JEREMIYA 37:10 - BAIBEL (BSI)

¹⁰ Nonguno Babilon ghushimi kumtsu shou toluveno izavekemi likhi qhiveno panoqo phikilo azua dape aghive pe kepushi namu timi tipaqono itaghi ithughiveno aphughi hipau ayeghilo pitile qhivenikeu shiaphike.”

Sumi Naga CL (Re-edited) Bible (BSI)

¹⁰ Nongu no Chaldeami ghüshimi no sasü aghüshi akemi qhoi leluve no izave kemi likhi aphiki lo qhive namu, panongu no ithughi no ami pesü mishighüna hipau pitive tsü nani.’”

JEREMIYA 37:10 Mawu Ofanana

ISAIAH 10:4

Nonuye aghukishi lono pithive nani momu akughumi shi sunhe sawuve nani. Tishimu AMPEU loghu ye kishekhavemo nani; ghimeqhinike pau chhopuwo ani aphike.

ISAIAH 13:15

Khukhumu kughaluve keuye qhuqhi pithive nani.

ISAIAH 14:19

ikemu noye akumoki kuhae eno osukumoye tsu muna peniaye vephevae. Osukumoye aghushilo ghushimi thivekeqo sukumono venhaluve, tipaqo gholono atuxulo aqohlo vesuve eno nedaqodave.

ISAIAH 30:17

Kughou nonguno aghumi ghushimi lakhi ithuluni keno nongu qhethonhe kutolono pove nani eno nongu kumtsu pelo koha povepe nike aghumi ghushimi pungu likhi lumkhake. Atoghilo amchiphi shopuakeu likhi thono nowu ghushimi lakhimu ghumove nani!

JEREMIYA 21:10

Niye aphughi hipau qhitsumoveni keu shi ino kumsupuvae ikemu hipau kutsavenie. Hipauye Babilon kukau ulo suvetsu nani eno pano tipau ayeghilo pitileqhive nani. Ni, AMPEU no piqhiveake.”

JEREMIYA 32:29

eno ami pesu pitile nani. Panonguno tipau gholono aki kutau ghi pitile kuqha nani, timiqono aki kutsuqo lono Baal lau tsungquikeu ta pitikumna eno kutau lhouqo lau aji kumllagho leqhi tsukeu ghenguno imlo shikighideke.

JEREMIYA 37:11

Babilon ghushimino Jerusalem lono shothi wove kughengu Ijipmi ghushimiqono kupunu cheakehu.

JEREMIYA 37:8

Tipathiuye Babilonmino ideighi nani, aphughi le nani eno tipau khasupe leluveno tipau pitileqhive nani.

JEREMIYA 49:20

Tighenguno Edom lo kuamiqo shou ino kughupe qhikeu eno Teman lo akemiqo pesu kiu kishiveniye kumsupu ani keno iniju khalo. Panoqo tianuli ghi sunhe sawuve nani eno timi kumtsuno thughuive nani.

JEREMIYA 50:45

Tighenguno Babilon phughi shou ino shinike kughu puakeu eno kiu qhemi lono tipaulo akemiqo shou shiniye kuto ani keno inijulo. Panoqo tianuli kutolo sunhe kiti sawuve nani eno kumtsu ghano kichimamave nani.

JEREMIYA 51:4

Panonguye izapu khaveno pano phughiqo laghila lono thi nanike.

AKUMLO 1:15

“AMPEU no iwu akumtomi ghushimi kumtsu junuqhi; Pano iwu lhothemiqo kutsa nike aghushimi kumzapu ishou kukumqo saghi, Atsayiji tsughuphe akeshi AMPEU no iwu timiqo qoda qhi.

JOYIL 2:11

AMPEU no pawu ghushimi vilo tsutsusu keshi ahza tsuke. Aghushimi pa gholukemi kumzapu eno akuka kughushuke. AMPEU tsala kiutoi akuighupu kela! khuuno tipaulo xu kulupu kya?