JEREMIYA 34:22 - BAIBEL (BSI)

²² Ino ahza tsunani eno panonguno aphughi hipaulo ideghi nani. Ino Juda lo taun akeqo pesu asayeqha khunomu xumlakeu toi shivetsu nani. Ni, AMPEU no piveake.”

Sumi Naga CL (Re-edited) Bible (BSI)

²² Julo, Ampeu no sheshu, I no azah tsüno panongu sasü mishighüna hipau lo ighi nani. Panongu no mishighüna sasü aghüshi nani eno ami no pitive tsü nani. I no Judah mishighünaqo pighive tsüno timi küghüna movepe nani.”

JEREMIYA 34:22 Mawu Ofanana

SAMUEL AKINIU 16:11

David no Abishai ngo pa qholo kijemi kumtsu vilo pi, “Inu kuchou thotsu iheqhiveniye pukaputsa ani; tishi aye noye kushiye ti Benjamin lagha shou akumza anikya? AMPEU no ghusho penike pa vilo pivae; tighenguno pa kishishi apelo eno papelo tishi apelo.

KUKAMI AKINIU 25:6

Zedekia sasu akukau Nebukadnezar khuu Ribla phughilo ngo akeno tilau sawuve eno tileno Nebukadnezar no pa shou atsakugha.

KUKAMI AKINIU 25:9

Pano Jerusalem lo Achineki, akukaki eno timi atomiqono ngochekeu ki kumtsu pitikhavetsu,

YEKIKITHI AKINIU 36:17

Tighenguno AMPEU no Babilon kukau saghi puzu panoqo levepe. Akukauno Juda lo lhothemi kiptimiqo Achineki lo aghinamu heqhi pithive tsu. Paye lhothemi, kitemi, kiptimi, totimi, kusukinimi momu viakemi milakhi shou pimu kimiyeqhiyi keu shimoke. Alhou no panoqo kumtsu pa ulo suvetsu.

ISAIAH 13:3

AMPEU ampino pawu aqhekuza eno alikhi apukhu chekemi ghushimi kusasu akimthe ghushi shipuzu pamlo shikighide kemiqo ghimeqhini.

ISAIAH 24:12

Aphughiye ixapinyi ani eno tipau liwo kikhaye ipopinyivae.

ISAIAH 37:26

“Ado kushuwa lono ino hipaqo kughupe puachekeu noye khilemu chimla kesha? Itehino ino tipau shiwo chenike. Ino opelo aliwo putu puaghikeu phughiqo pesu munomugho muqo shivetsu penikeu kuka otsuke.

ISAIAH 6:11

Ikelo ino iniju, “AMPEU , Khitotohi hitoi shia nani kya?” Pano khochile, “Aphughiqo ixapinyive eno kumsa shivemoke kutolo, akiqolo kughunamoveke kutolo, aluza ghi kughukughaleyive moke kutolo.

ISAIAH 64:10

Okimthe phughiqoye asayeqha toike; Jerusalem ye ixapinyi kughukughaleyivae,

JEREMIYA 2:15

Panonguno abongushu toi pa shou ighapuku, panonguno pa yeghi pesu asayeqha shivetsu, pa phughiqoye ixapiniyi ani eno qhoyi qhivae.

JEREMIYA 32:29

eno ami pesu pitile nani. Panonguno tipau gholono aki kutau ghi pitile kuqha nani, timiqono aki kutsuqo lono Baal lau tsungquikeu ta pitikumna eno kutau lhouqo lau aji kumllagho leqhi tsukeu ghenguno imlo shikighideke.

JEREMIYA 33:10

AMPEU no pi, “Timiqono piakeuye a-a hipauye asayeqha toike, tipaulo timi kuhae momu tipaulo tughashi lhoxu ngomovae. Panonguno piakeu tiye achipike; Juda lo taunqo eno Jerusalem laghilaqoye yenguyeleivae; timi mu lhoxuqomu tilehi kuha. Ikemu a-a hipaqolo nonguno itaghi

JEREMIYA 34:2

AMPEU Israil Lhou no ivilo Juda lo akukau Zedekiya lau wuno pilo pike, “Ni, AMPEU no aphughi hipau Babilon kukau ulo suvetsuni cheni eno pano tipau pitileqhive nani.

