JEREMIYA 5:28 - BAIBEL (BSI)

²⁸ Panonguye aqu leleshi chhiboyi anike panonguno alhoksa kumla shikeulo tavae pikeu kuhae. Panonguye mighimghaqo pelo pano chipiu ithulupe chemoe momu neda qodape akeqo lau kuchou xakutha piye chemoke.”

Sumi Naga CL (Re-edited) Bible (BSI)

²⁸ panongu ye chhikhoi eno atha pubeivae. Panongu kümla lhoksa ye ashekha küha; pano ye mighimi chipiu süsho tsünike achipi lono xathatsü chemo, aveküsami chipiu süsho tsümoe.

JEREMIYA 5:28 Mawu Ofanana

JOB 12:6

Kupuka kupughami kiye iqunei acheni, eno Alhou phimo kemiye pukhube kulupu acheni, pano kumto no pano lhou shi anamu.

LESHELE 119:70

Timi hipaqoye vethakulu kuhake, ikemu niye oyezahlo ilokivipu sholu cheni.

LESHELE 72:4

Akukauye kumlhomiqo shou aghibiu lono kughathabelu pelo; aquaghami kuphulupe eno nedaqoda chekemi halevepelo.

LESHELE 73:12

Kixikilamiye kiutoi kela hi julo. Panonguye kinikuluno kupu kunoshi ani eno ililai ani.

LESHELE 73:4

Timi hupaqoye akusu ghi suchemoe; Pano shi-ajiye mutotoi ahi kivike.

AHOLE 15:25

AMPEU no qhezalaki chekemi kibo kutsave nani ikemu pano chimemi nhemgha susholu nani.

ISAIAH 1:23

Nongu sakiphemiye hekibidemi eno kupukami poshuu shivae; panonguye pulhapuju tughotili eno kulugho luacheni. Panonguye kughakutha-alo khilemu mighimghaqo sushotsu chemoe momu chimemino xathatsu peniye atsa sughikelo initsu chemoe.

JEREMIYA 12:1

AMPEU, ino osasu itsa kugha- kepu pesu kutsala aye, Noye achipiu shiaghive nani putsake. Ikeghi niye osasu kuchou xakutha vehu kigheve masavae. Kushiye kusakughamiye shishe kinikulu shipe kya? Kushiye amikucho kumomino ikukithelupe kya?

JEREMIYA 2:33

Nonguye alojipumi papesu kishi haunikeno mutsuqheyino ithi ani. Totimi alhoksau kutolono nongu launo shikalu nanike.

JEREMIYA 22:3

“Ni, AMPEU no nongu vilo kiuno achipiu eno amikucho keno tipau shilopi ahza tsuke. Pukaluvekeu launo pukaluvetsu keu timi hu susholu lo. Inaghami, mighimghaqo momu chimemiqo peithapusa momu qodaqhi kevilo; eno akimthe-a hipaulo pimipuamo kemi heqhi pithi kevilo.

JEREMIYA 7:6

Tusumi ngo mighimgha eno chimemiqo shou akumou shikevilo. Ayeghi hipaulo kiumu shipuamokemi ghiqhi kevilo. Kutau lhouqo mllakevilo kughengu tipauno nongu kutsave nanike.

AMUS 4:1

Hipau inijulo, nongu Samariami totimiqo, Bashan lo amshiqu ashi pubeyi keqo toi athapubei keqo, kumlhomi peitha pusa chekeqo, shiluksami qodaqhi chekeqo eno nongu kimiqo vilo aji xapuwo tsu alepi khuchekeqo!

ZEKHARIA 7:10

Nonguye chimemi, mighimgha eno inami khunoqo nongu gholo ani keno momu khukhumu nongu kukuphu avehupu shi aghikemiqo nedaqoda kevilo. Momu lakhino lakhi shipusa nikeu laghi kughuqhi kevilo.’

1 Kor. 5:1

Mtsuqheyino nongu gholo kipti toti dolo mithemovekeu pi-ighivae, eno tikithipuye Alhou mthakemi gholo ghi khilemu shichemokeu ghilike: tiye timi lakhino papuh nipu sasu kughuna akeu ivilo pivae!

ZAKINIU 32:15

‘AMPEU wu timiqoye kinikulu shiuve ikemu hebideuve; Panonguye chhibochhilei eno achuqupuno shepichhi cheuve. Panonguno Alhou panoqo pulhokusuu qhiveno akughushu shi pano xakuluu peive.