JEREMIYA 47:3 - BAIBEL (BSI)

³ Panonguno khurshi pukhu mutsu kukhukeu khurkuluno qhoqhoshi keu, akukulu pukhu kokoshikeu chilu nani. Apunoqono pano tianuli ghenguno athiu ideighimo nani; Panoqo uye aphimpi ihje pesu tuthuiju naive nani.

Sumi Naga CL (Re-edited) Bible (BSI)

³ Paw khurshiqo pukhu ghügha chilu kemtsa, khurkuluqo kupo, apukhuqo ghügha chilu kemtsa, apuqo no pano tianuli ghenguno athiu ideighimo nani; pano u miqemleive nani,

JEREMIYA 47:3 Mawu Ofanana

ISAIAH 5:28

Panoqo piji ye tsughaminhei eno panoqo suzuye kapuwu nike kutope ani. Panoqo wu khurshi pukhu mutsuye atu kumka toi mughachhoi ani eno panoqo wu khurkulu ye miyi tsutsu toi poveholu ani.

JEREMIYA 46:9

Khurshiqo wupenike eno khurkulu kohapenike ahza tsulo! Ghushimiqo puwulo: Sudanmi ngo Libyamino azuto xapusu eno Lidyami asuzu pekithimiqo! ’ ”

JEREMIYA 50:42

Panonguye asuzu ngo azutakihi ikhiluvae, panonguye ayikusa eno amlo ighikeu kuhae. Panonguno pano khurshi shou iku puzu wukeulo azughi ghugha toike. Panonguye Babilon shou aghushi nike kutope ani.

JEREMIYA 8:16

Ni ghumiye Dan phughilo iloghivae; panoqo wu khurshi no khur khur shi igha keu ninguno chilu ani. Kughou panoqo-u khurshi ighi keno aluzaqha kumtsuno itha ani. Nighumino niyeghi eno tile aghikeu kumtsu eno niphughi ngo tile timi akeqo kumtsu kutsave nike ighi ani.”

EZEKEL 23:24

Panonguno aghushimi kutsasa aghushi khurkulu ngo pukishekeu yeghikilu sasu ighi puzu ahuu kudauno ole ighi nani. Azuto ngo akutsu kuqho pesu sushopuluve puzu panonguno osuhuluve nani. Ino panoqo ulo no ikhisuvetsu nani eno panonguno pano yezah kiqi lono oshou kughatha nani.

NAHUM 2:4

Khurkuluno alaghilalo muqhu mza kohake, aphughi mtalo pohu powoke. Panonguye ami kuluqhe toi kulophaphaike eno tsutsupha toi kohakiveke.

NAHUM 2:8

Khakuthabo ipovekeulo azu tule ipeghi keshi Nineve lono timiqo kohaipe! “Ngovelo! Ngovelo!” ipi ighakeu sutsa shi ikemu milakhimu athiu ighoighimoke.

Piyeküsü 9:9

Panongu mlaqhaye ayi kutuqhokeu mla-kuxa toikeuno nhapua, eno panongu chishibono asutsa shikeu ghughaye khurkuluno aghushiwuniye kohachekeu sutsa toike.

XAKUTHAMI 5:22

Tishino khurshi no akumthu shi pokeu lono panongu pukhu mutsuno ayeghi lo neda susu powu.