John 15:2 - BAIBEL (BSI)

² Iloka khijehi axathi pithimo keno pano micheve cheni eno axathi pithikeu loka kumtsu alaushi pithi penike pano tipaqo kixiphe cheni.

Sümi Tiqhelimi Bible

² Pa no I lolo athi pithímo keu lokaqo kümtsü micheve cheni, eno aloka athi pithí akeqo kümtsü pelo alau kutomo pithílu penike ghenguno pa no kixiphe chenie.

Sumi Naga CL (Re-edited) Bible (BSI)

² I loka khijehi axathi pithi moni keno Pa no micheve cheni eno axathi pithikeu loka kümtsü alau pithi penike Pa no kixiphe cheni.

John 15:2 Mawu Ofanana

JOB 17:9

Tishimu, amikuchomino pa laghi phemoe eno khuno kuxu mithe anikeno mutokithe thuwu achenie.

LESHELE 92:14

Kitemi shiveke thiu ghi athi pithi ketoi nani eno pulhapujulo xuthilei eno mutotoi anani.

AHOLE 4:18

Amikuchomino izuchekeu laghiye tsukinhe ipeche ke toike, atsala ipeghimoke kutolo vuqai kithe eno vuqai kithe acheni.

ISAIAH 27:9

Ikemu kughono Alhou kumthamino mllachekeu khache tuquqo amukhu shiveni keno eno tsungqui keu kipiti khache kuhave eno alholiu Ashera julho kuhave kethiu likhino Israilmi xineqo pevetsu kepu shi nani.

ISAIAH 29:19

Kumlhomi ngo aqhokighemiye AMPEU Israil Lhou akimtheuno tsukeu lokivi itaghi ghuthu lakhiye phulu nani.

DANIEL 11:35

Alokutsumi sakiphemi dolo khami ghiqhive nani, ikemu tipau vechewo timiqo shikimthe kithelu nani. Alhou no ado lakhi kihikutha shipe qhitsu keu tsala ighimoke dolo, hitoi ananike.

HOSIYA 6:3

Ningu AMPEU ithinike pukaputsa juni nolo. Paye kuchouno inaqhe vuipeghi keshi ighi nani, ghixu tsalalo tsutsughuno ayeghi shou ghupuku keshi paye kuchouno ighi nani.”

MALAKI 3:3

Paye tsandiyi ghukimthe eno thakimthe chekeu toi kughatha nike ighi nani. Ayikiyiqimino tsandiyi ngo shunayi ghukimthe ketoi AMPEU ghinikishiuno achinemi ijokimthe nani, tishianguno panonguno AMPEU lau akumllagho achipiu jeli sughikepu shi nani.

MATTHEW 13:12

Kughengu timi khuu lau kiu aghini keno tipau lau alau shi tsu nani, eno pano kupukunoshi alupe nani; ikemu timi khuuno kiumu kuha keno pa lau kitila aghikeu ghi ikhisuwuve kepu shive nani.

MATTHEW 13:33

Jisu no kimighipiyekeu kutau lakhi pesu panoqo vilo ishi pi: “Kungugha yehkipeye kholaqhi hutoike. Totimi lakhino ti epesu ashokukubo ashoghi lakhilo xukutshu puzu ashokukunu kuchopu tino ingu ikughipe cheni.”

MATTHEW 15:13

Tile Jisu no khochile, “Ipuh kungughalo akeuno shosumo keu subo khikhi aghini keno nhuve nani.

MATTHEW 21:19

Ikelo alaghi phivilo khughubo lakhi aghikeu ithulu puzu pano tipau lau wujue, ikemu tile anipa likhi thono kiumu kuha. Ikehu Jisu no tipa-subo vilo ishipi, “Noye khilemu athi pithi pemoniu!” Paikhavino khughubono thizumuyive.

MATTHEW 25:29

Kughengu khunono ani keno tinguno alau tsu nani, eno panoye kupukunoshi alupe nani; ikemu khunono kuha keno pa launo kitila aghikeu ikhisuwuve nani.’

MATTHEW 3:10

Amughuye itehimu asubo akuhu lono yeqhive nike kutope anie, tighenguno asubo khipaqono alothi kivi pithimo nikeno yeqhipe amilo vesuve nani.

