JEREMIYA 3:22 - BAIBEL (BSI)

²² Xaideghilo, AMPEU launo wuvekemi nongu kumtsu ighilo; pano nongu shipivi nani eno nongu pesu amikucho shitsu nani. Nonguno ishi pilo, “Iye, ninguye AMPEU lau cheni kughengu paye ni Lhou ke.

Sumi Naga CL (Re-edited) Bible (BSI)

²² “Xaidelo, aküpülü küküha nuli, I no nongu küpülü küküha shipivi tsüni.” “Iyei, nino O lau cheni, kughengu No ye Ampeu ni Lhou ke.

JEREMIYA 3:22 Mawu Ofanana

ALE KIMCHI 1:4

Ogholo kumtsa wunike isawulo; ochebolo isawulo o akukau; Nikujo alovi kuqhani, okikimiye ye aji nguno alokiqipu ke. nono vape keuye ale nguno akiviuke!

ISAIAH 1:2

AMPEU nopi, “O ayeghi ngo atsutsu, ino kiu piani keno inijulo! Atianuli ino tuchomujo puthu keqono ishou hebide ani.

ISAIAH 27:8

AMPEU no pawu timiqo halevekeulo wuvepekeu pesu panoqo ghimeqhike. Pano kipelauno amlhu yikusa pelono panoqo pewuve peke.

ISAIAH 31:6

AMPEU no pi, “Israil lo akemiqo, nonguno ishou axine shike eno imujochileke. Ikemu itehiye ilau ideghi lo!

ISAIAH 57:17

Ino panoqo shou imlo idevekeuye panoqo xine eno panoqono aghukha shikeu ghengunoke, ike ino panoqo ghimeqhi eno qhiveke. Ikemu panonguye amlo kiqhimi eno panongu gho apuloulo checheuve.

JEREMIYA 3:12

Pano ivilo wuno Israil vilo pilo pike, “Amikucho kumou Israil, ilau ideighilo. Niye kimiyekinike eno amlo idemo nani; niye alhokupuju oshou amlo idemo nanike.

JEREMIYA 30:17

Ino nongu pelo itaghi vithaivepe nani; Ino nongu ghuzaqo shipivi nani, noghumiqono ishi piaghi pinamu: ‘Zion ye haphevekeu lakhike; khunomu li tucho hijumoke!’ Ni, AMPEU no piveake.”

JEREMIYA 31:18

‘Israil lo akemino amlo ghimeshi pikeu ino chilu, “ AMPEU, ninguye lhoxu chhikughuvumo keu toive Ningu sachile saghivelo; ninguye olau xaideghinike kutope ani AMPEU niLhou.

JEREMIYA 33:6

Ino aphughi hipau launo tsughusu wuvekeuye tipaulo timiqono alhoksa jeli shikeu ghengunoke. Ikemu ino aphughi hipau ngo tile akemiqo shipivi nani eno vithai akeulo panoqo sachile saghi nanike. Panoqo lau iquighai keu ngo sushokulu lukumkhashi ino piye nani.

JEREMIYA 4:1

AMPEU no pi, “Israil lo akemiqo, nonguno ideighini aye ilau xaideghilo. Nonguno ino jumithichekeu julho ikhipeve aye eno ilau amikucho shi aye

EZEKEL 18:30

“Itehiye ni, Akughushu MPEU no nongu Israilmi vilo pianike ino nongu milakhi khino kiu mlapuani keno tipau lono kughatha nani. Nonguno alhoksa kumtsu shiakeu lono tsughusu ighivelo eno nongu xine pelo nongu kutsavepe kevilo.

EZEKEL 33:11

Panoqo vilo pilo ike kuchouno niye xuakeu Lhou ke ghenguno niye axinemi lakhi thikeulo aghaqi chemoe. Niye pa pelo axine lono tave penishike eno xuluve penishike. Israil, nonguno alhoksa shiakeu tavelo. Nonguye kushiye thiani kya?

HOSIYA 13:4

AMPEU no pi, “Niye nongu Lhou AMPEU ke, Ijip yeghi lono nongu saipeghikeu Lhou ke. Inguno alau nonguye kutau Lhou kuhae. Ilikhino nongu xakuluuke.

HOSIYA 14:1

Israil lo akemiqo, nongu Lhou AMPEU lau ide ighivelo. Nongu xineno nongu kupuxape eno veqhipeke.

HOSIYA 14:4

AMPEU no pi, “Niye iwu timiqo ilau sachile saghini. Ino imlo kuchopu pesu panoqo kimiyeni; panoqo shou ixu ide kithemoake.

HOSIYA 14:5

Niye Israilmi ghenguno qhayikeu yeghilo tsutsughu ighikeu toi shi nani. Panonguye axamunu toi puile nani; panonguye Libanon lo asuboqo toi akuhu akivishi qusulu nani.

HOSIYA 14:8

Israil lo akemiqoye ajulho shisukeu sasu kiumu kutshu kime kepu shimove nani; Ino panongu kighini khochiletsu nani eno panoqo tuchohiju nani. Ani ighimokeu subo lakhi toi ino panoqo kusuqholuve nani; Niye panoqo wu kukumgha jeli pukike.”

HOSIYA 3:5

Tithiuno Israil lo akemiqono AMPEU panoqo Lhou lau eno panoqo kukau David laghami lau xaideghi kithe nani. Tithiuno panonguno AMPEU sumsa nani eno pa gho kivi ikhilu kepu shi nani.

JOYIL 2:12

“Ikemu itehino pinamu amlo tsuqhiyi shipuzu kumvukeu ngo qanimlokeu eno amlo itapinyi shieno xaideghilo eno ilau ideghilo.

ZEKHARIA 13:9

Ino kikije akuthuu ghupe puaghikemiqo kimchiju nani eno ami lono tsandiyi ghukimthe keshi panoqo shikimthe nani. Shunayi kemo keno kimchiju ketoi ino panoqo kimchiju nani. Ino panoqo vilo panonguye iwu timi kepi nani eno niye panoqo Lhou kepi panonguno piphe nani.”