JEREMIYA 44:7 - BAIBEL (BSI)

⁷ “Ike, ni Aqokitikhi MPEU, Israil Lhou no itehi ghi nongu vilo iniju anike nonguye kushiye nolikhi noshou alhoksa kumla hikithipu shi ani kya? Nonguye kiptimi, totimi, itimi eno anga kughunuqo shou kutsale keu sughi nishi ani kesha? Tishino nowu timi lakhimu puxumove niye kesha?

Sumi Naga CL (Re-edited) Bible (BSI)

⁷ Itehi aqokitikhi MPEU, Israel Lhou no ishi piani: Nongu ye kushiye no shou alhoksa kümla kije hipau shi ani kea? Kushiye Judah lo kiptimi, totimi, itimi, eno anga kughunuqo lakhimu ghülu pemono kütsale keu süghi ani kea?

JEREMIYA 44:7 Mawu Ofanana

AHOLE 1:18

ikemu timi hikithipuqoye alikhi aghenguno alichhe shipe qhi anike, pano lichhe lono pano kitimeluve nani.

AHOLE 15:32

Shikaluni keulo nono mopi auve aye olikhi oghuza ani. Shikumzutsu keu ikhilu aye noye alotsu kithe nani.

AHOLE 5:22

Kixikilami xineye alichhe lakhi toike. Pa likhi pa xine khame lono meluve cheni.

AHOLE 8:36

Khunono iphumoni keno pa likhi pa ghuza anike; khunono imithi cheni keno akithipu kimiye cheni.”

JEREMIYA 25:6

Panonguno nongu vilo kutau lhouqo mllamoni keu eno qemonikeu pitsuke, eno nonguno ajulho mlape qhikeu mllakeu lono AMPEU loghu shipemo niyeke. Nonguno AMPEU gholuke aye paye nongu ghimeqhini chemoke.

JEREMIYA 25:7

Ikemu AMPEU ampino pianike nonguno pa tsa initsumoe pike. Tishinike zuqhulo, nongu su-atu julhono pa mlo shikighideve tsuke eno nolikhi noshou aghimepu sughiveke.”

JEREMIYA 26:19

Akukau Hezekiya ngo Juda lo akemiqoye Mika pithiveke kumoe. Tishinike zuqhulo, Hezekiya no AMPEU sumsave eno pa pulou shilu nike pukaputsake. AMPEU no panoqo shou kutsakungo keu sughi nikeu shi pipuakeu lono pa kukumsu kilive. Itehi ghi ninguno ni likhi nishou akumsapu kutsakungo keu sughiniye anie.

JEREMIYA 3:24

Ikemu Baal akukujopu lhou mllakeu lono nitsu aqu, anu anga noqo, kha-ghi ghuloki lono nipuasuno mlla chekeu kumtsu puhakhave tsuake.

JEREMIYA 38:17

Tileno ino Zedekiya vilo Aqokitikhi MPEU, Israil Lhou no kiu pikeno tipau pike, “Nono Babilon kukau kijemi lau qhoi liqhi pesu tsuveaye okuxu pukha luve nani eno aphughi hipauye pitilevemo nanike. Noghi eno obolomi ghi puxupe qhitsu nani.

JEREMIYA 42:20

nonguye nongu kuxu puhavetsu peni keushi ala kumolo wucheake. Nonguno ivilo AMPEU niLhou vilo khuini tsulo pi inijuke eno pano ahza tsukeu kumtsu nonguno shini keushi nonguye tushoqhive ke.

JEREMIYA 44:14

Juda lo puzupe puaghikemi eno Ijip lo xuauveniye ighivekemiqo gholo milakhimu pomla nani momu puxupemo nani. Panoqo gholo milakhimu Juda lo idewomo nani, panonguye tilehi itaghi xunishi kutu anamu kupokichemi kinia kuthua likhi thono milakhimu idewomo nanike.”

