JEREMIYA 50:31 - BAIBEL (BSI)

³¹ “Babilon, noye aqhekuzano chhitoi anike, ikehu ni, Aqokitikhi MPEU Alhou ye oshou mopi kepushi anike! Ino oghimeqhi nikeu ghuloki ighivae.

Sumi Naga CL (Re-edited) Bible (BSI)

³¹ “O aqheküzau, I no o le nani; Ampeu aqokitikhi Lhou no piani, o ghimeni keu ghuloki ighivae.

JEREMIYA 50:31 Mawu Ofanana

ISAIAH 2:12

Tipa tsalanino aqokitikhi MPEU no akuka kumtomi eno chuqumughai xuchekemi ngo aqhekuzami eno kumobeyi chekemiqo aqhokighepu shivetsu nani.

JEREMIYA 21:13

No, Jerusalem ye akhila shou qhemghai iqa ani, aqalo atuqu ipeghi akeshi ani. Ikemu ino oshou aghushini. Nono pikeuno khunomu olemla nani momu nono susho kepushikeu hepho iloghi mla nani pike.

JEREMIYA 48:29

Muab ye ighono aqhekuzake! Noye kiutoi aqhekuza keno, lahilaza eno chuqumghalesu acheni keno ino chiluvae. Noye olikhi okumsu pivi achenike.

JEREMIYA 49:16

Nongu qhekuzano nongu pishiqhivae. Nongu musa ani kepi kumsu ake qhemi lono khunomu nongu musamoe. Nonguye naghuto kutsuqa qhemghaikeu atuxulo ngo acheni; ikemu aluqu toi qhemghai keulo xuaghi namu AMPEU no aqhou kudau nongu saiqighive nani, AMPEU no piveake.”

JEREMIYA 50:29

“Asuzu kipemi vilo Babilon lelo pilo. Timi khijeno asuzu ngo apiji pethi akhani keno tipaqo puwulo. Aphughi suhuluvelo eno milakhi pelomu pojolupe kevilo. Tipaulo kiu shipepuani keno lochilelo eno kutami peitha puakeu toi tipau peithalo kughengu tipauno ni, Israil lo akimtheu shou aqhekuza shi mlaitha puanike.

JEREMIYA 50:32

Noqhekuza shiayeh ye kupuxalu nani eno ikiqi nani eno khunomu osunheqhe kuphumo nanike. Ino nophughiqolo ami suve nani eno sumxape akeu thwokha kumtsu kutsaleve nani.”

JEREMIYA 51:25

Babilon noye naghuto lakhino ayeghiqha kumtsu kutsaleve keu toike, ikemu ni, AMPEU ye oghumike. Ino otsuquluve nani, ayeghi lo osunhe kuluqhive nani eno ayevulo oqhive nani.

EZEKEL 29:3

Ishi pilo ike Akughushu MPEU no Ijip lo akukau vilo kiu piani keno tiye hike: No akha ngushu aghokilo zuakeu, niye oghumike. Nono pikeuno Nayil ghokiye owu eno nono tipau shipuani pike.

EZEKEL 38:3

pa vilo ni, Akughushu MPEU ye pa ghumi kepi pilo.

EZEKEL 39:1

Akughushu MPEU no pike, “Thinikuau timio, Meshek ngo Tubal shiayeh shou ayehpetou Gog shou ngukubelo eno pa vilo niye pa ghumi kepi pilo.

EZEKEL 5:8

Tighenguno, ni Akughushu MPEU no ovilo pianike niye oghumike. Ashiayeh kutamino ithukulupua lono ino oshou kughakuthabe nani.

NAHUM 2:13

Aqokitikhi MPEU no pi, “Niye oghumike! Ino owu khurkulu pitilevetsu nani. Owu ghushimiqoye aghushi lono pithikhave nani, nono kutami launo suwuvekeu kumtsu ino suwuve nani. Hinguno hilauye ayeghiqhalo okuka kumto chilu pemove nani.”

NAHUM 3:5

Aqokitikhi MPEU no pi, “Ino nongu ghimeqhi nani, Nineve! Ino nongu phimini xaluveno aphikumsavepe nani, eno ashiayehqo pelono ithulupe nani, okukujopu kumtsu ithulupe nani.

James 4:6

Ikemu Alhou no kupukini tsukeuye tinguno alauke. Tighenguno kuchoyesulo ishi pipuani, “Alhou no aqhekuzami lakhave cheni ikemu mtshaivukemi lau kupukini tsu cheni.”

1 Peter 5:5

Titoi nongu lhothemiye kichimi qhoqhulo. Nongu kumtsuno lakhino lakhi lau qekile nike akumtsha kughuvu pepulo, kughengu pipuakeu toi, “Alhou no qhezakemi lakhave cheni, ikemu akumtshami lau kukumgha tsu cheni.”

Piyeküsü 18:8

Highenguno, liwu pusa jeli hipaqo kumtsu ghulo lakhino qhai li ghaqhi nani: kusukini, amlo kusa, akhuamzu; Liye amino pitiqhive nani. Kughengu li shou kughakuthau Ampeu Alhou ye akumtouke.”