JEREMIYA 44:8 - BAIBEL (BSI)

⁸ Nonguye kushiye hilau Ijip lo acheuveniye ighivekeu-alo kutau lhouqo lau lhoxu heqhi mlla ani eno asu-atu julho mlla puzu imlo shikighide ani kya? Nonguno nolikhi nongu kutsaleveniye hipau shi ani kesha? Tishianguno ayeghilo ashiayeh kumtsu nongu phimo ghi peitha eno musuinikeulo nongu je peithapeni kesha?

Sumi Naga CL (Re-edited) Bible (BSI)

⁸ Kushiye nongu no xüuve niye ighikeu Egypt yeghi lo nongu ye kütau lhouqo lau axokütsüngü pesü mlla eno au no ajulho mlano I mlo shikighide ani kea? Nongu ye nongu ampi kütsave ani eno müsüinive keu shive no ayeghi lo shiyeqo kümtsü no cheqhi kepu vehu shivae.

JEREMIYA 44:8 Mawu Ofanana

YEKIKITHI AKINIU 7:20

tileno ino nongu tsupua keu yeghi lono nongu ikhive nani eno imlla penike-a lakhi likhi ino shikimthe pesu ikhilu keu Achineki hipau ino qhive nani. Aqha kumtsulo timiqono hipau thaigha eno kutha kughapu shi hipau peitha nanike.

ISAIAH 19:1

Hiye Ijip ghenguno atsape lakhike. AMPEU ye khungkusu shou iku puzu muthuthei Ijip kudauno cheni. Ijip lo ajulho akeqoye pa zulo khokhoshi ani eno Ijip lo akemiqoye amlo kuloghi hauveno ani.

ISAIAH 3:8

Kughengu Jerusalem ye xale qhivae! Juda ye ikiqivae! Panonguno pi shikeu kumtsu AMPEU hebide anike; panonguno kumtsu nhekithe lono AMPEU phimo gihumoke.

ISAIAH 65:15

Ino kisheluvekemi timiqono nongu je peitha puzu musuini nani. Ni AMPEU Alhou no nongu pithive nani. Ikemu khunoqono igholu keno tipaqo lau ino aje kithe lakhi tsu nani.

JEREMIYA 11:12

Tithiu Juda ngo Jerusalem lo kuamiqoye panoqono akumllagho heqhipe mllache keu lhouqo lau wu nani eno tipaqo vilo kuphulepi ighamuku pi nani. Ikemu kughou kutsakungo keu hipau ighini keno alhou tipaqoye panoqo xamla nani.

JEREMIYA 11:17

“Ni, Aqokitikhi MPEU no Israil ngo Juda shosu ke ikemu itehiye kutsakungo keu pesu ino panoqo shikichike. Panonguno hipau pano likhi pano shou sughi ani kughengu panonguno alhoksa shiveke; panonguno Baal lau akumllagho heqhi tsupuzu ipelo aloghu idevepeke.”

JEREMIYA 18:16

Panonguno hipau yeghi pesu jukichi kepu eno pulhapujulo jukimthipu shive tsuake. Tipau veche wuchekemi kumtsuno jukichipe kutuxoxoke. Panonguno akumzaqhiyi kelauno akutsu kunguke.

JEREMIYA 24:9

Ino kutsakungo keu lakhi pakutakeu panoqo shou sughikeulo ayeghiqhalo ashiayeh kutami kumtsuno thughuive nani. Timiqono panoqo thaigha nani eno panoqo pesu azukutunupu lakhi shinani, panoqo thakepu shi nani, eno ino panoqo halepuwu vekeqha kumtsulo panoqo je pesu musuinikeu lakhi shi peitha nani.

JEREMIYA 26:6

Nonguno hebide auve aye ino Shilo lau kiu shikeno Achineki hipau shou shipuku nanike, ayeghiqhalo ashiayeh kumtsuno hipau phughi pesu musuinikeu lakhi shi-ghi peitha nanike.”

JEREMIYA 29:18

Ino aghukishi, akhuava eno kusukini pesu panoqo hakuqoni cheni, ayeghiqhalo ashiayeh akeqo kumtsuno tipau ithulukelo kichimamave nani. Khipaqhalo ino panoqo halepuwuni keno, panoqo shou kiu shivekeno tipaulo timiqono jukichive eno musave nani. Timino panoqo thaigha nani eno panongu je pesu musuini keu lakhi shi peitha nani.

