JEREMIYA 40:7 - BAIBEL (BSI)

⁷ Judami kijemi ngo ghushimi khamiye qhoi liqhipe tsuvekeu shimove. Babilon kukauno Gedaliya pesu aghakhulo Ahng shivepekeu eno tipa ghakhulo kumlhomi khijehi Babilon lo sawumono qhivekeno tipaqo shou ampiu shipe nike Gedaliya pichevekeu panonguno chiluve.

Sumi Naga CL (Re-edited) Bible (BSI)

⁷ Kughou aghakhu lo zatsümi eno panow timiqo no Babylon kükau no Ahikam nu Gedaliah pesü pano yeghi lo angh shi penike süsüve no Babylon kughu lo sawumo kemi kumlhomi jukütsü penike pichevae pi chilu keno,

JEREMIYA 40:7 Mawu Ofanana

KUKAMI AKINIU 25:12

Ikemu ighono kumlhomi kuchou, khunoqo anhemgha pighimo keno tipaqo likhi atsailu eno alulo mla penike ghenguno Juda lo qhive.

KUKAMI AKINIU 25:4

aphughi tupikiye hu kuboleve. Babilonmino aphughi homxa pesu ngo akemu ghushimi kumtsu putho lono pokhave. Panonguye akukau ghutu laghi khagho hechesu akupuwu kini kime puake lono tuxususu pokhave eno Jordan khila kudau pove.

JEREMIYA 39:10

Timi ighono kumlhomi, aki alu kuhakemiqo khamiye pano Juda ghakhulo qhive eno pano atsayilu ngo aluqo pesu panoqo tsuveke.

JEREMIYA 39:14

akukau kughaki kikhala lono isasu ighivepe. Panonguno Gedaliya pelo itucho hiju penikeu shi pa qholo iqhive. Paye Ahikam nuke eno Safan ye pasuke, ino akilo wo tolumoke kutolo pa pelo akivishi ihejupenikeu shike. Ikehu niye tilehi timiqo gholo auveke.

JEREMIYA 39:4

Titoi shivekeu akukau Zedekiya ngo pawu ghushimi qono ithulukeulo panonguye putho lono aphughi qhiveno pove nike pukaputsae. Panonguno akukau xali ghutu laghi kudauno cheve puzu aphughi putupuakeu jolha kini kikime kikha vechesu wuve eno Jordan khila kudau posu wuve.

JEREMIYA 39:9

Ashekhashi ahza kutsuu akijeu Nebuzaradan no aphughilo khunoqo qhipuaghi keno eno khunoqo pa lau poighive puzu pa gholo akeno tipaqo kumtsu kumtsa Babilon lo akughumi shipe nike sasu wuve.

JEREMIYA 41:1

Tipa mpe aqhi akutsuniulo, Nethaniya nu Ishmael pasuye Elishama ke eno paye kukami bolomi lakhi eno akukau wu akijeu atou gholo lakhike, pano pa gholo timi chighi sasu Gedaliya putsaniye Mizpa lo wu. Panongu kumtsu kumtsa aghulhu lakhi shiake lono,

JEREMIYA 41:10

Tipathiu pano akukau nongaqo ngo Mizpa lo timi akeqo, khunoqomi ahza kutsuu akijeu Nebuzaradan no Gedaliya pelo jukutsupeni keu shi qhipuaghi kemiqo kumtsu akughumi shivepe. Ishmael no tipaqo akughumi shi sasu Amun lughi kokutha kudau wuve.

JEREMIYA 41:11

Johanan ngo pa gholo aghushimi sakiphemi akeqo kumtsuno Ishmael no timi ghiqhikeu chiluve.

JEREMIYA 43:6

Kiptimi, totimi, itimi eno akukau nongaqo kumtsu sawuve. Ahzakutsuu akijeu Nebuzaradan no Gedaliya pelo jukutsu penike qhipua kemiqo kumtsu panonguno sawuve eno Baruk ikujo ghi panoqo gholo sawuve.

JEREMIYA 52:16

Ikemu Juda lo timi ighono kumlhomiqo khunono aki alu kuha keno tipaqoye pano qhive, eno pano tipaqo pelo atsayilu ngo alu chipe nikeu shivetsu.

EZEKEL 45:16

Aghakhulo akemi kumtsuno akumllagho hipaqo pesu Israil lo kukapuu lau pewuni.