JEREMIYA 4:19 - BAIBEL (BSI)

¹⁹ Imlo ghime! Imlo ghime! Niye puqhemlavae! Imlo! Imloye kukushi itha ani! Niye inaqhoi ngosumlake; Ino afuko ghugha chilu eno aghushi sutsa chilu ani.

Sumi Naga CL (Re-edited) Bible (BSI)

¹⁹ I mlo ghime, I mlo ghime, ni ye aküsü lono ihi ani! O I mlo ghuju! I mlo no kukushi itha ani; ni ye inaqhoi ngolu amoe kughengu aghükishi kütüghü keu fuko ghügha chilu ani.

JEREMIYA 4:19 Mawu Ofanana

BOTHUBO 49:6

Niye panonguno kuchughu akeulo sumoe; niye panongu kukuholo chhosumoe, kughengu panonguno axu ide kelo timi ghiqhie, eno panonguno zuphuzugha shi aniepi amshi tsu wu apukah love tsue.

KUKAMI AKINIU 4:19

Zulekhavi lono pano igha papu vilo pi, “Ikutsu suanie, Ikutsu su anie!” Apuno aqemi lakhi vilo ishipi, “Anu xapusu paza lau wolo.”

KUKAMI AKINIU 8:11

Tileno Elisha no ighono akumsapu gi xapusu Hazael gilo jupuku akelauye Hazael ye ighono kujove. Paikhavi lono Elisha ye anhezu ipeghi qauve.

LESHELE 103:1

O ingulho, AMPEU sheqhelo! Ilolo akeu kumtsuno pa kimtheje sheqhelo!

LESHELE 116:7

Imlo, mutotoilo ithakevilo, kughengu AMPEU ye ilau alo achenike.

LESHELE 119:136

Inhezuye aghoki toi qoiqighi ani, kughengu timino oyezah ghokulu shimoke.

LESHELE 119:53

Kixikilamino oyezah hexavekeu ino ithulukelo niye axuideve cheni.

LESHELE 146:1

AMPEU sheqhelo! AMPEU sheqhelo, ingulho!

LESHELE 16:2

Ino AMPEU vilo pi, “Noye iMPEU ke; onguno kutaulo ikivipu kuhae!

ISAIAH 15:5

Imlo lono Muab lau igha qahwu! Timi qoye Zoar taunlo ngo Eglat lo eno Shelishiya lo kuhapove. Khamiye qah susu Luhit laghi kudau iqhoke; khamino ighamuku amlo kusashi Horonaim kudau pokawuve.

ISAIAH 16:11

Niye Muab ghenguno amloksa shi ighake, Kir Heres ghenguno amlo kughuju shike.

ISAIAH 21:3

Kungunhetsu lono ino ithulu eno chilu keuno akuighupu eno sakutui keuno ichhitoivae, hiye totimi lakhino punu niaye su akeu kusu toike.

ISAIAH 21:4

Ikutsu hevulalai ani eno niye akumsano khokhoshi ani. Niye kijiliu shivepe nishi kutu ake ikemu tino kiumu sughimo puzu akuighupu likhike.

ISAIAH 22:4

Itehiye ilikhi qhivelo eno ipelo niwu timi khunoqo thivekeno tipaqo ghenguno kukhukimji shi qalu pelo. Ilokughuno tsunikeu kumsu kevilo.

JEREMIYA 13:17

Ikemu nonguno initsumo aye, Nongu qhekuza ghenguno ino kusuuno qa nani; Ino kukhu kimjishi qa nani eno inhezuno qoipeghi nani kughengu Alhou wu timiqoye akughumi shi sawuveni ake.

JEREMIYA 20:9

Ikemu kughono ino, “Niye AMPEU kumsumaveni eno paje lono khilemu pimoake,” ipini keno, otsa huno ami toi ilolo pitiqhi auve cheni. Ino pukaputsa otsa tipau tsuqupe auveniye shicheni, ikemu tipau suchilepe auvemlake.

JEREMIYA 23:9

Tungkupmi ghenguno: Imloye ipopinyivae eno niye khokhoshi itha anike. Niye shokumzumi lakhi toi ani, timi lakhi ajino vekughuzuve keu toivae. Hiye AMPEU ghengunoke, tiye pa kimthe tsaqo ghengunoke.

JEREMIYA 4:21

Khitotohi aghushi kulu akeu ivilo julo pi eno afuko ghugha inilo pikya?

JEREMIYA 4:5

Aghakhuqhalo afuko kuighalo! mutsumishei shi vekipighi asheshulo! Juda ngo Jerusalem lo akemi vilo aliwo kuptu phughilo polupenike pilo.

JEREMIYA 42:14

Moe, ninguye, Ijip yeghilo wuvenike, tilaye ninguno aghukishi ithumla nani, afuko ghugha chimla nani momu achuqupu kuhano akhuamzu shikeu kuha nani eno ninguye tilau acheuve nanike” ipi piaye,

JEREMIYA 49:2

Ikemu aphughi tou Raba lo akemiqo pelo aghukishi sutsa ino chilu penikeu ghuloki wocheni, ike tiye ixapinyi qhive nani eno tipaulo aphu akeqoye pitileqhive nani. Tipathiuno Israil no panoqo yeghi luvetsukemi launo pano yeghi luchileve nani.

