JEREMIYA 33:9 - BAIBEL (BSI)

⁹ Jerusalem ye ilau alokivi, agigihupu eno akijivilo kepu puki shive nani; eno ino Jerusalem lo akemi qo lau akivipu jeliqo shikeu ngo aphughilo ino kinikulu shilupekeu ayeghiqhalo ashiayeh kumtsuno chilu puzu panonguye musa ighuve nani.”

Sumi Naga CL (Re-edited) Bible (BSI)

⁹ Mishighüna hipau no ayeghi lo shiye khunono I no akivi mlakeu sütsa chilu cheni keno, kümtsü zülo alokivi, ajekipi, shekiqhe eno agigihu pesü I tsü nani. Tipaqo no msa khokhoshi nani, kughengu I no akivi eno küakini pesü aphughi kümghatsü nani kehue.

JEREMIYA 33:9 Mawu Ofanana

YEKIKITHI AKINIU 20:29

Ashiayeh khijehino AMPEU no Israilmi ghumi shou toluvetsu keu sutsa chilu keno tipaqoye kichi mamaive,

NEHEMIA 6:16

Kughou ashiayeh ni hokumxalo kuami nighumiqono ti chilu keno panonguye kujove kughengu akumla huye Alhou kukuphu lono mlave kepi panonguno ithive.

ESTHER 8:17

Akukau yezah ayeghiqha eno aphughilo ighikeu kumtsulo Judamino alokivino chhitoive eno kuchukusho shi pinyi eno thhe auve. Aghakhulo xu akemi Juda kumomi kutomo no Judami msa akehu panongu ghi Judamike piuve.

LESHELE 130:4

Ikemu nono ni kipimi qhivetsu, ikehu ninguye ojupe akumzaqhiyi puthugho anike.

LESHELE 40:3

Pano ale kithe phenikeu ikutsupiye niLhou sheqhe nikeu le. Timi kutomono ti ithulu puzu ighuve eno AMPEU lau pukhube keu shiwuve cheni.

ISAIAH 43:21

Isala ghenguno panonguye ino lhophe puakeqo timike, panonguno isheqhe shipili nani!’

ISAIAH 55:13

Itehi khile ashuyesahu ani keno Kuprasubo thu ipeghi nani; asahubo akeu-alo martil subo ipeghi nani. Hipau michipuno alhokupujulo ache nani, ni, AMPEU no kiu shikeno tipau kumsuchilelu apeniyeke.”

ISAIAH 60:5

Nonguno tipau ithuluno alokivino chhitoilu nani; nonguye ngosumla kelauno thuthushi nani. Ashiayeh kutamiqo wu kinikulu nongu lau sughi nani; Azughi tuxa kudauno panoqo kini ighi nani.

ISAIAH 62:1

Jerusalem shikumto kepushi ino pia nani; Li xaluvemoke kutolo eno lino toluvekeu huno putholo ayeghukulu toi vuqai moke kutolo niye inaqhoimo nani!

ISAIAH 62:12

Nonguye, “Alhou wu Akimthemi Timiqo” ipi ku nani, “AMPEU no Xaluvekeu Timiqo,” ipi nani. Jerusalem ye “Alhou no Kimiye chekeu Phughi” ipi ku nani, “Alhou no Qhivemokeu Phughi” ipi nani.

ISAIAH 62:4

Hinguno hilau noye “Qhiveake” ipi ovilo pimo nani, Momu noyeghi pesu “Jumuvekeu Nipu” ipimo nani. Oje akitheu pesu “Alhou ye li lau amloqi cheni,” ipi nani. Noyeghi pesu “Alokivishi Kutunaluve” ipi nani, kughengu AMPEU no olau amloqi ani eno pano noyeghi shou akimi lakhi toi shinani.

ISAIAH 62:7

Pano Jerusalem tsuchilemoke kutolo panonguye pa pelo ngovepe kepu kumoe, eno ayeghiqha kumtsuno sheqhekeu phughi shipe kepue.

ISAIAH 64:2

Tipanoqoye ami kushu shou azu muqho akeshi itha nani. Ighilo eno oghumi lau okuka pephepiyelo eno ozulo ashiayehqo pelo khokhoshi musave pelo!

JEREMIYA 13:11

Chhekhaphino achita lo tsu-tsu khapulu keshi Israil ngo Juda lo akemi pelo ilau tsuqukhoilu peni shikeu kumsupu ake. Ino hipau shikeuye panonguye iwu timi shiche peni eno akishe agigihu ilau sughi peniyeke, ikemu panonguno igholumoke.”

JEREMIYA 16:19

AMPEU, nono isusho chekeuke eno akumto itsu cheni; shiluksa do ghulokilo nono ikuphuke. Ayeghi shekha kudauno ashiayehqono olau ighino pi nani, “Nipuasuqoye kichile lhouqo kumoaye kiumu kuhake, avehu kuhakeu asu atu julho thono kiumu kuhake.

JEREMIYA 24:6

Ino panoqo jukutope khe anani eno hipau ghakhulo panoqo sachile saghi nani. Ino panoqo shiqhepuku nani eno panoqo suthapiniyivemo nani; ino panoqo shosu nani eno panoqoye nhuvemo nani.

