JEREMIYA 39:8 - BAIBEL (BSI)

⁸ Tishive puzu, Babilonmino akukau kighikiqo ngo timino achekeu ki pitileqhive tsu eno Jerusalem putupuakeu tule qhivetsu.

Sumi Naga CL (Re-edited) Bible (BSI)

⁸ Chaldeami no akükau ki eno timiqo ki pitive tsü, eno Jerusalem tupikiye ghi hepholeve tsü.

JEREMIYA 39:8 Mawu Ofanana

KUKAMI AKINIU 25:8

Babilon lo kukau Nebukadnezar no kakeu ampe chighi atokuu, aqhi apunguulo atsala akutsuniu lo akukau mijekutsuu eno pawu ghushimi shou azahkutsuu Nebuzaradan no Jerusalem lo iloghi.

YEKIKITHI AKINIU 36:19

Pano Achineki ngo aphughi pitilevetsu eno tipaqo gholo kukaki ngo tipaulo kinikulu ghi pitile kuqhavetsu eno aphughi puwupuakeu ghi kubolevetsu.

NEHEMIA 1:3

Panonguno ivilo pi, “Akuxu achilishi aghi puzu aghakhulo ideighi kulumiqo hu ighono aghime shi anie eno inaghami pano cheaxulo kuamiqono tha igha achenie eno Jerusalem kupuwu hu hexavae eno tile khaghoqo hu pitiveke lono ishi kutolo tishi aphie.”

LESHELE 79:7

Kughengu panonguno owu timi pithikhavetsuke; eno oyeghi shipusakhave tsuke.

ISAIAH 5:9

Aqokitikhi MPEU no tushoqhive keu ino chilupuani, “Aki kuloghi eno jukivi ki hipaqo kumtsu ixaveno kumsa shive nani.

JEREMIYA 17:27

Ikemu panonguye ighokulu shi masake eno Sabat ye akimthe tsala lakhi shi ikhilu masake. Tipa tsalaniye panonguye kiu khomu xapusu Jerusalem kikhaqo vechesu wumoni, kughengu panonguno tishiaye, ino Jerusalem kikhaqolo ami suvetsu nani. Amino Jerusalem lo akighikiqo pitileqhive nani eno khunomu tipau ghapinhemla nanike.”

JEREMIYA 21:10

Niye aphughi hipau qhitsumoveni keu shi ino kumsupuvae ikemu hipau kutsavenie. Hipauye Babilon kukau ulo suvetsu nani eno pano tipau ayeghilo pitileqhive nani. Ni, AMPEU no piqhiveake.”

JEREMIYA 32:29

eno ami pesu pitile nani. Panonguno tipau gholono aki kutau ghi pitile kuqha nani, timiqono aki kutsuqo lono Baal lau tsungquikeu ta pitikumna eno kutau lhouqo lau aji kumllagho leqhi tsukeu ghenguno imlo shikighideke.

JEREMIYA 34:2

AMPEU Israil Lhou no ivilo Juda lo akukau Zedekiya lau wuno pilo pike, “Ni, AMPEU no aphughi hipau Babilon kukau ulo suvetsuni cheni eno pano tipau pitileqhive nani.

JEREMIYA 34:22

Ino ahza tsunani eno panonguno aphughi hipaulo ideghi nani. Ino Juda lo taun akeqo pesu asayeqha khunomu xumlakeu toi shivetsu nani. Ni, AMPEU no piveake.”

JEREMIYA 37:10

Nonguno Babilon ghushimi kumtsu shou toluveno izavekemi likhi qhiveno panoqo phikilo azua dape aghive pe kepushi namu timi tipaqono itaghi ithughiveno aphughi hipau ayeghilo pitile qhivenikeu shiaphike.”

JEREMIYA 38:18

Ikemu nonguno qhoi liqhipe suvemoaye hipau phughiye Babilonmi lau tsuveni cheni eno panoqono hipau pitileve nani eno noye panoqo launo povemla nanike.”

JEREMIYA 5:10

Iwu timiqo tsayilu kutsavetsu penike ino aghumi puwu nani, ikemu tipaqo qhoyi kutsavepe monani. Alokaqo likhi xidive penike ino panoqo vilo pinani, kughengu aloka tipaqoye iwu kumoke.

JEREMIYA 7:20

Tighenguno ni, AMPEU Alhou no iloghu kighide Achineki hipau shou lepuku nani. Timi shou ngo lhoxuqo shou aphiphi shi ino tipau lepuku nani, eno asubo ngo axabo shou ghi lepuku nani. Iloghuye, timi khunomu pinhemla keu mi toi nani.

AKUMLO 1:10

Aghumino liwu kinikulu kumtsu suxalu khavae. Tipaqono Achineki alou iloghikeu ithuluke, tipa aye Ashiayeh kutami pelo iloni keu AMPEU no lakha puake.

AKUMLO 2:2

Kimiyekeu kuha puzu AMPEU no Juda lo aphu akeqo kutsaveke, eno aghakhu sushope akeu liwoqo tuleqhive. Akukaqha ngo tipaulo ayehkipemiqo shou pano kujomza kepu sughive.

AKUMLO 2:7

AMPEU no pawu akiptia peve eno pa kimthe chineki kughukughalei vetsu; Pano aghumi pelo tipau putukha keu hepholeqhive penike pulosuvetsu. Ghuthu lakhi lo nino alokivishi mlla che keualo aghumino huttiauve.

EZEKEL 16:41

Panonguno okiqo pitileve nani eno totimi muqo pelo oghimeqhive keu jupe nani. Nono salha shupu chekeu ino lakhave tsu nani eno nono olojipumi lau agho tsuchekeu lakhave nani.

EZEKEL 23:47

Aqokitikhi pelo atu pesu pama veqhipe eno azutakihi pesu pama lepelo pama tianuli pithivepe eno pama ki pitilevetsu pelo.

EZEKEL 33:21

Ni haphe puwuvekeu mipe chighi akiniu aqhi achighiu eno atsala apunguulo, timi lakhi Jerusalem kudauno pokaighi puzu ivilo aphughiye ikiqivea kepi pike.

AMUS 2:5

Tighenguno Juda shou ino ami suvetsu nani eno Jerusalem lo aliwo qogheqo pitilevetsu nani.”

MICAH 3:12

Tishiaye nongu ghenguno Zion ye aluqa toi hokideve nani, Jerusalem ye ixapinyi pesu kumqove nani eno Achineki toghiye aghasu ilhove nani.