JEREMIYA 38:23

Ino highi pikuphake, “Owu totimi ngo atianuli kumtsu Babilonmi lau saipeve nani eno no ampi ghi panoqo launo povemla nani. Noye Babilon kukauno akughumi shi sawuve nani eno hipau phughiye ayeghi kutolo pitileqhive nani.”

JEREMIYA 39:8

Tishive puzu, Babilonmino akukau kighikiqo ngo timino achekeu ki pitileqhive tsu eno Jerusalem putupuakeu tule qhivetsu.

JEREMIYA 4:7

Abongushuno pa kughutshua lono cheke toi, ashiayeh kukutsau lakhi chevae. Paye Juda kutsanike cheni. Juda lo aphughiqoye ixapiniyi qhive nani eno tipaqolo khumu kughuna move nani.

JEREMIYA 44:22

Ishi tsalalo ghi noyeghiye ixapinyi ani eno khuu nomu tipaulo achemoke. Tiye timino juighukeu-a shi ani eno timino musuini keulo tipau je peitha anike, kughengu AMPEU ye nongu kixikila lhoksa pepimhe ache keu xapuqhe khamlaveke.

JEREMIYA 50:13

Imlo kighide ghenguno milakhimu Babilon lo ngomove nani; hiye ixapinyi qhive nani eno tipau vechewu chekemi kumtsuno thughui eno akumzaqhiyive nani.

JEREMIYA 52:13

Jerusalem lo pano Achineki ngo Akukau kighiki eno timi akhotomiqo ki kumtsu pitilevetsu;

JEREMIYA 52:7

aphughi putupuakeu tuxu ipeke. Babilonmi no aphughi suhupe aepinamu, putho lono ghushimiye kumtsu polukhave. Panonguye kukami ghutu akeu lalono cheve puzu putupuakeu jolha kini kikime kikha laghi vechesu wuve eno Jordan bokhu kudau kohapove.

JEREMIYA 9:11

AMPEU no pi, “Ino Jerusalem pesu ixapinyi kumqove nani, sherqo kungo-a shitsuni; Juda lo aphughiqoye asayeqha shive nani timi khunomu ngomovekeu-a shive nani.”

AKUMLO 1:1

Ghuthu lakhiye timi chhitoi achekeu phughi Jerusalem ye kughukughaleivae! Ghuthu lakhiye ayeghiqhano gihu cheke, itehi liye chimemi toivae; Aphughiqo gholo akiqheu huye aquaxelo ikiqi ilovae.

EZEKEL 13:22

“Nonguno nongu kimki pesu kivimi khunoqo ino ghuza nishimono achekeqo mlo shikumkave tsuchenike. Nonguno alhoksami pelo pano lhoksa pheve penikeu lakha cheni eno pano kuxu xaluve nikeu lakha cheni.

AMUS 3:6

Aphughi lakhilo afuko kuyighakeulo timiqoye musa ichimoveni kesha? AMPEU no puwumo keloye aphughilo shikupsa ighini kesha?

MICAH 7:13

Ikemu ayeghiye tilehi xuakemiqono kusakugha shi xukeu ghenguno asayeqha ilhouve nani.

ZEKHARIA 1:12

Tileno kungumino pi, “Aqokitikhi MPEU, noye Jerusalem ngo Juda lo aphughiqo shou aloghu idekeu hi ampe lhotsuni shivae. Noye panoqo lau kimiye qhiyinikeu ado khitotohi luani aphi kya?”

ZEKHARIA 7:14

Pasapagha toi ino panoqo jole pesu inaghami yeghilo auvepe. Ikehu aghakhu kivi hipauye kughukughalei keu-a shive eno khunomu tilehi kughunamove.”

MATTHEW 22:7

Akukauno axuideveno pawu ghushimi puwu puzu hekiqhimiqo pithive eno panoqo phughi pitivetsu.