JEREMIYA 26:6

Nonguno hebide auve aye ino Shilo lau kiu shikeno Achineki hipau shou shipuku nanike, ayeghiqhalo ashiayeh kumtsuno hipau phughi pesu musuinikeu lakhi shi-ghi peitha nanike.”

JEREMIYA 29:1

Ino achinemi, tungkupmi, sakiphemi eno kutami khunoqo Nebukadnezar no Jerusalem lono Babilon lo akughumi shi kughasawuve keno tipaqo lau yekili lakhi puwu.

JEREMIYA 3:17

Kughono tipa tsala ighini keno Jerusalem ye ‘AMPEU kuka lakhu’ ipi kunani, eno ashiayeh kumtsu imllanike tilehi kumqo nani. Panonguye pano mlo lhoksa eno kuthovi keu mlono panoqo vilo pikeu shikide kithe move nani.

JEREMIYA 3:19

AMPEU no pi, “Israil, niye opesu inu shipenishike eno ayeghi kivi otsunishi ani, ayeghiqhalo ayeghi jukiviuke. Niye opelo apuh kepi iku penishike eno ilauno khilemu tsughusu wuve penishimoke.

JEREMIYA 31:14

Ino achuqupu kinikulu pesu achinemi shepichhitsu nani, eno iwu timiqono avehupu shiakeu kumtsu ghapiqitsu nani. Ni, AMPEU no piveake.”

JEREMIYA 31:4

Itaghi ino nongu xaqhepuku kithe nani. Itaghi nonguno amuqu lebo ikhilu puzu alokivi launo ilhe nani.

JEREMIYA 32:42

“Ino timi hipaqo shou kutsakungokeu hipau sughikeu kiqi lono ino thime kivi kumtsu tushoqhipua keu pesu panoqo tsuni cheni.

JEREMIYA 33:14

AMPEU no pi, “Ino Israil ngo Juda lo akemiqo lau tushokiqhi shipuakeu shikuputsu nikeu ghuloki cheni.

JEREMIYA 4:2

nonguye ije pesu tushoqhi nikeu achipike. Tishiaye ashiayeh kumtsuno panoqo kumghatsu penike ivilo iniju nani eno panonguno isheqhe nani.”

JEREMIYA 44:8

Nonguye kushiye hilau Ijip lo acheuveniye ighivekeu-alo kutau lhouqo lau lhoxu heqhi mlla ani eno asu-atu julho mlla puzu imlo shikighide ani kya? Nonguno nolikhi nongu kutsaleveniye hipau shi ani kesha? Tishianguno ayeghilo ashiayeh kumtsu nongu phimo ghi peitha eno musuinikeulo nongu je peithapeni kesha?

JEREMIYA 49:25

Alovi achekeu phughi ajekipiu huye qhoi piyighivae.

EZEKEL 26:20

Ino kithimi yeghilo opiqive nani, khaghi ghulokilo xuachekemi gholo acheuve peni. Ino opelo oqhou achekeu yeghiqhalo ixapiniyive keqo gholo ngope nani, kithimi sasu kumtsa amuqo shipe nani. Tishive keulo noye khilemu kughuna kithemo nani eno kuxumi yeghilo o-a kuha nani.

EZEKEL 36:35

Ayeghi hipau atughuloye aghasa keloye kishi puzu itehiye Eden Ghutu kimihi shiluvea eno aphughi hipaqo puzuuye tuleqhive, xulepuwuve eno ixapinyi qhive keno itehiye kughunauve eno aliwono putukhave akelapi timi kumtsuno pi nani.

EZEKEL 39:13

Aghakhulo akemi kumtsuno tipaqo kumo qhokeulo kuphutsu nani eno panonguye hipau ghenguno ino tolukeu tsalalo gihukeu shi nani.

HOSIYA 3:5

Tithiuno Israil lo akemiqono AMPEU panoqo Lhou lau eno panoqo kukau David laghami lau xaideghi kithe nani. Tithiuno panonguno AMPEU sumsa nani eno pa gho kivi ikhilu kepu shi nani.

ZEKHARIA 1:17

Kungumino ivilo highi pesu asheshulo pike: “Aqokitikhi MPEU no pike pa phughiqoye itaghi kinikulu shive nani eno pano itaghi Jerusalem kuphu kithe eno aphughi huye pawu kepi pukhaluve nani.”

ZEKHARIA 12:2

“Ino Jerusalem pesu aji jukhu lakhi toi shitsuni; eno ashiayeh kutami li sukumxalo akeqono yepusu shokumzumi toi hevulalai nani. Kughou panonguno Jerusalem khasuluve nikeno Juda lo aphughi kutau akeqo ghi khasuluve nani.

ZAKINIU 30:5

tishianguno nongu puasuno khilehi ache keno tipau yeghi itaghi amheghi shi pighiluve nani. Pano nopuasu nguno alaushi nongu pelo kinikulu shilupe no timi kumzapu shilupe nanike.