JEREMIYA 31:22 - BAIBEL (BSI)

²² Nonguye ado khitohi pulumlano avehu kunacho akemi shinani kya? Ino kiukela akithe pakutakeu lakhi lhophetsu ani, totimi lakhino kiptimi susholukeu toike.”

Sumi Naga CL (Re-edited) Bible (BSI)

²² O aküpülü kükühau atotiu, no ye khitohi künachoni kea? Kughengu Ampeu no ayeghi lo thime kithe lhophevae: totimi kiptimi süho luve nani.”

JEREMIYA 31:22 Mawu Ofanana

BOTHUBO 3:15

Atotiu ngo okujo dolo ino kimthikile keu sutsuni, oti ngo li ti dolo ino kimthikile keu sutsuni. Pano oboghe chisheda tsupeni eno nono pa phitsu mighi peni.”

ISAIAH 7:14

Tighenguno AMPEU ampino amchipu lakhi otsuni: ilimi lhothe mishipu akeuno anu lakhi punu nani eno pa je Immanuel kutsu nani.

JEREMIYA 13:27

Nonguye pano jumithiche keu thime shi aghikeu pano ithuluvae. Nonguno timi lakhino pa kusami nipu juminekeu momu khurshitsuno aqu pape keshi naghutoqolo inapughami lhouqo lau wukeu eno aluzalo wukeu pano nongu ithuluvae. Jerusalem lo akemiqo, nongu hakusapu shivae! Nonguye kughono muqhamiqhiyi nani kya?

JEREMIYA 14:7

Iw timiqono ilau ighamuku pi, ‘Ni xineno nishou ngukube anamu AMPEU, nono tushoqhiveke toi nikuphulo. Ninguye ghuthu kutomo olauno tsughusu wuveke. Ninguno oshou axine shiveke.

JEREMIYA 2:18

Ijip lo iqikeu lono kiu ala shilu nani kepi nonguye kumsuve kya? Nayil ghoki zu yeniye kesha? Asiriya lo wukeu lono kiu ala shilu nani kepi nonguye kumsuve kya? Eufrati ghoki zu yeniye kesha?

JEREMIYA 2:23

Noye kishi puzu olikhi oshipusa mphi kepi pilu nani, eno noye khilemu Baal mlla mokepi nani kya? Akhilalo nono kishi axine shikeno julo; nono kiu shivea keno julo. Noye tughalo akeu kemel no mutho ipeghi akeshi poiqho iqike, asayeqhalo koha wuke.

JEREMIYA 2:36

Nonguno ashiayeh kutami lhouqo lau tsughusu wukeu lono nolikhi no pesu lhalhaive ani. Asiriya no nongu mlo kusapu shivetsu keshi Ijip no nongu mlo kusapu shitsu nani.

JEREMIYA 3:1

AMPEU no pi, “Timi lakhino pa nipu sasu ixave aye eno lino pa launo wuve puzu kutami nipu shive aye paye li sachilelu kithe mlake. Tishiaye, tipa yeghi qhoi shipixive niake. Ikemu Israil, nonguye alojipumi kutomo auve puzu itehiye ilau ideighi nishi ani kesha?

JEREMIYA 3:14

“Amikucho kumomiqo; nonguye iwuke. Aphughi lakhikhi lono ino nongu milakhikhi luni eno alagha lakhikhi lono mikinini luni eno ino Zion Toghilo sachile saghi nanike.

JEREMIYA 3:22

Xaideghilo, AMPEU launo wuvekemi nongu kumtsu ighilo; pano nongu shipivi nani eno nongu pesu amikucho shitsu nani. Nonguno ishi pilo, “Iye, ninguye AMPEU lau cheni kughengu paye ni Lhou ke.

JEREMIYA 3:4

“Itehiye nonguno ivilo piani, ‘Noye nipuke eno ino itimi shiaphi lono noye ikimiye achenike.

JEREMIYA 3:6

Kughou Josiya no akukau shi akeno AMPEU no ivilo pike, “Noye Israil amikucho kumou totimi huno kiu shikeno noye ithulu akema? Liye ilauno wuve puzu atoghi kuchuqu kumtsulo eno asu minipho jeli qholono kusalhami toi mlaitha achenike.

JEREMIYA 3:8

Ino Israil kughuxave keu eno li puwuve keu Juda ghi ithuluvae, kughengu lino ilauno tsughusu wuve puzu kusalhami shiuveke. Ikemu Israil tsunipu amikucho kumou Juda ye musamoe, li ghi kusalhami lakhi shive

JEREMIYA 4:14

Jerusalem, oxaluvepe kepushi amlo lono axine qhuvelo. Nonguye khitotohi kutolo axine shikeu kukumsu kumsu anani kya?

JEREMIYA 49:4

Nongu amikucho kumomiqoye qheza ani kya? Nongu kumto kuhave cheake. Kushiye nonguye no kukalo pukhubeve ani eno khunomu nongu hale musano anike pi piani kya?

JEREMIYA 7:24

Ikemu panonguno agholumoe momu amlo tsuqhiyimoke. Tishinike zuqhulo panoqo mlolo kuthovi keu eno kusakughano panoqo vilo shilo pikeu shiwukhaveke, eno panonguye akiviu shinike zuqhulo alhoksau shikithe wuveke.

HOSIYA 11:7

Panonguno tsumomo ilauno tsughusu wuve nikeu shi acheni. Kuokhasu panoqo shou akeu ghenguno panonguno ighamuku igha nani ikemu khunomu tipau peqheluvetsumo nani.”

HOSIYA 14:4

AMPEU no pi, “Niye iwu timiqo ilau sachile saghini. Ino imlo kuchopu pesu panoqo kimiyeni; panoqo shou ixu ide kithemoake.

HOSIYA 4:16

Israil lo akemiqoye gadahatsu toi kuthoviloke. Niye kishi puzu atsuni kiviqalo bheritiqo toi panoqo lojiluni kya?

HOSIYA 8:5

Niye Samaria lo akemiqono shunayi mishitsu mllachekeu mithike. Niye panoqo shou iloghu ideke. Panonguno ajulho mllachekeu qhivenikeu ado khitohi luniaphi kya?

ZEKHARIA 7:11

“Ikemu iwu timiqono initsumoniye tsatsayi auve. Panongu kukumsu xukhomove eno inimoniaye panongu kini kiyikhaluve.

AKIKIHI 16:30

Ikemu khilemu chimla aphikeu kiula AMPEU no shi aye ayeghi no ikothape mukuluveno panongu gholono pichepighi kumtsu munove aye tishikeu lono panonguye xuaphi lono kithimi yeghilo iqive aye, tileno timi hipaqoye AMPEU milive kemiqo kepi nonguno ithi nani. “

MATTHEW 1:21

Lino anu lakhi punu nani eno noye paje Jisu kutsulo, kughengu pano paw timiqo xine lono xalu nani.”

Galatiami 4:4

Ikemu kughou ado kupukulai ighivekeno Alhou no pa Nu puwu, totimi pelo punupe, Judami yezah qholo xupe,