JEREMIYA 51:18 - BAIBEL (BSI)

¹⁸ Panonguye ame kuhake eno mithive kepuke; AMPEU no panoqo ghimeni keu do ghulokilo panonguye kutsaleve nani.

Sumi Naga CL (Re-edited) Bible (BSI)

¹⁸ Tipaqo ye ame küha eno atichepu kümlae; pano ghimeke ghuloki lo panongu ye pühave nani.

JEREMIYA 51:18 Mawu Ofanana

IPEKULU 12:12

Tipaji, niye Ijip yeghi qhalo wunani, timi na lhoxu pinamu kiptimi anoghiu heqhini cheni eno Ijip lo alhouqo kumtsu ghimeqhi ni cheni. Niye AMPEU ke.

ISAIAH 19:1

Hiye Ijip ghenguno atsape lakhike. AMPEU ye khungkusu shou iku puzu muthuthei Ijip kudauno cheni. Ijip lo ajulho akeqoye pa zulo khokhoshi ani eno Ijip lo akemiqoye amlo kuloghi hauveno ani.

ISAIAH 46:1

“Babilon lhouqoye ashekhalo hitoive nani! Bel ngo Nebo ghuthu lakhiloye itsaiqi mlla chekehu itehiye gadahaqo shou musho pipe nani, akulhoshive keu lhoxuqo ghutsu qaqhi nani.

ISAIAH 57:12

Nonguno kiu shikeno tiye achipi kepi nonguye kumsu aghiluvi, ikemu ino nongu ghusho ghili lhevetsu nani eno nonguno ajulho mllachekeqoye nongu kuphumla nani.

JEREMIYA 10:11

(Noye panoqo vilo pimoaye sake, ike ayeghi ngo atsutsu mlapuamokeqo lhouqoye kutsaleve nanike. Panonguye ayeghi shou khile khile pinamu qhimove nanike.)

JEREMIYA 10:14

Hipau ithulu kelo, timiye mamaive eno kumsukulu hauve; Ajulho shichekemiye kujokhave, panoqono alhouqo mlape qhikeuye kichileu eno akuxu kuhake.

JEREMIYA 10:15

Panonguye ame kuhae eno jumithi kepue; AMPEU no panoqo ghimeqhi kelo panoqoye kutsaleve nani.

JEREMIYA 10:8

Panoqoye kumtsu mbomuzu eno anikhake. Panonguye asu julho launo kiu shikaluni kya?

JEREMIYA 18:15

Ikeghi iwu timiqoye ikumsumave ani; panonguno asu atu julho lau tsungqui keu pitikumna cheni. Panonguye wukepushi akeu lalo kupuxalu ani, panonguye puzuu laghilo che chemovae. Panonguye alaghila lo kumono lavelalo wuveake,

JEREMIYA 46:25

Aqokitikhi MPEU, Israil Lhou no pianike, “Ino Thebemi lhou Amun ghimeqhini cheni eno tipa gholo Ijipmi kukami ngo tipau lhouqo ghi. Ijip lo akukau ngo pa pukhuchekemi kumtsu ino sawo

JEREMIYA 48:7

“Muab noye okuka kumto ngo okinikulu shou pukhupe acheni; Ikemu itehiye noghi leluvepe nani; Nongu lhou Khemosh ye hapupovekeu shiuveni cheni, pa gholo sakiphemi ngo achinemiqo wuve nani.

JEREMIYA 50:2

“Ashiayehqo gholo asutsa kithe pilo! Tipau pesu asheshulo! Kutughu-keu michi shilo eno sutsa kithe vekuphalo! Tipau pesu kusupe qhive kevilo! Li lhou Marduk ye kubokighi-niyivae! Babilonw asu-atu julho- ye kujokepu shivae, liwu ajulho niqhunilayi keqo ye mukhu-muno shivae!

EZEKEL 6:6

Israil lo aphughi kumtsu kutsaleve nani ikehu panoqo kumlla kiptia ngo asu-atu julhoqoye hepho kighiniyive tsu nani, panoqo wu tsungqui keu kipti-a hepholeve tsu nani eno panonguno mlakeu jeli kumtsu haukhave nani.

JONAH 2:8

Khunoqono kichileu julho mlla cheni keno panonguye oghokulu phevae.

ZEFANIA 2:11

AMPEU no panoqo shikumsa nani. Pano ayeghi hipaulo alhou kepi chekeqo kumu kuhakeu shivepe nani eno tithiuno pututa shiayeh pututa yeghi lono pa mlla nani.

Apostolmi 14:15

eno ishi igha. “O nongu timiqo, nonguye hiye kiu shi ani kya? Ningu ghi nongu toi timi ke, eno ninguye atsakiviu nongu lau asheshu anike, tishianguno nongu pelo hi avehu kuhamithekeu lono nonguno akuxupu Lhou lau ideghi peniyeke. Akuxupu Lhou no atsutsu, ayeghi, azughi eno tile akeu kumtsu mlake.