JEREMIYA 33:14 - BAIBEL (BSI)

¹⁴ AMPEU no pi, “Ino Israil ngo Juda lo akemiqo lau tushokiqhi shipuakeu shikuputsu nikeu ghuloki cheni.

Sumi Naga CL (Re-edited) Bible (BSI)

¹⁴ “Julo, Ampeu no asheshu, I no Israel ngo Judah kibo lau tushoqhi püakeu shikupuni keu tsala cheni.

JEREMIYA 33:14 Mawu Ofanana

BOTHUBO 22:18

Ayeghiqhalo ashiayeh kumtsuno ino oti kughuko kumghavetsu ke toi kumghatsulo pi nani eno tiye nono igholu keu ghenguno ke!”

BOTHUBO 49:10

Akukau kusu ye Juda phemoe, eno pa pukhuno tsape ke; Tipau mipeu shikuzuu ighieno timi kumtsu shou ayeh pemoke kuto pa kuka pe anani.

ISAIAH 7:14

Tighenguno AMPEU ampino amchipu lakhi otsuni: ilimi lhothe mishipu akeuno anu lakhi punu nani eno pa je Immanuel kutsu nani.

JEREMIYA 23:5

AMPEU no pi, “Akukau shipe nike David tikughuko lomi amikuchomi lakhi ino kishelu nikeu ghuloki wocheni. Akukau tipauye alokutsushi eno kiuno achipiu akuzupu keno tipau aghakhu qhachho ayehpe nani.

JEREMIYA 29:10

“AMPEU no pianike, ‘Kughono Babilon lo wukeu ampe lhotsuni kupuveni keno ino nongu ghenguno alokumsu anani eno noyeghilo nongu saideghini ke ishoqhi penani.

JEREMIYA 31:27

“Ni, AMPEU no pianike ino Israil ngo Juda yeghi lo timi eno lhoxu pesu chhitoi tsunikeu ghuloki cheni.

JEREMIYA 32:42

“Ino timi hipaqo shou kutsakungokeu hipau sughikeu kiqi lono ino thime kivi kumtsu tushoqhipua keu pesu panoqo tsuni cheni.

JEREMIYA 33:9

Jerusalem ye ilau alokivi, agigihupu eno akijivilo kepu puki shive nani; eno ino Jerusalem lo akemi qo lau akivipu jeliqo shikeu ngo aphughilo ino kinikulu shilupekeu ayeghiqhalo ashiayeh kumtsuno chilu puzu panonguye musa ighuve nani.”

DANIEL 2:44

Panoqono akukau shi ake ghuloki lono kungulo kukau Alhou no akukaqha lakhi shi nani, tipau khilemu puhavemla nani. Ikemu pano kutami kukami kumtsu puhave tsu nani eno pa kukano ashekha kuha acheuve nani.

DANIEL 9:25

Tsaqui juno ithuvelo, Jerusalem mlakithe luvepe nikeu ahza tsukeu lono Alhou no sakipheu kishephe tsukeu ighikeu tsala kutolo, ampe tsunino ghuthu tsuni wo nani. Jerusalem mlakitheveno, atoghila ghutu ighono mutotoi mlave nani eno tipauye ampe tsunino ghuthu lhotsugho kini anani, ikemu tipadoye aghimedo shi nani.

AMUS 9:11

AMPEU no pi, “Ino David kukaqha tsuchile nikeu tsala cheni, tiye aki ilaqiveno ixapinyive keu toike. Ino tipau kuptu pukhove nani eno tipau sachileluni. Ino tipau shikithe nani eno tipau pesu kha-ghi wovekeulo akeu toivetsu nani.

MICAH 5:2

AMPEU no pi, “O Bethlehem Efrata, noye Juda lo taun aghulou lakhike, ikemu okudauno Israil ghenguno ino ayehkipeu lakhi saghi nani, pa kibolomi iko ighikeuye mulho ghulokilo idewo ani.”

MALAKI 3:1

Aqokitikhi MPEU no khochiletsu ani, “Ighenguno alaghi kutope nike ino ighinikishiu puwu nani. Tileno nonguno huqheju akeu MPEU ye zuleleno pa chinekilo ighi nani. Nonguno junishiqhiyi achekeu ghinikishiuno ighi nani eno iw puloshoqhi pesu asheshu nani.”

Luke 10:24

Ino nongu vilo pini, tungkupmi eno kukami kutomono nonguno kiu ithulu ani keno ti ithulu nishi cheke, ikemu panonguye tishi mlave, eno nonguno kiu chilu ani keno chilu nishia, ikemu panonguye tishi mlaveke.”

2 Kor. 1:20

Kughengu Alhou no piqhipuakeu kumtsu pa gholono “Iye” ipikeu anike. Tighenguno pa vechewono Alhou jekipipu shinike ninguno “Amen” ipi cheni.

IBRIMI 11:40

kughengu Alhou no ningu ghenguno kiukela akiviu jupe pughu puakehue, ike ningu sumokeloye panongu likhino tipau kupukhave pemo niyeke.

1 Peter 1:10

Tungkupmi khunono Alhou wu kupukini nongu wu shinikuau atsape shichekeno kishekulushi xakulupu hipau ghili phukidekudaju.

Piyeküsü 19:10

Tileno ino pa pukhu phivilo mllaniye iluiqive, ikemu pano ivilo ishipi, “Tishikevilo! niye no eno othikuzumi khunoqono Jisu no kuchou shepe shikeu ikhilu cheni keno tipaqo kumtsu gholo akusami aqemi lakhike. Alhou mllalo!” Kughengu Jisu no kuchou shepe shikeuno tungkuptsa pinikeu nguaghapuke.