JEREMIYA 7:3 - BAIBEL (BSI)

³ “Nonguno xuchekeu laghi eno mlaithache keu laghi kilivelo eno ino nongu pelo hilehi xu acheuve penike.

Sumi Naga CL (Re-edited) Bible (BSI)

³ Aqokitikhi MPEU, Israel Lhou no ishi piani: Nongu laghi eno no kümla kilive lo, eno I no nongu pelo hile xülupe nani.

JEREMIYA 7:3 Mawu Ofanana

KUKAMI AKINIU 17:13

AMPEU no pa ghinimiqo eno tungkupumiqo hapuwuno Israil eno Juda ghutu tsu: “Nongu laghi lhoksaqo phevelo eno izahkutsu khikhi Ayehza kakulo anikeno, khipau ino nongu puasuqo eno iqemi tungkupumi vechewono tsukeno tipaqo yehza ghokulu shilo.”

EZRA 10:11

Tishiaye itehi nonguno AMPEU nongu Lhou zulo axine piphevelo eno pa pulou shilo tipau yeghilomi launo kututa shivelo eno inaghalimi sasu ixavelo.”

AHOLE 28:13

Nono oxine pekusu cheaye noye akuxulo khilemu tokulupu shimo nani. Tipaqo piphevelo eno phevelo tishiaye Alhou no oshou kimiye qhiyikeu anani.

ISAIAH 55:7

Kixikilamino panonguno xuche keu kuxu qhivelo eno panongu no kumsuchekeu kilivelo. Panonguno niLhou AMPEU lau ideghilulo; paye kupuqhiyi cheni eno paye axine qhive tsu nanike.

JEREMIYA 17:25

Tishianguno panoqo kukami ngo sakiphemiye Jerusalem kikhaqolo ilolu nani eno David no ayehkipe kuka akeu qhemi alunanike. Juda lo akemi ngo Jerusalem lo akemiqo kumtsa puzu panonguno khurkulu ngo khurshi shou ikulu nani eno Jerusalem phughi pulhapuju timino chhitoi alunani.

JEREMIYA 18:11

Tishiaye, itehiye Juda lo ngo Jerusalem lo akemiqo vilo niye panoqo shou akumou shinikeu pughupe ani eno panoqo ghimeqhi nikeu kutope anike pilo. Panoqo vilo axine shikeu kuxu qhivelo pilo eno panongu laghi kililuve eno panoqono shichekeu kililuvelo pilo.

JEREMIYA 18:8

ashiayeh tipauno alhoksa kudauno tsughusu wuve aye ino kiu shini pipuakeno niye shimove nani.

JEREMIYA 26:13

Nonguye nonguno xu chekeu laghi eno mla itha chekeqo kililuve masake eno AMPEU nongu Lhou ghokulu shimasake. Nonguno tishi aye pano nongu shou kutsale nikeu pipuakeu pa kukumsu kilive nani.

JEREMIYA 35:15

Ino tamono nongu lau iqemi tungkupmi kumtsu puwu acheni eno panonguno nongu vilo nongu laghi lhoksa pheveno kiuno achipi keno tipau shilopi cheni. Panonguno nonguye kutau lhouqo mllapemo eno qepemo nike kutughu acheni, tishianguno ino nongu eno nopuasuqo tsukeu yeghilo xuache peniyeke. Ikemu nonguno ino pikeu initsumoe momu ilau amlo tsukeu kuhae.

JEREMIYA 35:16

Jonadab tikughukomiye pano puasuno ahza panoqo tsu keu papelu ikemu no timiqoye igholumoke.

JEREMIYA 4:1

AMPEU no pi, “Israil lo akemiqo, nonguno ideighini aye ilau xaideghilo. Nonguno ino jumithichekeu julho ikhipeve aye eno ilau amikucho shi aye

JEREMIYA 6:16

AMPEU no pawu timiqo vilo pi, “Alaghi shokuba lo puthughono julo. Khaghi laghiqo inijulo eno ala akiviu khile anikeno inijulo. Tipaulo chechelo eno nongu ye alokiqipushi xulu nanike.” Ikemu panonguno pi, “Moe, ninguye tishimoe!”

James 4:8

Alhou lau kupunu ighilo eno paye nongu kupunu ighi nani. Nongu axinemiqo, nongu-u shikimthevelo! Nongu amlo kini puchekemiqo, nongu mlo qhukimthevelo!