JEREMIYA 44:22 - BAIBEL (BSI)

²² Ishi tsalalo ghi noyeghiye ixapinyi ani eno khuu nomu tipaulo achemoke. Tiye timino juighukeu-a shi ani eno timino musuini keulo tipau je peitha anike, kughengu AMPEU ye nongu kixikila lhoksa pepimhe ache keu xapuqhe khamlaveke.

Sumi Naga CL (Re-edited) Bible (BSI)

²² Ampeu ye nongu xine eno aphikümqhüpu kümlaqo jupe kutuu mlave. Tighenguno ishi kutolo no ghakhu ye pighive no ixapinyi eno müsüinivae.

JEREMIYA 44:22 Mawu Ofanana

BOTHUBO 19:13

kughengu ninguye hipa phughi puhavetsuni chenie. Timi hipaqo ngukube keu shishe AMPEU tovae eno AMPEU no Sodom kutsave penike nikujo puwuke.”

BOTHUBO 6:3

Tileno AMPEU no pi, “Inguaghaye timi lolo pulhapuju apemo nani, kughengu paye puhave kepu lhoxuke. Hinguno hilau panonguye ampe 120 nguno alau xupemoe.”

KUKAMI AKINIU 17:15

Panonguno pawu mijekutsu puloshoqhi shikeu hephove eno pano pikumsa ghutukeu ikhilumono peve. Panonguno ame kuhakeu asu-atu mllauve eno panongu pesu ame kukuhau shiuve eno sukumxa lo akeqo shiyeh khuayeh panonguno tiu papeuveno AMPEU zah kutsuqo hebidevetsu.

ISAIAH 1:24

Ike itehiye Akughushu AMPEU, Israil Lhou akuka kumtouno kiu piani keno tsaqui inilo: “Ino nongu ighumiqo shou amkhu luni eno hinguno hilauye nonguye ipunaqhimo nani.

ISAIAH 43:24

Nonguye ighenguno piti kumna kepu qhukeu shimphie momu nowu lhoxu tha pesu ighapiqi puamoe. Tipa zuqhulo nongu xine pesu iqa qhike; nonguno akumou shikeuno ingaqhi puanike.

ISAIAH 7:13

Isaya no khochile, “Tishiaye, O Akukau David polo kughukou, hi inilo! Oghenguno timi wu kheakulu muchhuqhikeu alomokutuaye, noye Alhou wu kheakulu muchhuqhi kulupu kesha?

JEREMIYA 15:6

Nowu timiqono ipeive nonguno ilau nongu zupo kughopuwo tsuke. Ike ino i-u chhopuwo nongu munuqhike kughengu niye iloghu ghasukeu lono ingaveke.

JEREMIYA 18:16

Panonguno hipau yeghi pesu jukichi kepu eno pulhapujulo jukimthipu shive tsuake. Tipau veche wuchekemi kumtsuno jukichipe kutuxoxoke. Panonguno akumzaqhiyi kelauno akutsu kunguke.

JEREMIYA 21:12

“Ni, AMPEU no piakeu inilo. Tsala kipetsulo kuchou xakutha shitsunikeu shilo. Timi khuno pishiqhiluve puzu itaghi qoda qhi pesu anikeno pishiqhiluve keu timi ulono pa susholuve tsulo. Nonguno tipau shimo aye, nonguno alhoksa shikeu huno ami pinhemlakeu toi iloghu kighide iqu auvepe nani.

JEREMIYA 23:2

Hiye AMPEU, Israil Lhou no pawu timiqo tuchomujo kepushi puachekemi ayehkipemi ghili pitsukeuke: “Nonguye iwu timiqo tuchomujo chemoe; nonguno panoqo haleve eno hapupoveke. Itehiye, nonguno alhoksa mlakeu ghenguno ino nongu ghimeqhi nani.

JEREMIYA 24:9

Ino kutsakungo keu lakhi pakutakeu panoqo shou sughikeulo ayeghiqhalo ashiayeh kutami kumtsuno thughuive nani. Timiqono panoqo thaigha nani eno panoqo pesu azukutunupu lakhi shinani, panoqo thakepu shi nani, eno ino panoqo halepuwu vekeqha kumtsulo panoqo je pesu musuinikeu lakhi shi peitha nani.

JEREMIYA 25:11

Hipau yeghiqha kumtsu ixapiniyi qhive nani eno jukichi kepu shive nani, acheaxulo akeu shiayehqoye ampe lhotsuni ghenguno Babilon kukau qe nani.

JEREMIYA 25:18

Jerusalem ngo Juda lo taun akeqo kumtsu eno tipaqolo kukami ngo sakiphemi akeqo pelo tipau shope nani, tishianguno tipaqoye kughu-kughalei timi kughunamove pe nani, akumsapu eno jukichi kepuke, tishianguno itehi kutolo timino panoqo je pesu musuinikeulo peithake.

JEREMIYA 25:38

AMPEU ye abongushuno pa tukiqhiveke toi pawu timiqo qhivae. Aghukishilo kumsa kimshipu ngo AMPEU loghu kighideno ayeghi pesu asayeqha kughulhovetsu ake.

JEREMIYA 26:6

Nonguno hebide auve aye ino Shilo lau kiu shikeno Achineki hipau shou shipuku nanike, ayeghiqhalo ashiayeh kumtsuno hipau phughi pesu musuinikeu lakhi shi-ghi peitha nanike.”

