JEREMIYA 29:11 - BAIBEL (BSI)

¹¹ Nongu ghenguno kughu puakeu nongu lau kutsakungo keu kumo puzu kinikulu sughinikeu, nonguno ighini keulo laju achekeu sughi tsunikeu kughu puakeqo ilikhino ithi ani.

Sumi Naga CL (Re-edited) Bible (BSI)

¹¹ I no nongu ghenguno kughu akeu I no ithi ani, Ampeu no sheshu, akivipu ghenguno thono alhoksapu kumoe, lajupu eno hithiu kivipu nongu tsüniye ke.

JEREMIYA 29:11 Mawu Ofanana

JOB 23:13

Pano kughuthaluve keulo khuno pa hachileluni kya? Pano kiu pulo kela ti shicheni.

LESHELE 33:11

Ikemu AMPEU kukughu qoye alhokupuju ache nani; Pa kimijiye lhokta kutolo anani.

LESHELE 40:5

O AMPEU iLhou, okumzapu kumla eno okukumsu nilau tsukeu ghili khunomu pikha mlae. Osasu kimghi akepu khumu kuhae. Ino tipaqo pikulha eno asheshu anamu tiye kihikhaluni chemoe.

LESHELE 85:9

Kuchouno khunoqono pa gihuni keno paye tipaqo xalunikeu kutope ani, eno niyeghilo pawu xalu ache nani.

ISAIAH 27:4

Niye atsayilu lau aloghu ide chemovae. Asahu ngo aghusahu sasu aghushi kepushi tile likhino ino tipaqo qhoi pitivenike.

JEREMIYA 23:5

AMPEU no pi, “Akukau shipe nike David tikughuko lomi amikuchomi lakhi ino kishelu nikeu ghuloki wocheni. Akukau tipauye alokutsushi eno kiuno achipiu akuzupu keno tipau aghakhu qhachho ayehpe nani.

JEREMIYA 23:6

Kughou pano akukau shini keno Juda lo akemiqoye sushokulushi anani eno Israil lo akemiqoye iqughai xulu nani. Pa pesu ‘AMPEU ye Ni Xakuluu ke’ ipi ku nani.”

JEREMIYA 24:5

Ni, AMPEU, Israil Lhou no kihilu akeuye timi Babilon lo sawuve kemiye khughuthi kivi hipaqo toike, ino kimiyeqhiyi panoqo peitha nanike.

JEREMIYA 30:10

“Iwu timiqo, musa kevilo; Israil lo akemiqo, musa ichhive kevilo. Nonguno putosuu akughushi achekeu yeghi kudauno ino nongu xaphe saghi nani. Nonguye noghakhulo ideighi nani eno alokughuno shi xu nani; Nonguye sushokululo anani eno khunomu nongu shikumsamo nani.”

JEREMIYA 30:9

Tishinike zuqhulo, panonguno ni, AMPEU panoqo Lhou qe nani eno David laghami lakhi pesu akukau shipe nike ino kughuqa nani.”

JEREMIYA 33:6

Ino aphughi hipau launo tsughusu wuvekeuye tipaulo timiqono alhoksa jeli shikeu ghengunoke. Ikemu ino aphughi hipau ngo tile akemiqo shipivi nani eno vithai akeulo panoqo sachile saghi nanike. Panoqo lau iquighai keu ngo sushokulu lukumkhashi ino piye nani.

AKUMLO 3:26

AMPEU wu xakulu ghenguno iquighai kheakulu shi keuye aloke.

EZEKEL 11:16

Ike itehino nokusami halepupove kemiqo vilo ino kiu piani keno pesu pilo. Panoqo pelo ashiayeh putou akemiqo gholo xupenike puwuvekeu hiye inoke, ino aghakhu kutauqolo panoqo kuthole puwuveke. Tishimu, itehi doloye panonguno khuno yeghilo wuvea keno tilau ino panoqo gholo ananike.

HOSIYA 3:5

Tithiuno Israil lo akemiqono AMPEU panoqo Lhou lau eno panoqo kukau David laghami lau xaideghi kithe nani. Tithiuno panonguno AMPEU sumsa nani eno pa gho kivi ikhilu kepu shi nani.

MICAH 4:12

Ikemu ashiayeh hipaqoye AMPEU no kiu kumsupu akeno mthake. Athi qoleluniaye aniqalo aghipe kipiqhe peighi ke paphi lono panoqo ghimeqhini aye panongu hekutsu kumqo kepi panonguye vethamlake.

ZEKHARIA 1:6

Tungkupmi iqemiqo vechewo nongu puasuqo lau ino ahza tsu eno kutughukeu tsuke ikemu panonguno tipaqo phimoveke eno tipau jume aghime sholu ke. Tileno panonguno xachile ighino ni, Aqokitikhi MPEU no panonguno ithulu kuzupu shiakeu qhemi eno ino shinikeu shi kumsupuve keu shi panoqo ghimeqhi kepu panonguno kumsu chileluke.”

ZEKHARIA 13:9

Ino kikije akuthuu ghupe puaghikemiqo kimchiju nani eno ami lono tsandiyi ghukimthe keshi panoqo shikimthe nani. Shunayi kemo keno kimchiju ketoi ino panoqo kimchiju nani. Ino panoqo vilo panonguye iwu timi kepi nani eno niye panoqo Lhou kepi panonguno piphe nani.”