JEREMIYA 9:24 - BAIBEL (BSI)

²⁴ Khualano qhezanishi aghi aye paye ni ithi eno ivethalukeulo qheza kepu kughengu iwu kikimiyeye iqemokeu eno niye kiuno achipiu, amikucho keno tipau shicheni. Hipaqo thime shikeuno ilopiqilu cheni. Ni, AMPEU no piqhiveake.”

Sumi Naga CL (Re-edited) Bible (BSI)

²⁴ ikemu khuu no qhezani keno pa ye Ni ithi eno vethalu keu lono qheza pelo, kughengu Ni ye ayeghi lo ithamo keu kikimiye, kuchou xakütha, achipiu mikucho peitha cheni. Kughengu thime hipaqo lo I züküvü acheni, ipi Ampeu no asheshu.”

JEREMIYA 9:24 Mawu Ofanana

LESHELE 20:7

Timi khamiye aghushilo peithakeu khurkulu pukhupe qheza cheni eno khamino khurshi pukhu cheni, ikemu ninguye AMPEU ningu Lhou je pukhupe acheni.

LESHELE 34:2

Pano kiu shitsukeno tipaulo ino pa sheqheni; Ghimeqhi pesu akemi kumtsu pelo hi chilu no amlo qipeni!

LESHELE 34:3

AMPEU ye kiutoi kijekela igholono pikulha tsulo; ningu kumtsa paje sheni nolo!

LESHELE 44:8

Alhou gholono ninguye pulhapuju akijivilei, eno ninguno alhokupujulo oje shikimthi che nani.

LESHELE 44:9

Ikemu itehiye nono ni pevae eno nipelo tomlaveapeke; eno noye niwu ghushimi sasu chewumovae.

LESHELE 51:1

Ikimiyekutu tsulo, O Alhou owu iqemokeu kimiyekini, eno okikimiye kupukunoshi akeu kiqi lono ixine nuxa puhave tsulo!

LESHELE 91:14

Alhou no pi, “Ino ikimiyechekemi xalu nani, eno khunono niye AMPEU kepi ithiani keno tipaqo susholuve nani.

LESHELE 99:4

Akughushu kukau, khuuno achipi keno nono tipau kimiyeke; nono Israil lo achipiu xakutha qhi tsuke; nono amikucho eno aghibiu sughike.

ISAIAH 20:5

Khunoqono Sudan eno Ijip pukhupe qheza acheni keno hauve nani, panoqono laju akeu kuboleve nani.

ISAIAH 41:16

Nono amlhulo elepukuve nani; amlhuno tipaqo xapuwuve nani, eno pasapaghano tipaqo kutho leve nani. Tileno nono alovi nani kughengu niye oLhou ke; nono ni Israil Lhou akimtheu sheqhe nani.

ISAIAH 45:25

Ni, AMPEU no Jakob laghami kumtsu xaphelu nani, eno panonguno sheqhekeu itsu nani.”

ISAIAH 61:8

AMPEU no pi, “Niye achipi xakutha kimiyeke eno nedaqodakeu ngo ghiqhi heqhi keu mithi cheni. Ino kuchouno iwu timiqo asaxu tsu nani. Panoqo sasu lhokta puloshoqhi lakhi shi nani.

JEREMIYA 22:16

Pano kumlhomi ngo kuhakemi ghenguno aghibiu xakutha tsuche ke eno paye thwokhalo akivishi aluke. AMPEU ithikeu kiqiye tipau pesu pichenike.

JEREMIYA 4:2

nonguye ije pesu tushoqhi nikeu achipike. Tishiaye ashiayeh kumtsuno panoqo kumghatsu penike ivilo iniju nani eno panonguno isheqhe nani.”

MICAH 6:8

Moe, kiuno akivipu keno AMPEU no nivilo pivae. Pano ningu lau lunishi akeuye hike: kiuno achipi keno tipau shinikeu lhokta kikimiye piyenikeu, eno ni Lhou sasu aqhokigheu lono kuposhupe xu acheni keuke.

MICAH 7:18

O AMPEU, otoi keu lhou kutau kuhae; nono owu timi, puxupe puaghitsu kemiqo xine peivetsuke. Noye alhokupujulo aloghu ideauve chemoke ikemu nilau owu lhokta kikimiye piye nikeulo ozukuvu shi achenike.

MATTHEW 11:27

“Ipuh no thwokha kumtsu itsuvae. Apuh likhino kumoaye khuu nomu Anu mthae eno Anu likhino kumoaye khuu nomu Apuh mthae, eno Anu no khunoqo pelo Apuh ithipe nike pephepiye nikeno tipaqono kumoaye khuunomu Apuh mthae.

Luke 10:22

Ipuno thime kumtsu pesu itsuvae; Apu likhino thono Anu ye khuu kela khunomu mthae,eno Anu likhino thono Apuye khu kela eno Anu no khuno lau pephepiye niye kishelu keno tipano likhino thono khunomu mthae.”

John 17:3

Lhokta kuxuye hike; olikhino kuchou Lhou kepi panonguno ithikeu eno nono puwukeu Jisu Khristo ithikeu ke.

Rommi 5:11

Tishike likhi kumono, Ampeu Jisu Khristo vechewo Alhou sasu kulashiluve akehu pa vechewo Alhou gholo alokivishi acheni.

1 Kor. 1:31

Tighenguno kuchoyesulo yepuakeu toi, “Khunono qhezani keno Ampeu no kiu mlavetsu keno tipaulo qheza pelo.”

2 Kor. 10:17

Kuchoyesulo piketoi, “Khuno qhezani keno Ampeu no kiu mlakeno tipaulo qheza pelo.” 6

2 Kor. 4:6

Ike, “Akuvuno akuzu lono vuipeghi pelo!” ipikeu Lhou no ni mlolo pa kuvu yepuvutsu puzu Alhou kimthe jukuvu kighithi kuvu Khristo gilo yevuqayi akeu ningu lau saghitsuniyeke.

Galatiami 6:14

Ikemu ilikhi imishiloye niye niMpeu Jisu Khristo kros nguno kutauye kiulomu qhezamo nani, kughengu pawu kros pesu ayeghiqha hu ilauno yeda pithivae eno ayeghiqha launo iyeda pithivae.

FILIPIAMI 3:3

Kughengu kuchouno ninguye aphighu yiko ghakemiqoke, kughengu ninguye Aghungu Kimthe lono Alhou mlla cheni, Khristo Jisu lono nikijivilo acheni eno timi lhoaye pesu shikulu pukhupe achemoe.

1 John 5:20

Nino ithi akeuno Alhou Nuno ighi puzu ithikututa shilukeu ningu tsupe puani, tishikeuno ninguye pa Nu Jisu Khristo gholo xukimepe akeu lono kuchou Lhou gholo ghi xukimepe ani. Hiye kuchou Lhou eno lhokta kuxuke.

SAMUEL ATUGHIU 15:22

Samuel no pi, “AMPEU ye khikhiu pulo ani kya? aghokulu keo, akumlla eno aghakishi kya? Bheri akiviu pesu pa mllani kepu zuqhuye pa gholu keuno akiviu.