JEREMIYA 44:6 - BAIBEL (BSI)

⁶ Tighenguno ino imlo kighide ngo iloghu pesu Juda lo taunqo shou eno Jerusalem laghilalo lepukuke eno ino tipaqo shou ami suvetsuke. Tipaqoye ixapinyi qhiveke eno jukumsapu shivetsu, ishi kutolo tishi anike.

Sumi Naga CL (Re-edited) Bible (BSI)

⁶ Tighenguno I loghu eno mlo kighide no Judah lo mishighünaqo shou eno Jerusalem laghila lo pukue, ikehu ishi kutolo ixapinyi eno pighivae.

JEREMIYA 44:6 Mawu Ofanana

ISAIAH 1:7

No yeghiye kutsapiniyivae eno no phughiye amino pitikhavae. Nonguno jupulaghi inaghamino no yeghi kutsave, ti luve eno thwokha shipusakhavae.

ISAIAH 51:17

Jerusalem; ida thughivelo! Olikhi okudaputhulo eno ithughi velo! AMPEU no pa loghu lono nongu pelo shopenike aghime jukhu tsukeu nonguye shomzuvae; Nonguno tipau yekhave eno tipau no opelo izuvulaive peke.

ISAIAH 51:20

Alaghila cheku kumtsulo now timiye qeikelauno iluqike; panonguye ashihami lichelo ashe meluvekeu toike. Alhou loghuye khipaphi keno panonguno pepujuake.

ISAIAH 6:11

Ikelo ino iniju, “AMPEU , Khitotohi hitoi shia nani kya?” Pano khochile, “Aphughiqo ixapinyive eno kumsa shivemoke kutolo, akiqolo kughunamoveke kutolo, aluza ghi kughukughaleyive moke kutolo.

JEREMIYA 21:12

“Ni, AMPEU no piakeu inilo. Tsala kipetsulo kuchou xakutha shitsunikeu shilo. Timi khuno pishiqhiluve puzu itaghi qoda qhi pesu anikeno pishiqhiluve keu timi ulono pa susholuve tsulo. Nonguno tipau shimo aye, nonguno alhoksa shikeu huno ami pinhemlakeu toi iloghu kighide iqu auvepe nani.

JEREMIYA 21:5

Ikumto, iloghu kighide, ixu kighide eno ino muqhu mzakeu kumtsu pesu nongu shou aghushipuku nani.

JEREMIYA 34:22

Ino ahza tsunani eno panonguno aphughi hipaulo ideghi nani. Ino Juda lo taun akeqo pesu asayeqha khunomu xumlakeu toi shivetsu nani. Ni, AMPEU no piveake.”

JEREMIYA 36:7

Ishiake panonguno AMPEU lau inikhu puzu panoqo laghi lhoksa lono ideighi luvike, kughengu AMPEU no pa loghu kighide eno pa xukighide pesu timi hipaqo shikichiveake.”

JEREMIYA 4:27

(AMPEU no pikeuno ayeghiqha kumtsu asa itsumo keu shive nani, ikemu paye tipau qhoi shipusa khavemo nanike.)

JEREMIYA 4:4

Now puloshoqhi isasu shilo, niye nongu MPEU ke eno nonguye ikhipesu itsuvelo nongu Juda ngo Jerusalem lo akemiqo, nonguno tishimo napiaye nonguno axine shiveke ghenguno iloghuye ami toi iqu nani. Tipauno iqu nani eno khunomu tipau pinhemla nanike.”

JEREMIYA 42:18

“AMPEU, Israil Lhou no pianike, ‘Nonguno Ijip lo wuve aye Jerusalem lo akemiqo shou imlo kighide ngo iloghu lepukuke paphishi nongu shou ghi lepuku nani. Nonguye junike akuighupu shive nani; timino thaighakeu shi nongu peitha nani eno nongu je pesu musuini keulo peitha nani. Nonguye khilemu a-a hipau ithulu kithemove nani.’ ”

JEREMIYA 44:22

Ishi tsalalo ghi noyeghiye ixapinyi ani eno khuu nomu tipaulo achemoke. Tiye timino juighukeu-a shi ani eno timino musuini keulo tipau je peitha anike, kughengu AMPEU ye nongu kixikila lhoksa pepimhe ache keu xapuqhe khamlaveke.

JEREMIYA 7:17

Juda phughilo ngo Jerusalem laghilalo panonguno kiu shi ani keno noye ithumla kesha?

JEREMIYA 7:20

Tighenguno ni, AMPEU Alhou no iloghu kighide Achineki hipau shou lepuku nani. Timi shou ngo lhoxuqo shou aphiphi shi ino tipau lepuku nani, eno asubo ngo axabo shou ghi lepuku nani. Iloghuye, timi khunomu pinhemla keu mi toi nani.

