JEREMIYA 46:2 - BAIBEL (BSI)

² Ijip ghenguno, Ijip kukau Neko ghushimi ghili pano hipau pike, tipaqoye Babilon kukau Nebukadnezar no Karkhemish a lono leluveke, tiye Eufrati ghoki kupunu lono ke eno tiye Jehoiakim no Juda lo akukau shikeu ampe abidiu shi ake lono ke.

Sumi Naga CL (Re-edited) Bible (BSI)

² Egypt ghenguno: Egypt kükau Pharaoh Necow ghüshimi Carchemish lo Euphrates ghoki phivilo ngo akemi khunoqo Babylon kükau Nebuchadnezzar no Josiah nu, Judah kükau Jehoiakim yepe mpe abidiu shiake lono leve keno tipaqo ghenguno:

JEREMIYA 46:2 Mawu Ofanana

KUKAMI AKINIU 18:21

Nonguye Ijip shou lakuju shi animu amutubo lakhi pesu akusu shi aketoi keuke, tiye paikhavi lono icheveno amihino nongu ulo qhuzuvetsu nani. Tihutoi Ijip lo kukauye khu khumu pa laju ighikelo tishive nani.”

KUKAMI AKINIU 23:29

Kughou Josia no akukau shi akeno tipa ghuloki lono Ijipmi kukau Neko no ghushimi sasu Eufrati kutolo Asiriya lo kukau kuphu tsunike ghenguno le iloghi. Akukau Josia no Megido lono Ijipmi ghushimi lakha chilelu eno paye ghushiqa lono pa pithive.

KUKAMI AKINIU 23:33

Pa kukaye kughou Ijip kukau Neko no pa kughaluveno Hamat yeghilo Ribla lo akughu shipe niye sawuve keno tileno kishekhaveno paye Judamiqo pelono ampelo agho tsandi kilogram 3,400 eno shunano kilogram shighi bidi ishi pesu Ijipmi tsupenikeu shive.

KUKAMI AKINIU 24:7

Ijip kukau ye pawu ghushimi sasu khilemu Ijip hechesu aghulau move, kughengu Babilon lo kukauno Ijip lughi kumtsu qhasuluve, tiye Eufrati ghoki lono wo Ijip yeghi ahuu alughi kutolo qhachholuve.

ISAIAH 10:9

Ino Kalno phughi ngo Karkemish phughi, Hamat phughi ngo Arpad phughi leluveke. Samaria ngo Damaska ye ino leluveke.

ISAIAH 19:1

Hiye Ijip ghenguno atsape lakhike. AMPEU ye khungkusu shou iku puzu muthuthei Ijip kudauno cheni. Ijip lo ajulho akeqoye pa zulo khokhoshi ani eno Ijip lo akemiqoye amlo kuloghi hauveno ani.

ISAIAH 19:19

Tipa tsala ighi kelo, Ijip yeghilo AMPEU lau akipti khache lakhi anani eno Ijip lughilo atuno shikeu tsukucho lakhi AMPEU lau ikhiphe tsu nani.

JEREMIYA 25:1

Josiya nu Jehoiakim no Juda lo akukau shikeu ampe abidiulo, AMPEU launo ino atsape lakhi ithulu, tiye Juda lo akemi ghengunoke. (Hiye Nebukadnezar no Babilon lo akukau shikeu ampe atughiu loke.)

JEREMIYA 25:19

Kutami khunoqono ajukhu lono shokepu shikeno tipaqo kumtsu je hitoi apasu shi ani: Ijip kukau eno pawu kijemi eno sakiphemiqo; Ijipmi eno inaghami Ijip lo akemi kumtsu Uz ghakhulo kukami kumtsu; Filistiyami phughi Ashkelon, Gaza, Ekron eno Ashdod lo ghupe puaghi keqolo kukami kumtsu; Edan ngo Muab eno Amun lo akemi kumtsu; Tur ngo Sidon lo kukami kumtsu; Meditereniya sukumxa yeghilo kukami kumtsu; Dedan, Tema eno Buz phughiqo; Timi khunoqono asa ikhonhei tsave cheni keno tipaqo kumtsu; Arabia lo kukami kumtsu; Asayeqhalo akeu shiayehqo shou kukami kumtsu Zimri, Elam eno Media lo kukami kumtsu; Kukami ahuu, putou eno akupunu lo lakhino lakhi shelo akeu kumtsu. Ayeghiqhalo ashiayeh akemi lakhikhino tipau jukhu lono shokepu shinani. Ashekhashi Babilon kukauno tipau sho nani.

JEREMIYA 25:9

‘Niye timiqo ghenguno ashiayeh ahuu akeqo kupuwuni cheni eno Babilon lo akukau iqeu Nebukadnezar kupuwuni cheni. Ino panoqo pelo Juda ngo tile akemiqo eno tipau cheaxulo ashiayeh akeqo sasu aghushi penike ino panoqo sasu ighini cheni. Niye ashiayeh hipau eno hipau cheaxulo akemiqo kutsanike ighini cheni eno panoqoye alhokupujulo hexapinyi qhive nani, akumsapu eno jukichi kepu shipe nani. Ni, AMPEU no piqhive anike.

JEREMIYA 36:1

Josiya nu Jehoiakim no Juda lo akukau shikeu ampe abidiulo AMPEU no ivilo pi,

JEREMIYA 43:11

Nebukadnezar ighi no Ijip leluve nani. Timi khunoqomi kusukini lono ahakusapushi thipe nikeu shi ani keno kusukini lono thi nani, khunoqomi ahakusapu shi akughu shipenikeu shiani keno akughumi shi sawuve nani eno khunoqomi aghukishi lono ahakusapushi thipenikeu shi ani keno aghukishi lono thi nani.

JEREMIYA 45:1

Josiya nu Jehoiakim no Juda lo akukau shikeu mpe abidiulo ino kiu apasushi pikeno tipau Baruk no yepe qhike.

JEREMIYA 46:14

“Ijip lo taunqo lo hipau pesu asheshulo, Migdol ngo Memfi ngo Taxpanhes lo: ‘Nolikhi noshokhalu kepushi kutolulo; nonguno aghikeu kumtsu aghukishi lono kutsaleve nani.