Biblia Todo Logo
Baibulo la pa intaneti

- Zotsatsa -




JEREMIYA 5:6 - BAIBEL (BSI)

6 Tighenguno aghasa lono abongushu qono panoqo tsuve nani. Asayeqhalo tungtughano panoqo sutha piniyive nani, eno angushuno pano phughilo miqe auve nani. Timi hupaqono khalau ipeghiaye panonguye kishitha pinyive nani, kughengu panoqo xineye kumzapuke eno panonguno tamono Alhou launo tsughu chilewuveke.

Onani mutuwo Koperani

Sumi Naga CL (Re-edited) Bible (BSI)

6 Ikehu abongshuu no aghasü lono panoqo tsüve nani; tüngtügha no asayeqha lono panongu tsüve nani. Akhighiu ngushuu no panow mishighüna jukuto ani; tileno ipeghi kemi kümtsü sülatha pinyiveni cheni, kughengu pano xine ye kütsasae, panow hekibide ye kije ke.

Onani mutuwo Koperani




JEREMIYA 5:6
38 Mawu Ofanana  

Tipa shouno, Juda lo sakiphemi, achinemi eno timiqoye panoqo sukumxalo ashiayeh akeqo xine kuxu pape ghi asu-atu julho mllauve eno AMPEU ampi no akimthe shive tsukeu Achine ki panonguno shipixive tsu.


Ezra Achineuno puthughono panongu vilo pi, “Nonguye inaghalimi luveno Israil kipimi alau kughukovae.


“O iLhou, ino olau igi peqhe pe juni keghi akukujono igi chijiphe nike shivae, kughengu ningu xineno ningu vesuvae eno ni kipimino atsutsu tohi ashekha kuhavae.


Ino qhemghai ithuche aye abongushu toi nono ihaqhie, eno akumzapu kumla mla pesu ihakhae.


Nono putho mlatsuke eno akuzu lono tughashi kumtsu khalacheu ipeghi cheni.


Aminino tipau qodave ani eno tughashino tipau chuve ani.


Nongu sakiphemiye hekibidemi eno kupukami poshuu shivae; panonguye pulhapuju tughotili eno kulugho luacheni. Panonguye kughakutha-alo khilemu mighimghaqo sushotsu chemoe momu chimemino xathatsu peniye atsa sughikelo initsu chemoe.


“AMPEU, ninguno ohekibide xineye kutomoke. Nixineno ninguku ani. Ninguno tipaqo kumtsu tsaqui ithi ani.


Iw timiqono ilau ighamuku pi, ‘Ni xineno nishou ngukube anamu AMPEU, nono tushoqhiveke toi nikuphulo. Ninguye ghuthu kutomo olauno tsughusu wuveke. Ninguno oshou axine shiveke.


Panonguno abongushu toi pa shou ighapuku, panonguno pa yeghi pesu asayeqha shivetsu, pa phughiqoye ixapiniyi ani eno qhoyi qhivae.


Israil, olikhi nono oshou hipau sughike! Ni nongu Lhou AMPEU hu, ala kupujulo ino nongu sachekeghi nonguno ipheveke.


Nolikhi nolhoksano nongu ghimeqhi nani, eno nonguno ilauno tsughusu wuvekeuno nokideqhive nanike. Ni nongu Lhou AMPEU phevekeu eno ikidiu amikucho shi xuche- move aye kiutoi kukhu kimji eno alomo kepu keno nonguno ithilu nani. Ni Aqokitikhi MPEU Akughushuuno piveake.”


Israil lo akemiqo, ino kiu piani keno inijulo. Nongu lau niye asayeqha lakhi toive, momu zumoi akumsapu yeghi lakhi toive kesha? Tishiaye nonguye kushiye nongu pulou shinikeu pi kya? Nonguye khilemu ilau ideighimopi pikya?


AMPEU ye abongushuno pa tukiqhiveke toi pawu timiqo qhivae. Aghukishilo kumsa kimshipu ngo AMPEU loghu kighideno ayeghi pesu asayeqha kughulhovetsu ake.


Olojipumi kumtsuno okumsumavae; panonguye kiumu nongu hijuni chemoke. Ino aghumi lakhi toi shipuzu nongu haqhike; nonguye mughachhoi keu lono ghimeqhike eno nongu lhoksaye kijeke.


