JEREMIYA 32:28 - BAIBEL (BSI)

²⁸ Niye aphughi hipau pesu Babilon kukau Nebukadnezar ngo pawu aghushimi tsuve nikeu shiani; panonguno hipau leluve nani

Sumi Naga CL (Re-edited) Bible (BSI)

²⁸ Tighenguno Ampeu no ishi piani: Julo, I no mishighüna hipau pe Chaldeami eno Babylon kükau Nebuchadnezzar u lo süve tsüni cheni, panongu no hipau leluve nani.

JEREMIYA 32:28 Mawu Ofanana

KUKAMI AKINIU 25:11

Tishi puzu Nebuzaradan no aphughilo ghupuaghi keqo akumlalo shitsami eno Babilonmi no qhiveno wuvekeqo kumtsu sasu Babilon lo wuve.

YEKIKITHI AKINIU 36:17

Tighenguno AMPEU no Babilon kukau saghi puzu panoqo levepe. Akukauno Juda lo lhothemi kiptimiqo Achineki lo aghinamu heqhi pithive tsu. Paye lhothemi, kitemi, kiptimi, totimi, kusukinimi momu viakemi milakhi shou pimu kimiyeqhiyi keu shimoke. Alhou no panoqo kumtsu pa ulo suvetsu.

ISAIAH 29:2

no tithiuno “Alhou wu akipti khache” ipi kuchekeu phughi shou Alhou no kutsakungo sughi nani. Tile mulo qakeu eno qanhe nhekeu ani eno aphughi kumtsu akipti khache lakhi ajino nha luvekeu toive nani.

JEREMIYA 20:5

Ino pano ghumiqo pelo aphughi hipau lo kinikulu akeu kumtsu xulepuwuvepe nani eno tipaulo tinhemgha eno amheghi kumtsu sunhe kicheluvepe, Juda lo kukami qono kinikulu pekutsupua keu ghi eno tiye Babilon lo thwokha xapuwuve pe nani.

JEREMIYA 21:10

Niye aphughi hipau qhitsumoveni keu shi ino kumsupuvae ikemu hipau kutsavenie. Hipauye Babilon kukau ulo suvetsu nani eno pano tipau ayeghilo pitileqhive nani. Ni, AMPEU no piqhiveake.”

JEREMIYA 32:24

“Julo, Babilonmino lekepu yeghi toghi shipesu aphughi sumxavae, tipau leluveniyeke eno panonguno leanike. Aghukishi, akhuava eno kusukinino aphughi pesu panoqo ulo ikiqi iloveni cheni. Nono pivekeu kumtsu kuchou shi shikupu ighinike.

JEREMIYA 32:3

Akukau Zedekiya no tilehi ikughape akughu shive eno AMPEU no ishi pikeu ino pesu asheshukeu ghenguno ihakhake, tiye: “Ino Babilon kukau pelo aphughi hipau leluve peni cheni,

JEREMIYA 32:36

AMPEU, Israil Lhou no ivilo pike, “Jeremiya, timiqono piakeuno aghukishi, akhuava eno kusukinino aphughi hipau pelo Babilon kukau ulo ikiqi iloveni cheni kepi piani. Itehiye ino kutau kiu pikepushi ani keno inilo.

JEREMIYA 34:2

AMPEU Israil Lhou no ivilo Juda lo akukau Zedekiya lau wuno pilo pike, “Ni, AMPEU no aphughi hipau Babilon kukau ulo suvetsuni cheni eno pano tipau pitileqhive nani.

JEREMIYA 34:3

Noye pomla nani; noye kughaluveno pa ulo suve nani. Noye agi kinheqhi pa sasu kusholu nani eno ampino kuptsa nani; tishi puzu noye Babilon lo wu nani.