JEREMIYA 50:20 - BAIBEL (BSI)

²⁰ Kughono tipa ghuloki ighini keno Israil lo kiu xinemu phumla nani eno Juda lo kiu lhoksa kugha mu kuha nani, kughengu timi khunoqo kuxu ino ghupe qhitsuni keno ino tipaqo xine pevetsu nani. Ni, AMPEU no piveake.”

Sumi Naga CL (Re-edited) Bible (BSI)

²⁰ Tipa ghuloki lo Israel lo kiu xinemu phumla nani eno Judah lo kiu lhoksamu küha nani, kughengu I no khunoqo ghüpe qhive keno, tipaqo xine pevetsü nani.

JEREMIYA 50:20 Mawu Ofanana

LESHELE 103:12

Kipelauno kulolau sasu putosupe ake toi pano ni xine nilauno titohi ikhipe wuvetsue.

LESHELE 17:3

Nono imlo pu-juvae, nono putholo ixuju ighivae, nono ipejuveake, ilolo alhoksa kukumsu kuhakeu nono ithi anie.

LESHELE 85:3

Panongu lau axuide chekeu tishimove eno aloghu kighide panongu launo suchileveke.

ISAIAH 1:9

AMPEU Akughushuuno timi khami likhimu ghutsumoke aye Jerusalem ye Sodom ngo Gomora toi qhoi kutsapinyiveni cheke.

ISAIAH 10:21

Israilmi gholo timi aghulo likhino pano Lhou akumtou lau idechileghi nani.

ISAIAH 33:24

Niyeghilo auvekemi khunomu suani kepi itaghi muchhomo nani eno axineye kumtsu pevetsu nanike.

ISAIAH 43:25

Ikeghi, niye nongu xine pevetsu chekeu Lhou ke, niye nike ghenguno tipau shitsu cheni. Niye nongu xine nongu shou tishi puatsumo nani.

ISAIAH 44:22

Khungkusu toi ino oxine jolevetsu nani. Ilau ideghilo; oxaluchekeu huye nike.”

JEREMIYA 31:34

Panoqo gholo khunomu pano ghakhumi vilo AMPEU ithilo ipi shikapiyeni chemoke, kughengu kumtsuno ni ithi nani, aku-amighiu lono akijeu kushu kutolo. Ino panoqo xineqo pevetsuni eno niye, khilemu panoqou kivikumo kumsupu ache move nanike. Ni, AMPEU no piveake.”

JEREMIYA 33:15

Tipa ghulokilo David laghami amikucho lakhi akukau shipenike ino kishelu nani. Akukau tipauno aghakhu kumtsulo kiuno achipi eno kuchou keno tipau shi nani.

JEREMIYA 33:8

Panonguno ishou axine shikeu ino panoqo qhu kimthetsu nani, ino panoqo xine ngo panonguno hebidekeu peivetsu nani.

JEREMIYA 44:14

Juda lo puzupe puaghikemi eno Ijip lo xuauveniye ighivekemiqo gholo milakhimu pomla nani momu puxupemo nani. Panoqo gholo milakhimu Juda lo idewomo nani, panonguye tilehi itaghi xunishi kutu anamu kupokichemi kinia kuthua likhi thono milakhimu idewomo nanike.”

JEREMIYA 50:4

AMPEU no pi, “Kughono tipa ghuloki ighini keno Israil ngo Juda kumalo kuamiqono qasusu ni panoqo Lhou phususu ighi nani.

AKUMLO 4:22

O Zionmiqo, nongu xine ghenguno ghime keuye tava, paye hinguno alauye nongu halepuwumoae. Ikemu Edommiqo, noxine ghenguno ghime nani; eno no xineqo lhephetsu nani.

EZEKEL 18:22

Pa xine kumtsu peivetsu nani eno paye xulu nani kughengu kiuno achipi keno tipau pano shike.

MICAH 7:19

Noye itaghi nilau kupuqhiyi kithe nanike. Nono nixineqo apukhuno nedaqodave nani, eno azughi polalo tipaqo vesuve nanike!

ZEFANIA 3:12

Tilehi ino akumtshami eno aqhokighemi qhipua nani; panonguno akukuphu phususu ilau ighi nani.

ZEKHARIA 3:9

Ino Joshua zulo atuqu lakhi ako tsuni akeu qhitsu ani. Ino tipau shou yepukukeu tsa yethapuku nani eno ghulo lakhi lono hipau yeghi xine ino ikhi pewuvetsu nani.

AKIKIHI 23:21

Tithiu Israilmi ghenguno ino juchho puwo ithulu akeuye angukusapu momu akupuna kiumu li lau sughini chemoe. AMPEU panongu Lhou ye panoqo gholo anie; Paye panoqo kukau kepi panonguno asheshu cheni.

Apostolmi 3:19

Axine lono xaideghilo eno Alhou lau tsughu ighilo, tishianguno pano nongu xineqo pevetsu nani,

Apostolmi 3:26

Ikehu Alhou no pa qeu kishepe atughushi nongu lau puwuke, eno nongu lhoksa kugha lono saide sawo kumghatsuniyeke.

Rommi 11:6

Alhou no kishelukeu huye pano qhuivulayikeu shou anike thono panonguno shilukeu shou bepeamoe. Kughengu Alhou no kishelukeu hu timino shilukeu shou bepe ani aye Alhou wu qhuivulayi keuye kuchou shi qhuivulayikeu kumovae.

Rommi 5:16

Alhou no tsukeu kumsagho ngo Adam xine kuma dolo kutuqukeu ani. Adam xineno timi kutomo lau akithipu xine sughi, ikemu Khristo no kumsagho tsukeuno kutomo xine qhivetsuno ajukuvu kuxulo sughi tsue.

Rommi 6:13

Momu nongu phia-u axine kudau ikhipe tsughi kusakugha laghi lono peitha pekevilo. Ikemu akithi lono akuxulo saghivekemi kehu Alhou lau nongu kuxu ikhiphepe tsulo, eno nongu phia-u amikucho vehupu shi peitha penike ikhiphepe tsulo.

2 Peter 3:15

Alhou no alokutsu pa tsukeu kiqi lono nino kimiyekile chekeu nithikuzuu Paul no nongu lau yesu tsupuwu keu toi niMpeu no kutuu tsu akeu huye nongu pelo xaluve peniye adokivi tsuani kepi kihiluvelo.