ghi kutomo shi anamu ninguye Khristo lono kimepe aphi-mpi lakhi eno aphiauno kimepe akeu toi ningu lakhino lakhi sasu kimepe ani.

Rommi 6:22

Itehi nonguye axine launo kuqhopheveno Alhou quaxemi shiluva, eno nonguye shikimtheve keu ithuluno tipau ashekhaloye lhokta kuxu ithulu nani.

Rommi 7:4

Ithikuzumiqo, nongu ghi tihutoike. Nongu ghi Khristo philo lakhi shive akehu ayezah kudauye nonguye thivae, tishikeu lono nonguye itehiye akithi lono xuputhuvekeu wu shivae, tishianguno Alhou ghenguno ningu pelo athi pithilupeniyeke.

1 Kor. 10:16

Kumghakeu jukhu khikhi ninguno kumghakeu khukeno, Jisu Khristo ji gholo kuposhu anike kumokesha? Asho khikhi ninguno supho ani keno, Khristo phimpi gholo kuposhu anike kumo kesha?

1 Kor. 12:12

Kughengu aphimpiye lakhi puzu aphiau kutomoke, eno aphiau jeli kutomo shianamu aphimpiye lakhike, ike Khristo gholoye tihutoike.

1 Kor. 12:27

Tishiaye, nongu kumtsu Khristo phimpike, eno milakhikhino tipau phiauqoke.

2 Kor. 13:8

Kughengu ninguye kuchou shou kiumu shimlae ikemu tipau ghengu likhi shiluke.

2 Kor. 9:10

Apiti yisukemi tsuchekeu eno chukepushi achuqupu tsuchekeu Lhou no nonguno apiti avehupu shiakeu tsupuzu tipau thuwulupe, nongu kimiyekini lono kinikulu shi ghile hulupe kepu shi nani.

Galatiami 5:22

Ikemu Aghungu xathiye Alhou launo ighikeu kikimiye, alokiqi, alokivi, kheakulu, alokeu, akivi, pichebekulu,

Ephesiami 5:9

Kughengu akuvulo chechekeu lono akivipu, achipiu eno kuchou ipeghilupe cheni.

FILIPIAMI 1:11

Alhou jekipipu eno shekiqhepu ghenguno Jisu Khristo lau likhino ighichekeu mikucho xathino nongu shepichhiluve nani.

FILIPIAMI 4:13

Khristo no ishikumtokeu vechewono niye thwokha shikulupu kuka anie.

FILIPIAMI 4:17

Niye agho ichhepe nikeu phuche nike kumoe; ikemu nonguno Alhou lau kike achekeulo alaushi thuwulu penishi chenike.

Kolosiami 1:10

Tishino nonguye Ampeu pulou lono ame kua kuxu xulu, pa lokiqipu shilu, akumla kivi kumtsulo athi pithilu eno Alhou kighithi alau shilu ishi nanike.

Kolosiami 1:6

Nonguno Alhou wu kupukini hu kuchou kepi chilu eno ithi kuthuluke tsala lono nongu gholo athi pithilu eno thuwulu akehutoi, ayeghiqha kumtsu atsakiviuye athi pithilu eno thuwulu ani.

James 1:17

Aghokivi jeli eno viwotokulu kumsagho jeli kumtsu kunguuno ighi cheni, tipaqoye kungughalo akuvuqo lhokeu Apu launo ighi cheni. Paye kilive chemoe momu paye iqekeu eno yekukhu kuha.

1 Peter 2:4

Timino kideqhivekemu Alhou no amekushopu kepi kishelu keu akuxupu tuqu Ampeu lau ighilo.

2 Peter 3:18

Ikemu niMpeu eno niXakuluu Jisu Khristo kupukini eno pa kighithilo thuwu alo. Itehi eno alhokupujulo pa lau akimthe jekipi shilo! Amen.