JEREMIYA 50:22

Aghakhulo aghukishi sutsa chiluke eno tilau kutsalekeu kije shiani.

JEREMIYA 6:24

Jerusalem lo akemiqono pi, “Ninguno asutsa hu chiluvae eno ni uye inayi iqivae; ninguye totimino punu akelo toi amloksa ngo aghimeno nitshuluvae.

JEREMIYA 8:18

Imlo kusaye shipivimlae; niye amlo lono su ani.

JEREMIYA 8:21

Imlo itapinyive kughengu iwu timiqoye hethapinyiveke; Ino mloqah; amlo ghujuno itshuluvae.

JEREMIYA 9:1

Ikutsuye azukikhe lo akeu zu shi aghi keaye, eno inhethiye anhezu puki keaye, putho pucho iwu timi ghiqhivekeqo ghenguno igha qa ani cheke.

JEREMIYA 9:10

Ino pi, “Niye naghutoqo ghenguno mloqah eno aluza ghenguno anhezu pijinike, kughengu tipaqoye qhaive ake eno khunomu tipaqo kathasu izuwumove ake. Amshi ghugha khilemu chilumovae; aghau ngo tughashiqoye yewu khavae eno chekhavae.”

AKUMLO 1:16

‘Hi ghenguno ino qa ani eno inhethi lono anhezu qole ani. Khunomu ilokughuno tsu mlake, khunomu ishikumto mlae. Aghumino itheqhiluvae, iwu timiqoye kughu kughaleivae.’

AKUMLO 1:20

“O AMPEU, imlo ghujushi akeu jutsulo, imlo kusashi akeu jutsulo! Ino hebidekeu xine shike ghenguno imlo ipopinyive ake. Alaghilalo ghiqhile ani eno aki sholokuu ghi akithipu ani.

AKUMLO 2:11

Inhethiye qake launo anhebo khoyivae; ingulhoye kutakihi ani. Niwu timi kutsave keulo niye amlo ghime launo lhokutuvae. Aphughi laghilalo itimi ngo anga kughunuqoye thiqhi thiqhi anike.

DANIEL 4:19

Tilehi Danel pa je kutau ghi Belthashazar ipi kuche keuye akichiqhiyi kehu atsamu pimono thughuyi ngove. Akukau no pa vilo pi. “Belthashazar, asamo hipau eno pa kiqi pelo okichiqhiyi pekivilo.” Belthashazar no khochile, “Akiqheu, asamo eno pa kiqi pelo oghenguno kumono oghumi sala pumo lukeu shi aghi peniu.

DANIEL 7:15

Kungunhetsu ithulu keuno ipelo thughuive pe, shishe imlolo kupunaqhi awuve.

DANIEL 7:28

Ino yepe qhikeu hino ashekha. Niye akumsano ajimu kuha ketoi phalaive eno tipaqo kumtsu imlolo qhiluve.

DANIEL 8:27

Niye ighono imeveno atsala kutomo su awuve. Tithiu ida ithughi puzu akukauno ipulu puakeu kumla shinike ghenguno tipa alo wuve. Kungunhetsu ithulu keuhu shishe ivehu kughuzushi kiu kiqi kela muthano ngove.

AMUS 3:6

Aphughi lakhilo afuko kuyighakeulo timiqoye musa ichimoveni kesha? AMPEU no puwumo keloye aphughilo shikupsa ighini kesha?

HABAKUK 3:16

Ino hipau kumtsu chilu eno musa khokhoshi; akumsa lono imtsuno lalashi itha. Iphimpino inaiveke, eno ipukhuno aqhou kudauno kupuxaluveke. Alhou no ni leighikemiqo ghimeqhike ghuloki ighinikeu niye inaqhoi khe anani.

AKIKIHI 10:9

Nonguno noyeghilo aghu shi akelo afuko hipaqo ighano aghulo wuno noghumi nongu le ighi akeqo mujo chileno nolikhi no susholo pi akeu michike. Ni AMPEU nongu Lhou no nongu kuphuni eno nongu ghumi launo nongu xaluni.

Rommi 10:1

Ithikuzumiqo imlo kumtsuno pulochekeu eno Alhou vilo ino inikhu chekeuno niwu timi pelo xalu vepenishie!

1 Kor. 14:8

Timi khuno afuko kuyigha anikeno tipauno mutsumisheyi keu sutsa tsumoaye, aghu shinike ghenguno khuno kutoni kya?

Galatiami 4:19

Ino kimiyechekemi anuliqo, totimino apunu kusu suakeshi niye itaghi nongu lolo Khristo lhoaye gholumoke kutolo nongu ghenguno ino ime suani.

XAKUTHAMI 5:21

Kishon lo azu yimi ipeghikeu no panongu yipewu Kishon ghoki chhekide qowukeu lono. Ino akumto lono chewuni, azuu huni!