MATTHEW 3:12

Pa ulo athi fuleve kepu phigha peani, eno pano pa niqa shikimthe puzu pa thi pekutsusawo alelo su nani, ikemu amu-uye ghapinhemla keu mi lono piti nani!”

MATTHEW 7:19

Asubo khijeno athi kivi pithimo nikeno yeqhive cheni eno amilo vesuve cheni.

Mark 4:20

Ikemu kutau hamiye ayeghi shicho kivi shou vesulukeu toi ke, panoqoye Atsa hu chilu puzu ti ikhiluno hamino alothi shighi, hamino lhotsugho eno hamino aqhe ishi pithilu.”

Luke 8:13

Atu akeu yeghi shou vepuku keu piti huye khunoqono atsa chilu kelo alokivi shi ghi ikhilu; ikemu panonguye akuhu kuha: ado kitila ghenguye panonguno pulu ano ghukuju ighikeloye ikiqive cheni.

John 15:1

“Niye atsayibo kuchouke eno iPu ye alukichiu ke.

John 15:16

Nonguno ikisheluke kumoe, ikemu ino nongu kishelu eno nongu hekutsulu eno wupuzu tamono axathi kutomo pithipeni yeke. Tishianguno nonguno ije lono Apuh vilo kiu kiumu khu aye pano nongu tsu nani.

John 15:3

Ino nongu vilo pivekeu tsaqo vechewo nonguye mitheluvae.

John 15:6

Khunono igholo kimepe moni keno aloka lakhi toi pa ikhipeve cheni eno thizummuyive cheni. Aloka tipaqoye xukumqono amilo vesuveno pitive cheni.

John 15:8

Nonguno axathi kutomo pithikeuno iPu jukuvupu shitsulu acheni; eno tishikeuno nonguye ino kutsuluvekemi shilu nani.

John 17:12

Ino panoqo gholo akeloye oje kuka pesu panoqo khepe qhicheke. Ino panoqo susho cheke eno kuchoyesu kupunike ghenguno ti puhave nikeushi akeu timi lakhi thono panoqo gholo lakhimu puhatsumoe.

Rommi 11:17

Pighichekeu Oliv subolo aloka hamino icheiqiveke aghalo Oliv loka suwo tipaulo kimepeqhi. Nongu Judakumomi qoye aghalo Oliv loka toi kemu itehiye Judami kuxulo kinikulu kumto kusajelu anie.

Rommi 11:22

Alhou ye kishi kimiyekini eno mughachhoi keno hileno ithi: iluqivekemiqo lau paye mughachhoi, ikemu nongu lau kimiyekeu ae, tsala nonguno pawu kimiyekinilo cheche aye ta, ikemu tikumoaye nongu ghi micheve nani.

Rommi 8:28

Nino ithi akeuno Alhou kimiji kiqi lono pa kimiye chekemi khunoqo kuluvea keno tipaqo lau thwokha kumtsulo akivipu ghenguno mla kuqha acheni.

1 Kor. 13:1

Niye timi mili momu kungumi mili lono mu atsa pi aghiluvi, ikemu kimiyekini kuha aye isutsaye ayikihe ghugha paphi likhike momu ayi kugha kelo aghugha ipeghikeu paphi likhi ke.

Titus 2:14

Pano ni ghenguno pa mpi pesu tsuveke, tiye alhoksapu jeli kumtsu launo ningu xapheluniyeke eno pa laumi mithemitheikemi shitsuniyeke eno akivipu shinikeulo azukini shipeniyeke.

IBRIMI 12:15

Alhou wu kupukini launo xachile idevemo nike kutokupuyilo. Akukhu kimji sutsunibo toi ipeghi puzu tipau tughu huno kutami shipusalu nosake kutokupuyilo.

1 John 2:19

Timi hipaqoye kuchouno niqonihomi kumoe ikehu ningu launo wuvae. Panonguye niqonihomi keaye panonguye nigholo ngo aghini cheke. Ikemu panonguye wuvae, tipau kiqiye panonguye niqomi kumo kepi mutsuqheyi ithive peniyeke.

Piyeküsü 3:19

Ino kimiye chekemiye sakiyi eno aghime tsu cheni. Tishiaye amlo tsuqhiyi shilo eno oxine launo xaideghivelo.