JEREMIYA 33:26 - BAIBEL (BSI)

²⁶ niye Jakob laghami ngo Iqeu David peve nike eno David laghami lakhi kishe pesu Abraham ngo Isak eno Jakob laghami shou ayehpe pemoni cheke. Ikemu iwu timiqo shou ino kimiye qhiyi nani eno itaghi panoqoye kinikulu shipe nani.”

Sumi Naga CL (Re-edited) Bible (BSI)

²⁶ Ni ye Jacob tikughukomi eno I qeu David ngo pa tikughuko lo timi lakhi kishepe Abraham, Isaac eno Jacob tikughuko shou yepeu shipemoni cheke. Kughengu I no pano kinigha tsüchile no panongu shou kimiyeqhiyi nani.”

JEREMIYA 33:26 Mawu Ofanana

BOTHUBO 49:10

Akukau kusu ye Juda phemoe, eno pa pukhuno tsape ke; Tipau mipeu shikuzuu ighieno timi kumtsu shou ayeh pemoke kuto pa kuka pe anani.

EZRA 2:1

Akukau Nebukadnezar no akughulo sasu Babilon lo wuvekemi Judami hipaqo Juda eno Jerusalem yeghilo ide ighi.

EZRA 2:70

Achinemi, Levi laghaqo, eno timi khamiye Jerusalem hokumxalo ngove eno alekiphemi, ahukikha khemi, achineki lo kumlami eno Israilmi kutamino pano phughilo idewo ngo khave.

LESHELE 126:1

Kughou AMPEU no Jerusalem lo ni sachile saighi keno tiye asamo lakhi toike!

ISAIAH 14:1

AMPEU no pawu timi Israilmi shou itaghi kimiye qhiyikeu anani eno itaghi panongu kishelu nani. Panoqo pelo itaghi pano yeghilo kughunalupe nani eno inaghamino ighi puzu panoqo gholo kughuna nani.

ISAIAH 54:8

Atuqhudo lakhi ghengu likhi imlo ideye niye tsughu su wuveke, ikemu alhokupuju ghenguno ino kikimiye opiye nanike,” ipi AMPEU oxalukeuno pianike.

JEREMIYA 3:12

Pano ivilo wuno Israil vilo pilo pike, “Amikucho kumou Israil, ilau ideighilo. Niye kimiyekinike eno amlo idemo nani; niye alhokupuju oshou amlo idemo nanike.

JEREMIYA 31:20

“Israil noye inu ino qhuchekeuke, ino kumtsu nguno kimiyekeu nuke. Kughokughomu ino oje ku kelo, kimiyeqhiyi okumsuluke. Imloye okudau acheni; niye okupuqhiyi nani.

JEREMIYA 31:35

Puchou tsalalo akuvu ghenguno AMPEU no tsukinhe kutotsuke, putholo vuqai penike aqhi ngo ayepuqo tsuke. Pano azughi xukutho puthuke eno tipau igha chenipeke; pa jeye Aqokitikhi MPEU ke.

JEREMIYA 31:37

Atsutsu kunguu akeu mighiwo toluve aye eno ayeghi boqhaqo phuphekhaluve aye, tilehi likhino AMPEU no pawu timiqo peveni cheni, tiye panonguno mlavekeu kumtsu ghenguno. AMPEU no piqhivae.

JEREMIYA 33:24

“Timiqono hishi pi akeuno ino Israil ngo Juda pama, hi akibo kini kisheluve keu pamaye ino pevea kepi timiqono kishi piani keno nonguye ithiama? Ikehu panonguno iwu timiqo shou mithi keu lono jupuku cheni eno panonguye ashiayeh lakhi kepi kihi chemoke.

EZEKEL 39:25

Akughushu MPEU no pike, “Ikemu itehiye ino Jakob laghami Israil lo akemiqo shou kupuqhiyi nani, eno panoqo itaghi kinikulu shitsu nani. Ino ije kimthe susho nani.

HOSIYA 1:7

Ikemu Juda lo akemiqo lau ino kikimiye tsu nani. Ni, AMPEU panoqo Lhou no panoqo xalu nani ikemu niye aghukishi momu azutakihi momu asuzu eno apiji momu khurshi eno khurshi shou ikukemi pesu tipau shini chemoe.”

HOSIYA 2:23

Ino aghakhulo iwu timiqo qhiwo nani eno panoqo kinikulu shitsu nani. Khunoqo vilo “Kimiyemoke” ipiche keno tipaqo lau ino kikimiye piye nani, eno “Iwu Timiqo Kumoe” ipiche kemiqo vilo, Ino ishi pinani, “Nonguye iwu timiqoke” eno panonguno, “Noye niLhouke” ipi khochile nani.

ZEKHARIA 10:6

“Ino Juda lo achekemi shikumto nani; ino Israil lo achekemi hakholuve nani. Ino panoqo shou imlo ighiqhiyikeu anani eno panoqo kumtsu pano ghakhulo sachile saghi nani. Panonguye ino khilemu panoqo pevemoke toive nani. Ino panoqo Lhou AMPEU ke; ino panoqo kighini khochile tsu nani.

Rommi 11:32

Kughengu Alhou no timi kumtsu pesu aghokulukumolo akughumi shivepe, tishianguno kumtsu shou qhuivulayi keu piyeniyeke.