JEREMIYA 51:15 - BAIBEL (BSI)

¹⁵ AMPEU no pa kuka pesu ayeghi lhoke; alokutsu pesu pano ayeghiqha lhoqhike eno kungugha sukhope qhike.

Sumi Naga CL (Re-edited) Bible (BSI)

¹⁵ “Ampeu no Pa küka lono ayeghi lhoe, Pa lokütsü lono ayeghiqha lhoqhie, eno Paw vethakulu lono kungugha xachhope qhike.

JEREMIYA 51:15 Mawu Ofanana

JOB 9:8

Alhou likhino atsutsu sukhoke, eno azughi ghahwu ghutsu nedake.

LESHELE 104:2

Noye akuvu pesu okuzupu anike, nono aphiki sukho ketoi kungugha xakhoke.

LESHELE 104:24

AMPEU, nono thime kutomo mlape puani! kiu lokutsu lono pano lhokelae! Ayeghiye owu lhoxuqono chhitoi ani.

LESHELE 107:25

Pano ahza tsukelo amlhu kuloghino mulhu eno azutukucho xukuthoke.

LESHELE 136:5

Pa lokutsu pesu pano kungughaqo mlake, pa kikimiye ye lhokta kutolo acheni;

AHOLE 3:19

AMPEU no pa lokutsu lono ayeghi lhope; pa kighithi lono atsutsu kughupe qhi.

ISAIAH 40:22

Tiye ayeghi ngo atsutsu nguno hukudau kunguu pa kuka lakhulo iqa akeuno mlake; timi aqhou akemiqoye alhache toi kititike. Pano aphi xachho akeshi atsutsu xachhoke, ngonikeu aphiki lakhi shiwoke toi.

ISAIAH 40:26

Atsutsulo jupukulo! Ayepu nonguno ithulu akeuye khuuno lhophe kya? Ghushimi toi pano aqokitikhi shi sawukeu khije jehi ani keno pano ithi ani eno pano lakhikhi aje pi-ghi kucheni! Pano kukaye kijeke ghenguno tipaqo lakhimu hauvekeu shichemoe!

ISAIAH 42:5

Alhou no atsutsu lhophe eno tipau sukhope puani; pano ayeghi eno tile akuxu akeu kumtsu akoghe shipheke; Pano tile timi akeqo kumtsu lau akuxu eno atuthu tsuke. Itehiye AMPEU Alhou no pa qeu vilo ishi pi,

ISAIAH 44:24

“Niye AMPEU, nongu xakuluu; nongu lhophekeu huye nike. Niye AMPEU, thwokha kumtsu lhokipheu ke. Ilikhino kungugha sukhope qhike; Ino ayeghi lhokelo, kutami khuu nomu ikuphu puamoe.

ISAIAH 45:12

Ayeghi lhokeu huye inoke eno tile kughunape nike timi jeli lhoke. Ikuka pesu ino kungughaqo sukhope qhike; ino tsukinhe, aqhi eno ayepuqo tsuqupe ani.

ISAIAH 48:13

I-uno ayeghi boqha mulake eno kungugha sukhope qhike. Kughou ino ayeghi ngo atsutsu kuni kelo tipaqono payi ighi puzu puthughope ngoluve cheni.”

ISAIAH 51:13

Nonguye nongu lhoqhikeu AMPEU kumsumave akesha? atsutsu sukhope qhi eno ayeghi boqha qhawokeu huye pake. Kushiye nonguye akuxu kupujulo nongu qodaneda chekemino nongu pughuqhikeu eno nongu kutsa veniye kutope akemiqo musa acheni kya? Panoqo loghuye nongu bulumoake.

JEREMIYA 27:5

“Ikuka kumto kije pesu ino ayeghiqha ngo timi lhoxu eno ayeghilo xuakeu lhoxu kumtsu lhophetsuke; eno tipau pesu khuu khumu ino kishelukemi tsucheni.

JEREMIYA 32:17

“AMPEU Alhou, nono okuka kije eno okumto pesu ayeghi ngo atsutsu mlake; oghenguye kiumu kupunakeu kuhae.

ZEKHARIA 12:1

Hiye AMPEU launo Israil ghenguno atsape tsukeuke. AMPEU khuuno atsutsu sukhope qhiwo, ayeghi lhophe eno timi lolo akuxupi kughulhotsu keno pano piani:

Apostolmi 14:15

eno ishi igha. “O nongu timiqo, nonguye hiye kiu shi ani kya? Ningu ghi nongu toi timi ke, eno ninguye atsakiviu nongu lau asheshu anike, tishianguno nongu pelo hi avehu kuhamithekeu lono nonguno akuxupu Lhou lau ideghi peniyeke. Akuxupu Lhou no atsutsu, ayeghi, azughi eno tile akeu kumtsu mlake.

Apostolmi 17:24

Alhou khipauno ayeghiqha eno tile akeu kumtsu lhokeno, pano kungugha eno ayeghi Mipeu ke eno paye timino shikeu chinekilo achenike kumoe.

Rommi 1:20

Alhou no ayeghiqha lhoke lono itehi kutolo pa alhoayeh ithumlano akeu, lhokta kuka eno pa alhoayeh kinikujo mutsumishei ithulu acheni. Alhou no mlape puakeu thime lono timino tipaqo juchholu acheni. Ike panonguye kiu jeku kivimu kuhavae.

Rommi 11:33

Alhou wu kuakiniye kiutoi akumzapu kela! Pa lokutsu eno pa kighithiye kiutoi kuthokuzu kela! Pano kughathakeu khuno lhekide kudailu kepu eno pano khile kishi cheni kela khuno ithikuthu kulupu kya?

Piyeküsü 4:11

“NiMpeu eno niLhou! Nono akimthejekipi, agigihupu eno akuka ithulu kuzupuke; Kughengu thwokha nono lhopheke, opulou lono panonguye achenipe eno lhophepe qhike.”