Nongu ghuza ghugha ghenguno muchho kithe kevilo, nongu ghenguno shikipivi kuhae. Ino hitoi nongu ghimeqhi kughengu nongu xineye kutomo eno nongu lhoksaye kijeke.


Hiye pano kiu shinikeu shi kumsupu ani keno shi khavemoke kutolo tiye ashekha shimo nani. Ighinikeu tsala lo paw timiqono hipau mutsumishei vethaluve nani.


Abongushuno pa kughutshua lono cheke toi, ashiayeh kukutsau lakhi chevae. Paye Juda kutsanike cheni. Juda lo aphughiqoye ixapiniyi qhive nani eno tipaqolo khumu kughuna move nani.


Abongushu lakhino Jordan vekudalo aghasa lono achu kumzapu atsuni akeu yeghilo ipeghikeu toi ino ighi nani eno Edommi pelo zuleno pano yeghi lono kohapovepe nani. Tipathiuno ino kishelukeu sakipheu pelo tipa shiayeh shou ayehpe pe nani. Isasu kimighilu kepu khuu ani kya? Khuno ighumono ikhu lunani kya? Ayehkipemi kiutoi keuno imujolu nani kya?


Tishiaye, iwu timiqo, nonguye kushiye ilau xaideghimono ilauno tsughusu wuvea kya? Nonguno asu-atu julho lau amlo tsu auveno ilau ideighimo pike.


Azughau thotsu kughono ideighi kepu do ghuloki keno ithi cheni; miqhedu, akhalu eno azuhas qoghi kughono puthewo kepu do ghuloki keno ithi cheni. Ikemu iwu timiqo, nonguye ino kiu yeh lono nongu shou ayehpe cheni keno mthake.


Li ghumino tokulu shiluvae; panoqo kuka pesu li tsuquluvae. Li xine kutomo shiveke ghenguno AMPEU no li pelo aghime shipeke; Li tianuliye kughalukhave eno sawuve.


Alaghilapa kumtsulo a-a qhemghai keu shipe qhike eno ojukivi tileno sunhe kiti pesu salhake. Nono iqho iqichekemi kumtsu lau noikhipe tsuvecheke eno osalha kighishe acheke.


Yehpeka yehkipelo kijemiqoye atine lojino lhoxu heqhi puzu suthapinyi kishi akeu toike. Panonguno kinikulu shiluniaye ghiqhi heqhi cheni.


Lino ilimi shiache kelo, Ijip lo kusalhalimi lakhi shiche ketoi liye puzuu nguno alaushi kusalhami shiuve.


Atughiuye abongushu toi ithulu, ikemu aluqu chishibo pu. Ino tipau jupulano, achishibo ita ikiqive. Tughashi khape puthu puzu timi toi puthughovepe. Timi kukumsu pa lolo suvetsu.


Ino juake dolono tughashi kutau lakhi ipeghi. Tipauye angushu lakhi toi ithulu, ikemu pa mqalo achishibo bidi a, tipaqo aghau chishibo toi eno akutsu bidi pua. Tipaulo akuka akeu ithulu.


Ino abongushu lakhi toi Israil lo eno Juda lo akemiqo hakuqoqhi nani. Ni ampino panoqo aleqhi shi sutha pinyiveno panoqo qhive nani. Kughou ino panoqo sunhe susu wuve nikeno khunomu pano xamla nani.


“Pano wu khurshiqoye angushu nguno akumthuu, muzuthi akeu tine nguno ayikusauke. Pano wu khurshi shou ikuno ala kushuwa lono ighi ani; pano khurshiqono ayeghi pighe. Aluquno achuyi yiluni kelo toi panonguno fufushi iqighi cheni.”


Tipaulo kijemi akeqoye abongushu igha akeu toike; tipaulo kughakuthami qoye muzuthi akeu tine lojino mihemuzakeu lono inaqhe tomphi lono aghi lakhimu qhimovekeu toike.


Itehi nongu ye nopu asuqo toi shi auvae, itaghi Israilmi shou AMPEU loghu ide ikughi penikemi axine shichekemi tiqheli akitheuqoke.


Ino ithulukeu tughashi tipauye angushu toi, tipau pukhuye ava pukhu toi eno tipau kichiye abongushu toi. Dragon huno pa kuka ngo palakhu eno payehkipe kuloghi pesu tughashi tsu.


Titsatireni:

Zotsatsa


Zotsatsa