JEREMIYA 44:8

Nonguye kushiye hilau Ijip lo acheuveniye ighivekeu-alo kutau lhouqo lau lhoxu heqhi mlla ani eno asu-atu julho mlla puzu imlo shikighide ani kya? Nonguno nolikhi nongu kutsaleveniye hipau shi ani kesha? Tishianguno ayeghilo ashiayeh kumtsu nongu phimo ghi peitha eno musuinikeulo nongu je peithapeni kesha?

JEREMIYA 51:22

kiptimi ngo totimi pithi nike, kitemi ngo ahelomi ghiqhi nike, apumi ngo ilimi pithi nike,

JEREMIYA 7:19

Ikemu kuchouno panonguye ighuza ani kesha? Moe, panonguye pano likhi panoqo ghuza ani eno panoqo shou akukujopu sughi anike.

JEREMIYA 9:21

Akithiye nilashe vechesu alou iloghivae eno nikukakilo iloghivae; tipauno alaghilalo ititunuqo ghiqhipewuvae eno alhikishialo lhothemiqo michepewuvae.

AKUMLO 2:11

Inhethiye qake launo anhebo khoyivae; ingulhoye kutakihi ani. Niwu timi kutsave keulo niye amlo ghime launo lhokutuvae. Aphughi laghilalo itimi ngo anga kughunuqoye thiqhi thiqhi anike.

AKUMLO 2:22

Nono ighumi kusuno aqha kumtsu lo isuhu pesu shikumsa keu ghulhu shipe, eno omlo kighide tsalalo khunomu pokaulu momu puxulu pe move. Ino ati anuli khunoqo tuchomujo saputhu keno panonguno ghiqhivetsuke.

EZEKEL 33:11

Panoqo vilo pilo ike kuchouno niye xuakeu Lhou ke ghenguno niye axinemi lakhi thikeulo aghaqi chemoe. Niye pa pelo axine lono tave penishike eno xuluve penishike. Israil, nonguno alhoksa shiakeu tavelo. Nonguye kushiye thiani kya?

EZEKEL 9:6

Kitemi na lhothemi na apumi ilimi na azaqo eno itimiqo namu ghiqhivelo’ ikemu timi khunoqo kishelo amichipu pu aghini keno tipaqoye lakhimu bukevilo. Ichineki hileno huthulo.” Ikehu panonguno Achinekilo tilehi sakiphemi puthugho akeqo shouno huthuve.

HABAKUK 2:10

Ikemu nongu muquno nokibo shou akukujopu sughike; ashiayeh kutomo kutsalevekeu lono nolikhi noshou shikupusa likhi sughi ani.

AKIKIHI 16:38

Tipaqoye AMPEU wu akiptia lo qhivetsu keu lono akimthe shive ake. Tighenguno khunoqo axine ghenguno pithive akeno timi tipaqo mikhu ikhilu puzu tipaqo apashi ipumihei hephano akiptia kuzu kepu shilo. Tino Israilmi shikimchi tsukeu lakhi shi nani.”

ZAKINIU 32:25

Aghukishino alaghilalo akithi sughi nani; akiboqolo thughuive keuno pughuqhi nani. Lhothe pumi lhothe limiye thive nani anga kughunu ngo kitekusu mu ghumo nani.

JOSHUA 6:21

Panongu zutakihi pe aphughi lo timi kiptimi, totimi, kichimi itimi kumtsu ghiqhive. Panonguno amshi, gadaha eno bheriqo ghiqhive.

XAKUTHAMI 21:11

Kiptimi totimi kumtsu khuuno atathe kumove akeno tipaqo kumtsu heqhi khavelo.”

SAMUEL ATUGHIU 15:3

Wulo eno Amalekmi lepuzu panonguno pighi aghikeu kumtsu shipusa khavetsulo. Kiu nhemghamu qhikevilo, kiptimi, totimi, atianuli, anga kughunu, amshi, bheri, kemel eno gadaha hipaqo kumtsu pithi khavetsulo.”

SAMUEL ATUGHIU 22:19

Saul no achinemi phughi Nob lo kughuna kuami, kiptimi, totimi anuli eno anga kughunu pichepighi, gadaha, bheri hipaqo kumtsu ghiqhi pithi khavetsu.