JEREMIYA 33:16 - BAIBEL (BSI)

¹⁶ Juda ngo Jerusalem lo akemiqoye xapheluve nani eno sushokululo xulu nani. Aphughiye ‘AMPEU no Ni Xakulu-u’ ipi ku nani.

Sumi Naga CL (Re-edited) Bible (BSI)

¹⁶ Tipa tsala lo Judah ye xaluve nani, eno Jerusalem ye sükusho lono xülu nani. Aje hipau pe ishi ku nani: ‘Ampeu ye ni chipiu mikuchoe.’

JEREMIYA 33:16 Mawu Ofanana

ISAIAH 45:17

Ikemu Israil ye AMPEU no xaluke, eno liwu tokuluye alhokupujulo ache nani; liwu timiqoye khilemu kujo mza vepemo nani.’ ”

ISAIAH 45:22

“Ilau xaideghilo eno xaluve pelo, ayeghiqhalo timi akeqo! Ilikhino Alhou ke, kutami kuhae.

JEREMIYA 23:5

AMPEU no pi, “Akukau shipe nike David tikughuko lomi amikuchomi lakhi ino kishelu nikeu ghuloki wocheni. Akukau tipauye alokutsushi eno kiuno achipiu akuzupu keno tipau aghakhu qhachho ayehpe nani.

JEREMIYA 23:6

Kughou pano akukau shini keno Juda lo akemiqoye sushokulushi anani eno Israil lo akemiqoye iqughai xulu nani. Pa pesu ‘AMPEU ye Ni Xakuluu ke’ ipi ku nani.”

JEREMIYA 30:10

“Iwu timiqo, musa kevilo; Israil lo akemiqo, musa ichhive kevilo. Nonguno putosuu akughushi achekeu yeghi kudauno ino nongu xaphe saghi nani. Nonguye noghakhulo ideighi nani eno alokughuno shi xu nani; Nonguye sushokululo anani eno khunomu nongu shikumsamo nani.”

JEREMIYA 32:37

Ino iloghu kighide lono ayeghiqha khilehi panoqo hale puwuve keno tikudauno timiqo hekutsuni cheni eno hipa-alo panoqo sachile saghini cheni eno kiunomu kupuna pemono panoqoye hile kughuna peni cheni.

JEREMIYA 50:7

Panoqo ju ithulu kemi kumtsuno panongu haleqhike. Panoqo ghumino pi, ‘Panonguno AMPEU shou axine shike ike ninguno panoqo shou kiu shikeno tiye achipikumo keu kumoe. Pano puasuqoye AMPEU pukhupe xucheke eno panongu ghi pa lau amikucho shi ache kepushi ake!’

EZEKEL 28:26

Panonguno kiumu kupunamono xulu nani. Panonguno aki shisu eno atsayilu chisu nani. Pano cheaxulo kuami khunoqono panoqo thaigha chekeno ino tipaqo ghimeqhi nani, Israil ye sukusho qholo anani. Tileno niye panoqo Lhou AMPEU kepi panonguno ithi nani.”

EZEKEL 38:8

Ampe kutomo thiu ino ahza pa tsu puzu aghakhu lakhi lewupe nani. Tipau ghakhulo timiqoye ashiayeh kutamiqo launo kumqo saghi puzu aghukishi musamono xuache keqoke. Pano Israil naghuto leighi nani tipaqoye ado kushuwa piyighive eno kughukughaleive ke, ikemu itehi timiqoye tilehi sushokulu shi kughunaluve ake.

EZEKEL 48:35

Aphughi puwupuakeu atupikiye ako bidi kujolo akushu lau khitohi keno pekuqhaju keulo tiye miter 9,000 ke. Hinguno hilau aphughi tipau jeye “AMPEU ye hile ani!”

DANIEL 9:7

No, AMPEU ye kiuno achipi keno tipau alhokuthu shicheni, ikemu pulhapuju nino nilikhi nishou akukujopu sughi cheni. Hipau tsaye ningu kumtsu ghenguno achipike, khunoqo Juda lo Jerusalem lono Israilmi nono ayeghiqha kumtsu apanagha hapiyepighi vetsu keno tipau huye panonguno ogho lumo keghenguno ke.

Rommi 11:26

Ikehu Israilmi kumtsu xaluve nani, kuchoyesulo pipuakeu toi: “Zion lono xakuluu ighi nani Pano Jakob polo kughukomi launo kusakugha kumtsu haphevetsu nani.

1 Kor. 1:30

Alhou no nongu pelo Jisu Khristo sasu kimelupe, eno Alhou no Khristo pesu ningu wu suqekighithi shitsue; pa vechewo Alhou sasu achipi shiaghilupe, eno Alhou timiqo shilupe, eno ningu xaphetsuke.

2 Kor. 5:21

Khristo ye axine kuhae, ikemu Alhou no pa pesu axine kughulhovetsu, tishianguno pa gholo kuqhape akeu lono ninguye Alhou mikucho kusajelupeniye ke.

ZAKINIU 33:12

Benjamin lagha ghili pano pitsu: “Alagha hipauye AMPEU no qhuivu eno susho cheni; Pano atsala kupujulo panoqo khekuto cheni, panoqo mtalo pano ngo acheni.”

ZAKINIU 33:28

Tighenguno Jakob polo kughukomiye iqughai xulu cheni, athi eno atsasyi-ji chhitoi akeu yeghilo ithamo, tipau loye atsutsulo atsuzuno ayeghi putsatsu cheni.

FILIPIAMI 3:9

eno pa gholo kuqhaluve niyeke. Ayezah papelukeu lono ilikhi iwu shilukeu mikucho pumono Khristo shou akupulu bekeu vechewo amikucho shilukeu anike, tiye Alhou launo ighikeu mikucho akupulu shou bepe akeuke.

2 Peter 1:1

Jisu Khristo qeu eno apostol Simon Pitor launo niLhou eno niXakuluu Jisu Khristo mikucho vechewo nigholo akupulu aqhemishi ithuluvekemi lau yelu ani.