John 1:16 - BAIBEL (BSI)

¹⁶ Pawu kupukini chhitoi akeu lono pano kukumgha beghi ningu kumtsu tsuke.

Sümi Tiqhelimi Bible

¹⁶ Paw kupukülai keu ghenguno püzüu küpükini tsüve keu theli lo itaghi ningu kümtsü küpükini ithulu ke.

Sumi Naga CL (Re-edited) Bible (BSI)

¹⁶ Paw kupukülai keu lono ningu kümtsü no küpükini shou küpükini ithuluvae.

John 1:16 Mawu Ofanana

LESHELE 84:7

Panonguno wuchekelo akumto shikithe wuve, Zion lo panonguno alhouqo shou Alhou ithulu nani.

ZEKHARIA 4:7

Naghuto pahi vekukha kugha sholu pimu ozulo tiye hauve nani. Nono Achineki shiqhepuku kithe nani eno nono atuqo ashekhau pa-alo sulukelo timiqono, ‘Jukighilepu, jukighilepu!’ ipi igha asheshu nani.”

MATTHEW 13:12

Kughengu timi khuu lau kiu aghini keno tipau lau alau shi tsu nani, eno pano kupukunoshi alupe nani; ikemu timi khuuno kiumu kuha keno pa lau kitila aghikeu ghi ikhisuwuve kepu shive nani.

MATTHEW 3:11

Niye azu pesu nongu baptiz shitsu cheni, tiye nonguye axine lono Alhou lau xaide ghiveapi piyekeu ke, ikemu ithiu milakhi ighini akeuye Aghungu Kimthe eno ami pesu nongu baptiz shitsu nani. Paye inguno shishe akijeue; niye pa pukhu kuqho mu petsu kuzupu kumoe.

MATTHEW 3:14

Ikemu Johan no pa lakha ghi ishipi, “Nono ikughape baptiz shitsu kepu thono, khilauno nouno ilau ighi ani kya?”

Luke 21:15

kughengu noghumi lakhi nomu nonguno pikeulo puthugho mla momu lamla kepu tsa eno alokutsu ino nongu tsu nani.

John 3:34

Alhou no khuu puwukeno pano Alhou tsa pesu pitsu, kughengu Alhou no pa Ghungu kupukunoshi pesu pa tsuke.

Rommi 5:17

Adam xine ghenguno akithino qhasupe acheni. Ikemu Jisu Khristo vechewo Alhou no kupukini kupukunoshi tsukeu eno pa mikucho kumsagho shi-ghi tsukeu khunoqono ithuluve akeno, panoqono xuaphi lono Khristo vechewo qhasulu nani.

Rommi 5:2

Hi kupukini khile ninguno puthugholu ani keno pa vechewo ilolukepu shiveke. Ikehu ninguye Alhou jukuvu kusajenikeu lakuju akeulo ninguye alokivishini nolo.

Rommi 5:20

Axine shikeu kighishenike ghenguno Ayezah iloghi; ikemu khile axine shikeu kighisheni keno, Alhou no kupukini shishe alau shi kighishe tsue.

Rommi 8:9

Kuchouno Alhou Ghungu nongu lolo ani aye, nonguye timi lhoaye nongu lolo akeuno pikeu toi xuamoe, nonguye Aghungu no pikeu toi xuanie. Khuu khumu Khristo Ghungu aghimo aye tipaqoye pawu kumoe.

Ephesiami 1:23

Akukuhouye Khristo phimpi, thwokhalo pano shikupu chekeu huno pa likhi pa shikupu anie.

Ephesiami 3:19

Khristo kimiyekinino akighithi jeli kumtsu veche iku akeu nonguno ithipenike, tishianguno Alhou kupukulu kumtsu pesu nongu pelo chhitoilu penike.

Kolosiami 1:19

Kughengu Alhou no Anu lolo Alhou lhoayeh kumtsu apenikeu shike,

Kolosiami 2:3

Khristo gholo Alhou lokutsu eno akighithi khuki kumtsu kusupe puanike.

1 Peter 1:11

Khristo Ghungu panoqo lolo akeuno Khristo no aghimeshi ime nikeu eno tipa shelo akimthejukuvupu shinikeu puzuuno asheazushi pikeu huye kiutoi kemi eno kiu tuqhu dolo kichesutsu ani keno panonguno pukaputsa phuphejuke.

1 Peter 1:2

Nonguye Apu Alhou no kumsupulope akeu kiqi lono kisheluvae eno Aghungu Kimthe no shikimthe pesu Jisu papelupeni eno pa ji pesu mitheluve peniyeke. Kupukini ngo alokiqipu nongu lau kighishelu apeniu!