JEREMIYA 29:18

Ino aghukishi, akhuava eno kusukini pesu panoqo hakuqoni cheni, ayeghiqhalo ashiayeh akeqo kumtsuno tipau ithulukelo kichimamave nani. Khipaqhalo ino panoqo halepuwuni keno, panoqo shou kiu shivekeno tipaulo timiqono jukichive eno musave nani. Timino panoqo thaigha nani eno panongu je pesu musuini keu lakhi shi peitha nani.

JEREMIYA 29:19

Panoqo shou hipau shinani putsake kughengu ino panoqo lau iqemi, tungkupmi vechewo atsape puwu achekeu panonguno agholumoke. Panonguno initsumoke.

JEREMIYA 30:14

Olojipumi kumtsuno okumsumavae; panonguye kiumu nongu hijuni chemoke. Ino aghumi lakhi toi shipuzu nongu haqhike; nonguye mughachhoi keu lono ghimeqhike eno nongu lhoksaye kijeke.

JEREMIYA 34:22

Ino ahza tsunani eno panonguno aphughi hipaulo ideghi nani. Ino Juda lo taun akeqo pesu asayeqha khunomu xumlakeu toi shivetsu nani. Ni, AMPEU no piveake.”

JEREMIYA 4:4

Now puloshoqhi isasu shilo, niye nongu MPEU ke eno nonguye ikhipesu itsuvelo nongu Juda ngo Jerusalem lo akemiqo, nonguno tishimo napiaye nonguno axine shiveke ghenguno iloghuye ami toi iqu nani. Tipauno iqu nani eno khunomu tipau pinhemla nanike.”

JEREMIYA 42:18

“AMPEU, Israil Lhou no pianike, ‘Nonguno Ijip lo wuve aye Jerusalem lo akemiqo shou imlo kighide ngo iloghu lepukuke paphishi nongu shou ghi lepuku nani. Nonguye junike akuighupu shive nani; timino thaighakeu shi nongu peitha nani eno nongu je pesu musuini keulo peitha nani. Nonguye khilemu a-a hipau ithulu kithemove nani.’ ”

JEREMIYA 44:12

Ike Juda lo timi khijehi ghupe puanikeno eno panonguno Ijip lo wu puzu tilau auvenikeu shi pulo akhani keno, panoqo kumtsu kutsalekha kemo kela ino tsaqui jutsu nani. Panoqo kumtsu kijemi na kitilami namu aghukishilo momu akhuava lono Ijip lono thikhave nanike. Panongu junike kumsa kimshipu shi nani; timino panongu phimo ghi peitha nani eno panongu jeku ghi musuini keu shinani.

JEREMIYA 44:2

Aqokitikhi MPEU, Israil Lhou no pike, “Jerusalem ngo Juda lo taun akeqo kumtsu shou ino kutsaleve keu sughikeu nongu ampino ithuluve ake. Itehi kutolo tipaqoye ixa pinyi achephike eno khuumu tile ngomovae.

JEREMIYA 44:6

Tighenguno ino imlo kighide ngo iloghu pesu Juda lo taunqo shou eno Jerusalem laghilalo lepukuke eno ino tipaqo shou ami suvetsuke. Tipaqoye ixapinyi qhiveke eno jukumsapu shivetsu, ishi kutolo tishi anike.

JEREMIYA 48:9

Muab ghenguno akumona tuqu shope qhilo; tiye paikhavino kutsaleve nani. Tipaulo taunqoye ixapinyi qhive nani, eno khunomu tilehi itaghi xumove nani.”

JEREMIYA 5:9

Hikithipu ghenguno niye panoqo ghimeqhimoni kesha? eno ashiayeh hikithipu shou amukhu lumoni kesha?

EZEKEL 39:23

Ashiayeh kutamiqono ithi nanike, Israilmi halephe puwuvekeuye panonguno ishou axine shikeu ghengunoke. Ino panoqo launo tsughusu wuve eno panoqo ghumi pelo panoqo leluve eno aghushi lono panoqo pithivepeke.

EZEKEL 5:13

“Noye imlo kighide ngo ixukighide kumka kumtsu ithi nani tiye ino ighaqivemoke kutolo tishi nani. Kughono hipaqo kumtsu shini keno tileno nonguno ni, AMPEU no nongu vilo pikepi mutsumishei ithi nani, nongu mikuchokumo lo niye shishe aloghu ideve kepi ithi nani.

DANIEL 9:11

Israilmi kumtsu oyezah hephoveno nono kiu pikeno inimono tuchileve tsuke. Nino ozulo kuquvae, tighenguno oqeu Muse vechewo sughikeu yezah kiqi lono angsu nishou ighi ani.

DANIEL 9:12

Nilau eno nikusau lau kiu shiniepi keno tipau shive cheni. Nono Jerusalem aghime tsukeuhu hipa yeghiqhalo aphughi lakhimu titoi ithulu mphi.

AMUS 2:13

Jualo, itehiye ino nonguno ngo akeulo inadasuve nani eno nonguye akhokimishino qaqhikeshi igha su nani.

MALAKI 2:17

Nongu tsa kuzano AMPEU ye angaghaive apeke. Ikeghi nonguno ishi inijuke, “Ninguye kishi puzu pa ngaghaivepe kya?” Ishi pikeu lonoke: “Aqokitikhi MPEU ye alhoksa kumlami kumtsu akivi kepi kumsu cheni; kuchouno paye panoqo lau alokivishi acheni.” Momu ishi pikeu lonoke: “Alhou amikuchou kepi chekeu huye khile ani kya?”

Rommi 9:22

Tihutoi, Alhou no pa loghu pephepiye nishi kehu eno pa kuka kumto ithipeniye ali khipaqo shou pa loghu pepheno kutsaveniye kutopuani keno tipaqo lau kutuo kutuu ghi kheakulu shi cheni.