JEREMIYA 3:4 - BAIBEL (BSI)

⁴ “Itehiye nonguno ivilo piani, ‘Noye nipuke eno ino itimi shiaphi lono noye ikimiye achenike.

Sumi Naga CL (Re-edited) Bible (BSI)

⁴ No ye itehi I vilo, ‘I Pu, No ye I lhothe lo küsaue, ipike kumo?

JEREMIYA 3:4 Mawu Ofanana

LESHELE 119:9

Lhothemi lakhiye pa kuxulo kishieno muqhamiqhiyi alu nani kya? Tiye nono ahza tsukeu gholukeu lonoke.

LESHELE 48:14

“Alhou hipauye alhokupujulo ni Lhou ke; pano alhokupujulo nisakicheu shi nani.”

LESHELE 71:17

O Alhou, ino lhothemi shiaphi lono nono ishikapiyeke, ino okumzapu kumla piani aphie.

LESHELE 71:5

AMPEU, niye iwu lajupu oshou bepe ani; ilhothe lono itehi kutolo opukhu acheni.

AHOLE 1:4

Tipaqono puju shijumphi kemi pelo shitsa shilupe eno lhothemi pelo akighithi ngo peithathi keu shilupe nani.

AHOLE 2:17

Liye akimino pulube mlakepu shive cheni eno liye akimthe shoqhi pheve cheni.

JEREMIYA 2:2

hipau tsape pesu Jerusalem lo timi kumtsu lau asheshulo pike. “Kughou nonguno alhothe shi akeno nonguye kiutoi pukhukulu keno ino kumsulu ae, ningu kulakupu shitughuloye nonguye kiutoi ikimiye chekeno; Nonguno asayeqhalo kishi ipapelu chekeno, yisumokeu yeghilo achekelo.

JEREMIYA 2:27

Nongu khunoqono asuboye nongu papu eno atuquye nongu paza kepi picheni keno, tipanoqo kumtsu shikukujoqhi nani. Hiye shini putsa kughengu nonguno ilau tsughu ighi nike zuqhu ilauno tsughusu wuveke. Ikemu nonguno kughou shiluksa shini keno ivilo nongu lau ighieno nongu xalutsu lopi iniju chenike.”

JEREMIYA 3:19

AMPEU no pi, “Israil, niye opesu inu shipenishike eno ayeghi kivi otsunishi ani, ayeghiqhalo ayeghi jukiviuke. Niye opelo apuh kepi iku penishike eno ilauno khilemu tsughusu wuve penishimoke.

JEREMIYA 31:22

Nonguye ado khitohi pulumlano avehu kunacho akemi shinani kya? Ino kiukela akithe pakutakeu lakhi lhophetsu ani, totimi lakhino kiptimi susholukeu toike.”

JEREMIYA 31:9

Iwu timiqoye qasusu ideighi nani, ino panoqo sachile wochekelo inikhu ghi ighi nani. Aghokiti kudau ino panoqo kichepiye nani, panoqo pelo kupuxalumo kepu alaghi kumdulo sawu nani. Niye Israil lau apuh lakhi toike, eno Efraim ye inu akichiuke.”

HOSIYA 2:15

Ino itaghi atsayilu li tsuchileni cheni, lino achekeu hu eno Akupuna Khila pesu lajupu hukikha lakhi shitsu nani. Lino lhothemi shiakelo, tiye lino Ijip lono ipeghike ghulokilo iputsa ketoi lino tilauno itaghi iputsa chile nani.

MALAKI 1:6

Aqokitikhi MPEU no achinemi vilo pi,”Anu lakhiye papu gihu cheni eno aqemi lakhiye pa mipeu gihu cheni. Niye nongu papuke, nonguye kushiye igihumo kya? Niye nongu mipeu ke nonguye kushiye igihumo kya? Nonguno ijumithi cheni eno tishi keghi nonguno ishi inijuke, ‘Ninguye khileno ojumithi cheni kya?’

MALAKI 2:14

Kushiye paye tipaqo ikhilutsu chemove akela pi nonguno iniju cheni. Tiye kutau ghenguno kumono nonguno lhothemi shiake lono sasu kulaukeu nipu lau nongu shoqhi kubolevekeu pano ithi ani kehue. Liye otunake eno nonguye Alhou zulono li lau amikucho shi xucheni keu tushoqhive kethiu ghi nonguno li lau ashoqhi shikeu kuboleveke.