JEREMIYA 7:34

Aghakhuye asayeqha shive nani. Juda phughiqolo eno Jerusalem laghilalo alokivishi aloinokeu sutsa eno kulakupu ghulhulo alokivi sutsa kumtsu ino kuhavepe nani.”

JEREMIYA 8:3

Hi lhoksakugha shiyehmi khunoqo thikhamono xuaghini keno ino panoqo halepuwuvekeu yeghilo xu aghikhani keno tipaqoye xu anikeu nguno thivekeu pavi kumsulu nani. Ni, Aqokitikhi MPEU no piqhiveake.”

AKUMLO 1:1

Ghuthu lakhiye timi chhitoi achekeu phughi Jerusalem ye kughukughaleivae! Ghuthu lakhiye ayeghiqhano gihu cheke, itehi liye chimemi toivae; Aphughiqo gholo akiqheu huye aquaxelo ikiqi ilovae.

AKUMLO 1:13

“Pano kunguuno ami puwuke, tipau mino ilolo pitiqhi. Pano ighenguno alichhe piqepe qhi ke eno ayeghi kudau isunheqhive. Tishi puzu pano iqhiveno ipelo atsala kupujulo sukutu auvepe.

AKUMLO 5:18

kughengu Zion toghiye piyighiveno yenguyelei kehu eno tungtughano tipau ixapinyi akeu katha iqho iqi anike.

EZEKEL 20:33

“Kuchouno niye Akughushu MPEU, xuakeu Lhou ke ino nongu piputovetsu anike iloghu kighide lono ino i-u kumto, ikuka kumtsu pesu ino nongu shou ayehpe nanike.

EZEKEL 20:34

Ino ikuka eno iloghu kighide nongu piye nani, tiye aghakhu khilehi nongu kuthole puwuve keno tilauno ino nongu xukumqono nongu sachile saghi keu lono piye nani.

EZEKEL 24:13

Jerusalem, okimthekumo kumlaqono oshipixivae. Ino pukaputsa othakimtheju akemu noye kitiqe pesu auvae. Noye iloghu kighide muqhamiqhiyi keu shimlano anani.

EZEKEL 24:8

Ajiye tilehi ino tishi anipeke, tipau kusuvemla kepu alo, aloghu ide amkhu lukepushi tipauno khuanike.”

EZEKEL 5:13

“Noye imlo kighide ngo ixukighide kumka kumtsu ithi nani tiye ino ighaqivemoke kutolo tishi nani. Kughono hipaqo kumtsu shini keno tileno nonguno ni, AMPEU no nongu vilo pikepi mutsumishei ithi nani, nongu mikuchokumo lo niye shishe aloghu ideve kepi ithi nani.

EZEKEL 6:12

Khunoqo putou ani keno kusukini shiuveno thive nani; akupunulo akeqono aghushi lono pithive nani; khunoqo puxupe aghini keno akhuava shi thi nani. Panonguye iloghu kighide kumugho pukepu shi nani.

EZEKEL 8:18

Ikemu panonguye iloghu kighide kumtsu pumasa nani. Niye panongu pheveni chemoke momu panongu jupe imlo iqiveni chemoke. Panonguno shiluke thaqhu ighamuku ilau khuini nani ikemu niye panoqo tsa initsumo nanike.”

DANIEL 9:12

Nilau eno nikusau lau kiu shiniepi keno tipau shive cheni. Nono Jerusalem aghime tsukeuhu hipa yeghiqhalo aphughi lakhimu titoi ithulu mphi.

ACHINE 26:28

tileno iloghu lono ino nongu shou akumou shinani eno itaghi nongu ghimepuye puzuu nguno alhoksa kutuu shi ghuthu tsuni kighishetsu nani.

ACHINE 26:31

ino nophughiqo xalepinivetsu nani, nonguno mllachekeu a kutsalevetsu eno nonguno aghashikeu ikhilutsumo nanike.

NAHUM 1:2

AMPEU ye aghichikupo Lhou ke; pano pa mujochile kemiqo ghime cheni. Pa loghu kighide lono pano tsuchile cheni.

ZEKHARIA 1:2

Aqokitikhi MPEU no Zekharia vilo timiqo lau ishi pilo pike, “Ni, AMPEU ye nopuasu lau ighono iloghu ideveke,

ZEKHARIA 1:6

Tungkupmi iqemiqo vechewo nongu puasuqo lau ino ahza tsu eno kutughukeu tsuke ikemu panonguno tipaqo phimoveke eno tipau jume aghime sholu ke. Tileno panonguno xachile ighino ni, Aqokitikhi MPEU no panonguno ithulu kuzupu shiakeu qhemi eno ino shinikeu shi kumsupuve keu shi panoqo ghimeqhi kepu panonguno kumsu chileluke.”

ZEKHARIA 7:14

Pasapagha toi ino panoqo jole pesu inaghami yeghilo auvepe. Ikehu aghakhu kivi hipauye kughukughalei keu-a shive eno khunomu tilehi kughunamove.”