JEREMIYA 32:30

Inahu abothu xughili lonomu Israil lo timiqo ngo Juda lo timiqono kiu mulaqhi keno tipauno imlo shikighide acheni iloshipusu achenike.

JEREMIYA 42:18

“AMPEU, Israil Lhou no pianike, ‘Nonguno Ijip lo wuve aye Jerusalem lo akemiqo shou imlo kighide ngo iloghu lepukuke paphishi nongu shou ghi lepuku nani. Nonguye junike akuighupu shive nani; timino thaighakeu shi nongu peitha nani eno nongu je pesu musuini keulo peitha nani. Nonguye khilemu a-a hipau ithulu kithemove nani.’ ”

JEREMIYA 44:12

Ike Juda lo timi khijehi ghupe puanikeno eno panonguno Ijip lo wu puzu tilau auvenikeu shi pulo akhani keno, panoqo kumtsu kutsalekha kemo kela ino tsaqui jutsu nani. Panoqo kumtsu kijemi na kitilami namu aghukishilo momu akhuava lono Ijip lono thikhave nanike. Panongu junike kumsa kimshipu shi nani; timino panongu phimo ghi peitha nani eno panongu jeku ghi musuini keu shinani.

JEREMIYA 44:3

Kughengu tipaqolo achekemino alhoksa shiveke eno ipelo amlo idevepeke. Panonguno kutau lhouqo lau lhoxu heqhipe mllake eno panongu ghi nongu ghi momu nongu puasuqono khilemu mllachemo keu lhouqo qeu khaveke.

JEREMIYA 44:7

“Ike, ni Aqokitikhi MPEU, Israil Lhou no itehi ghi nongu vilo iniju anike nonguye kushiye nolikhi noshou alhoksa kumla hikithipu shi ani kya? Nonguye kiptimi, totimi, itimi eno anga kughunuqo shou kutsale keu sughi nishi ani kesha? Tishino nowu timi lakhimu puxumove niye kesha?

JEREMIYA 7:9

Nonguno puka, ghiqhi, salhashupu, tushoqhi kelo akimki tsa pi, Baal lau lhoxu heqhipe mllake eno nonguno puzuu mthakeu lhouqo mllake.

EZEKEL 33:11

Panoqo vilo pilo ike kuchouno niye xuakeu Lhou ke ghenguno niye axinemi lakhi thikeulo aghaqi chemoe. Niye pa pelo axine lono tave penishike eno xuluve penishike. Israil, nonguno alhoksa shiakeu tavelo. Nonguye kushiye thiani kya?

EZEKEL 9:6

Kitemi na lhothemi na apumi ilimi na azaqo eno itimiqo namu ghiqhivelo’ ikemu timi khunoqo kishelo amichipu pu aghini keno tipaqoye lakhimu bukevilo. Ichineki hileno huthulo.” Ikehu panonguno Achinekilo tilehi sakiphemi puthugho akeqo shouno huthuve.

HOSIYA 4:13

Naghuto kutsuqalo achine-alo panonguno lhoxu heqhipe mlla cheni eno atoghilo chuqumughai eno sukhosuzai keu suboqo qholo panonguno tsungquikeu ta pitikumna cheni kughengu asubo kicheqholo aloponyi kehuke! “Tishikeu lono nonga noqoye kutuqhalimi shi peithauve eno nomukishiu noqono salhake.

HABAKUK 1:16

Panonguno lhoxu heqhi pe akhame mlla cheni kughengu panoqo khameno thime kivi pesu panoqo loji achenike.

ZAKINIU 32:25

Aghukishino alaghilalo akithi sughi nani; akiboqolo thughuive keuno pughuqhi nani. Lhothe pumi lhothe limiye thive nani anga kughunu ngo kitekusu mu ghumo nani.

IBRIMI 3:16

Alhou sutsa chiluve keghi pa hebidevekemiqo huye khunoqo kya? Timi tipaqoye Muse no sakipheu shipuzu Ijip yeghi lono sasu ipeghi kemiqoke.