JEREMIYA 31:1 - BAIBEL (BSI)

¹ AMPEU no piani, “Ino Israil lo alaghami akeqo kumtsu Lhou shiluvenikeu ghuloki wocheni eno panonguye iwu timi shive nani.

Sumi Naga CL (Re-edited) Bible (BSI)

¹ “Ampeu no sheshu, tipa ghuloki lo I no Israel lagha kümtsü Lhou shive nani, eno panongu no Iw timi shive nani.”

JEREMIYA 31:1 Mawu Ofanana

SAMUEL AKINIU 7:24

Nono Israil pesu alhokupuju owu timi shiluve eno no AMPEU no panongu Lhou shiluve.

LESHELE 144:15

Khunoqo shou hikithipu kukumgha ikughini keno tipano lokivipuke; khuno Lhouno AMPEU keno tipano lokivipue!

LESHELE 48:14

“Alhou hipauye alhokupujulo ni Lhou ke; pano alhokupujulo nisakicheu shi nani.”

ISAIAH 20:6

Tipa tsalalo, Filistiyami azu phivilo achekemino ishi pinani, ‘Asiriya kukatou launo nisusholupe nike ninguno pukhu achekemi lau kiu shive akeno julo! Ninguye kishi puzu poluni kya?’ ”

ISAIAH 41:10

Ino osasu anike musa kevilo! niye oLhou ke kiu pelomu oshikichi pekevilo! Ino opelo mutotoilupe nani eno kuphu nani; ino osusholu nani eno oxalu nani.

JEREMIYA 23:6

Kughou pano akukau shini keno Juda lo akemiqoye sushokulushi anani eno Israil lo akemiqoye iqughai xulu nani. Pa pesu ‘AMPEU ye Ni Xakuluu ke’ ipi ku nani.”

JEREMIYA 3:18

Israil ye Juda gholo pekuqhave nani eno panongu kumtsa ahuu ayeghi akeu kudauno halepuwuve keu lono ighini eno ino nongu puasu lau amheghipu shi tsukeu yeghilo ide ighi nani.”

JEREMIYA 30:10

“Iwu timiqo, musa kevilo; Israil lo akemiqo, musa ichhive kevilo. Nonguno putosuu akughushi achekeu yeghi kudauno ino nongu xaphe saghi nani. Nonguye noghakhulo ideighi nani eno alokughuno shi xu nani; Nonguye sushokululo anani eno khunomu nongu shikumsamo nani.”

JEREMIYA 30:22

Panonguye iwu timi shive nani eno ino panoqo Lhou shive nani. Ni, AMPEU no piqhive ake.”

JEREMIYA 30:24

Hiye pano kiu shinikeu shi kumsupu ani keno shi khavemoke kutolo tiye ashekha shimo nani. Ighinikeu tsala lo paw timiqono hipau mutsumishei vethaluve nani.

JEREMIYA 30:3

Kughengu ino iwu timi Israil ngo Judami sachile saghinikeu ghuloki wochenike. Ino panoqo puasu tsukeu yeghilo panoqo saideghi nani eno panonguno tipau pighicheuve nani. Ni, AMPEU no piveake.”

JEREMIYA 31:33

Puloshoqhi akitheu ino Israil lo timiqo sasu shinikeu huye hike: Ino iyezah pesu panoqo lolo suvetsu nani eno panoqo mlolo yepuku nani. Ino panongu Lhou shive nani eno panonguye iwu timi shive nani.

JEREMIYA 32:38

Tithiuye panonguno iwu timi shive nani eno ino panoqo Lhou shive nani.

JEREMIYA 33:14

AMPEU no pi, “Ino Israil ngo Juda lo akemiqo lau tushokiqhi shipuakeu shikuputsu nikeu ghuloki cheni.

JEREMIYA 33:7

Ino Juda ngo Israil pesu kinikulu shitsu nani eno panonguye puzuu kishi akeno titoi ino panoqo xaqhepuku kithe nani.

JEREMIYA 50:4

AMPEU no pi, “Kughono tipa ghuloki ighini keno Israil ngo Juda kumalo kuamiqono qasusu ni panoqo Lhou phususu ighi nani.

EZEKEL 11:20

Tithiu panonguye iyezah pelu nani eno ino ahza tsukeu kumtsu pichebekulu shi agholu nani. Panonguye iwu timi shive nani eno niye panoqo Lhou shive nani.

EZEKEL 34:24

Ni, AMPEU no panoqo Lhou shi nani eno iqeu David toikemi akukau lakhino panoqo shou ayehkipeu shive nani. Ino pivae.

EZEKEL 34:31

“Nongu iwu bheri lojiqo, ino lojiche keqoye iwu timiqoke eno niye nongu Lhou ke,” ipi Akughushu MPEU no pike.

EZEKEL 36:28

Tithiu nonguye ino nopuasu tsupua keu yeghilo xulu nani. Nonguye iwu timi shi nani eno ino nongu Lhou shive nani.

EZEKEL 39:22

Tinguno tilauye Israilmino niye panoqo Lhou AMPEU kepi ithi nani.

EZEKEL 39:25

Akughushu MPEU no pike, “Ikemu itehiye ino Jakob laghami Israil lo akemiqo shou kupuqhiyi nani, eno panoqo itaghi kinikulu shitsu nani. Ino ije kimthe susho nani.

HOSIYA 1:11

Juda lo akemi ngo Israil lo akemiqoye pekuqhave nani. Panonguno kuqhano panoqo wu sakipheu lakhi kisheluve nani eno itaghi panonguye pano yeghilo thuwuve eno alau ikowove nani. Iye, Jezrel tsalaye atsala kije lakhi shi nani!

ACHINE 26:12

Ino nongu gholo anani, niye nongu Lhou shi nanike eno nonguye iwu timi shi nanike.

ZEKHARIA 13:9

Ino kikije akuthuu ghupe puaghikemiqo kimchiju nani eno ami lono tsandiyi ghukimthe keshi panoqo shikimthe nani. Shunayi kemo keno kimchiju ketoi ino panoqo kimchiju nani. Ino panoqo vilo panonguye iwu timi kepi nani eno niye panoqo Lhou kepi panonguno piphe nani.”

John 20:17

Ikelo Jisu no li vilo pi, “Isasu kiphemla kevilo, kughengu niye Apu lau ideiku mphike. Ikemu ithikuzumiqo lau wulo eno panoqo vilo itsa pitsulo: ‘Niye iPuh eno nongu paPuh lau eno ILhou eno nongu Lhou lau ideiku cheni.’ ”

2 Kor. 6:16

Alhou chineki ngo asu-atu ajulho pama kiu lono pulokile kepu ani kya? Kughengu ninguye xuakeu Lhou chineki ke, Alhou no ishi piveke toi: “Ino panoqo lolo xuni eno panoqo gholo acheuveni; Ino panoqo Lhou shini eno panonguye iwu timi shiveni.”

IBRIMI 12:16

Esao toi alhoksa eno achineyeh kumtha shive nosake kutokupuyilo. Paye kichi lakhi chuqupu ghenguno anoghiu mheghi jeveke.