JEREMIYA 29:10 - BAIBEL (BSI)

¹⁰ “AMPEU no pianike, ‘Kughono Babilon lo wukeu ampe lhotsuni kupuveni keno ino nongu ghenguno alokumsu anani eno noyeghilo nongu saideghini ke ishoqhi penani.

Sumi Naga CL (Re-edited) Bible (BSI)

¹⁰ “Kughengu Ampeu no ishi piani: Kughou Babylon lo ampe lhotsüni kupuveni keno I no nongu xuju nani, I shoqhi shikupu nani eno hipa-a lo nongu sachile saghi nani.

JEREMIYA 29:10 Mawu Ofanana

YEKIKITHI AKINIU 36:21

Tighenguno AMPEU no tungkupu Jeremiya vechewo kiu pipuakeno tipau ye shikupuve: “Ayeghi ye ampe lhotsuni kughukughaleive nani, tiye Sabat kulhokiqhi ikhilu mono achekeu shilu peniyeke.”

YEKIKITHI AKINIU 36:22

Persia lo Cyrus no akukatou shikeu ampe atughiulo AMPEU no tungkupu Jeremiya vechewo kiu pi puakeno pano kuchou shi ighilu peke. Pano Cyrus hakite puzu ahza hipau tsu eno akiye lono tsupuwuno pa kukaqha kumtsulo tipau asheshu ghi phisupe:

EZRA 1:1

Persia Yeghi shou akukau Cyrus no kake mpe atughiulo Alhou tsa Jeremiya kichi lono pikeu shikupu penike AMPEU no akukau Cyrus kipekulhu puzu pa yeghiqha kumtsu lau asheshu eno akiyelo ghi qhivepe.

EZRA 1:2

“Cyrus akukauno hitoi pi ani, kungugha Lhou no ayeghilo yehpe kuka itsuvae eno Juda yeghilo Jerusalem lo pa ghenguno achineki lakhi shitsu lopi ipichevae.

LESHELE 102:14

Oqemino li kimiye cheni, liye kutsapinyive ayeathono; liye ixapinyive pinamu panonguno li kupukeu ani.

JEREMIYA 25:11

Hipau yeghiqha kumtsu ixapiniyi qhive nani eno jukichi kepu shive nani, acheaxulo akeu shiayehqoye ampe lhotsuni ghenguno Babilon kukau qe nani.

JEREMIYA 25:12

Tipathiuno Babilon ngo tipau kukau ngo ishi panoqo xine ghenguno ino aghime tsu nani. Ino tipau ghakhuqha kutsapiniyive tsu nani eno tiye alhokupujulo ixapiniyi qhivetsu nani.

JEREMIYA 27:22

Tipaqoye Babilon lo pewuve nani eno ino tipau shou imlo tsuqhiyi kumsulumo ke kutolo tilau ache nani eno hipa alo sughi no qhi nani. Ni, AMPEU no piqhiveake.”

JEREMIYA 27:7

Ashiayeh kumtsuno pa qe nani, eno pa shiayeh ikiqinikeu ghuloki ighimoke kutolo panonguno panu ngo pa tianu qe nani. Tithiuno pa shiayehno ashiayeh kumtomi ngo kukami kijemiqo qewuve nani.

JEREMIYA 29:28

Pa lakhave masake kughengu pano Babilon lo akemiqo vilo panonguye tilau ado kushuwa akughumi shi anani eno akialu shipuzu ngolu, aghutulo axathi pighilu eno tipaqo lono ipeghikeu chulopi pipuanike.”

JEREMIYA 29:32

Paye nongu gholo alimi alagha kuha nani. Paye ino iwu timiqo ghenguno akivi jeli mlaniye akeu ithulumono thive nani, kughengu pano panoqo pelo ihebide penikeu pitsuke. Ni, AMPEU no piqhivae.”

JEREMIYA 30:3

Kughengu ino iwu timi Israil ngo Judami sachile saghinikeu ghuloki wochenike. Ino panoqo puasu tsukeu yeghilo panoqo saideghi nani eno panonguno tipau pighicheuve nani. Ni, AMPEU no piveake.”

JEREMIYA 33:14

AMPEU no pi, “Ino Israil ngo Juda lo akemiqo lau tushokiqhi shipuakeu shikuputsu nikeu ghuloki cheni.

EZEKEL 11:17

Tighenguno ni, Akughushu MPEU no piakeu pesu panoqo vilo pilo. Khilehi ino panoqo kutholesuve keno tipaqo yeghi lono ino panoqo hekutsu nani eno Israil yeghi pesu panoqo tsuchile nani.

DANIEL 9:2

Pa kuka mipe atughiulo ino akimthe kakulo Jerusalem ye ampe lhotsuni ixaveno akeu AMPEU no Jeremiya tungkupu vilo pikeu phukidejua.

ZEFANIA 2:7

Juda lo timi puxu puaghi keqono noyeghi lo ngoluve nani. Panonguno tilehi pano wu bheri loji achukumza nani eno Ashkelon lo aki akeqolo zu nani. AMPEU panoqo Lhou no panoqo sasu anani eno panoqo pelo itaghi kinikulu shilupe nani.

ZEKHARIA 1:12

Tileno kungumino pi, “Aqokitikhi MPEU, noye Jerusalem ngo Juda lo aphughiqo shou aloghu idekeu hi ampe lhotsuni shivae. Noye panoqo lau kimiye qhiyinikeu ado khitotohi luani aphi kya?”

ZEKHARIA 7:5

Pano pi, “Aghakhu hipaulo akemiqo vilo eno achinemiqo vilo pilo ike panonguno hi ampe lhotsuni dolo aqhi apunguu eno aqhi akutsuniu lo kumvu chekeu eno mlo qachekeu huye igihukeu lono kumoe.

RUTH 1:6

Tile li no amukishiu pama sasu Muab ghakhu lono Bethlehem lo idewove nike kutothu, kughengu Muab ghakhulo ake lono AMPEU no pawu Israilmi xuju ighino timiqo ye achuqupu ithulu aniepi li no chiluke.