JEREMIYA 48:2 - BAIBEL (BSI)

² Muab jekipiye kuhave. Aghumino Heshbon khasuluvae eno Muab shiayeh kutsalenike kuchughu ani. Madmen taunye inaqhoivepe nani; aghushimino tipau shou leighi nani.

Sumi Naga CL (Re-edited) Bible (BSI)

² Moab jekipi ye kühavae. Aghümi no Heshbon lono Moab kütsave nike kuchughue: ‘Ighilo, ningu shiye hupau kishekhave tsüni!’ O Madmenmi, nongu ghi inaqhoivepe nani; azütakikihi no nongu leighi nani.

JEREMIYA 48:2 Mawu Ofanana

ISAIAH 15:1

Hiye Muab ghenguno atsape lakhike. Ar ngo Kir phughiqoye kijili lakhino kutsaveke eno kughu kughalei keuno Muab yeghi nhaluveke.

ISAIAH 15:5

Imlo lono Muab lau igha qahwu! Timi qoye Zoar taunlo ngo Eglat lo eno Shelishiya lo kuhapove. Khamiye qah susu Luhit laghi kudau iqhoke; khamino ighamuku amlo kusashi Horonaim kudau pokawuve.

ISAIAH 16:14

Itehiye AMPEU no piani, “Loi ampe kuthu lono Muab wu kinikulu kumzapu hu hauve nani. Tipaulo timi kutomo achekeu hu aghulo likhi ghuluni cheni eno panongu ghi miqemileyikemi shive nani.”

ISAIAH 25:10

AMPEU no Zion Toghi susholu nani, ikemu Muab lo akemiqoye abalo aghijini qodave keshi panoqo qodave nani.

JEREMIYA 25:15

AMPEU, Israil Lhou no ivilo pike, “Hilau aji jukhu lakhi iloghu kighideno chhitoi ani. Khuno shiayeh lau ino opuwuni keno tipaqo kumtsu lau hipau pewulo, panoqo pelo tipaulo akeu shopelo.

JEREMIYA 25:17

Ike ino AMPEU ulono ajukhu ikhiluve puzu AMPEU no khunoqo lau ipuwu keno tipaqo shiayeh kumtsu tipau tsuke eno panoqo pelo tipau shope.

JEREMIYA 31:36

Pano tushoqhive keuno alhoaye kikithi hipaqo ake kutolo, titohilo Israil ye ashiayeh lakhi shi ananike.

JEREMIYA 33:24

“Timiqono hishi pi akeuno ino Israil ngo Juda pama, hi akibo kini kisheluve keu pamaye ino pevea kepi timiqono kishi piani keno nonguye ithiama? Ikehu panonguno iwu timiqo shou mithi keu lono jupuku cheni eno panonguye ashiayeh lakhi kepi kihi chemoke.

JEREMIYA 46:28

Ino nongu lau ighino nongu xalu nani. Ino khilehi nongu halepuwuve keno tipaqo shiayeh kumtsu ino kutsave nani, ikemu niye nongu kutsamo nani. Niye nongu ghimemono puwuvemo nani; ikemu ino nongu ghimekeulo niye aghibiu lono shi nani. Ni, AMPEU no piveake.”

JEREMIYA 48:17

“Nongu Muab shiayeh phivilo kua-miqo, nongu tipau jekipi ithiakemi kumtsuno tipau ghenguno mloqalo. Ishi pilo, ‘Tipau yehkipe kukaye kubolevae, tipau jekipi eno akughushuye kuhavae!’

JEREMIYA 48:42

Muab ye kutsaleve nani eno ashiayeh lakhi shi achekeu kuhave nani, kughengu tipauno ihebideke.

JEREMIYA 48:45

Tipaulo kupokichemi akukuphu kuhakemiqoye Heshbon lo sushokulu phujuwu nani, tipau phughiye akukau Sihon no ayehpe cheke, ikemu tiye amino ghule ani. Aghukishi kupuchekemi Muabmi lughi ahuu eno naghuto kiqheqoye amino pitileve ake.

JEREMIYA 49:3

Heshbon lo akemiqo, ighamukulo! Ai phughiye kutsalevae! Raba lo totimiqo, qanimulo wulo! Yeqhiye phi pepuno mloqalo. Avekughuzu shi poiqho iqilo. Nongu lhou Milkom ye pa chineki ngo pawu sakiphemi gholono hakughutsu sasu wuve nanike.

JEREMIYA 49:37

Ino Elam lo akemiqo pelo aghumi panoqo pithive nishi achekemi musakutuvepe nani. Iloghu kije lono ino Elam lo akemiqo kutsaleve nani eno ino panoqo jole puhavemoke kutolo panoqo shou aghushi puwu nani.

AKIKIHI 32:37

Ruben laghamino taun hipaqo shikithelu: Heshbon, Eleale, Kiriathaim,